Faasilasilaga

◼ Lomiga e ofo iā Me: Ofo mekasini o Le Olomatamata ma le Ala Mai! Pe a toe foʻi e asia tagata fiafia, ia atonu e aofia ai ma i latou na auai i le Faamanatuga po o nisi o fuafuaga na faatulaga e le faapotopotoga, ae e lē auaufaatasi mai pea lava pea, ia ofo i ai le tusi, Tapuaʻi i le Atua. E ao ona taulaʻi atu taumafaiga uma i le amataina o se suʻesuʻega faale-Tusi Paia i le aiga, aemaise lava pe afai o nisi o nei tagata na suʻesuʻe muamua i le tusi o Le Poto ma le polosiua o le Manaomia. Iuni: Ofo le tusi, Ia Faalogo i le Faiaʻoga Sili. Afai e faapea mai le tagata e leai sana fanau, ia ofo i ai le polosiua o le Manaomia. Pe a faaaogā le polosiua, ia uaʻi atu i le amataina o ni suʻesuʻega faale-Tusi Paia i le aiga. Iulai ma Aokuso: E mafai ona faaaogā so o se polosiua e 32 itulau. Setema: Le Ala e Maua ai le Fiafia i le Aiga po o le tusi Fesili Mai Talavou. Oketopa: Mekasini o le Olomatamata ma le Ala Mai! Pe a faaalia e se tasi le fiafia, ia ofo i ai le polosiua o le Manaomia, ma ia fai ni taumafaiga faapitoa e amata ai ni suʻesuʻega faale-Tusi Paia.

◼ E tatau i le ovasia taʻimua po o se tasi ua ia tofia ona suʻe tusi a le faapotopotoga iā Iuni 1 po o le vave e mafai ai mulimuli ane. A māeʻa ona faia lenei mea ona faasilasila atu lea i le faapotopotoga pe a uma ona faitau atu le tala o le tupe e sosoo ai.

◼ O foaʻi tauofo e faia e ala i siaki tupe ma tuuina i totonu o pusa mo meaalofa tauofo mo le galuega i le lalolagi aoao, ma Faaputugātupe mo Maota o le Malo, e tatau ona faia ina ia totogi atu i le “Jehovah’s Witnesses.” O foaʻi e faia i tauaofiaga itumalo e ala i siaki tupe ma foaʻi e auina atu i le ofisa o Samoa, e ao ona fai ina ia totogi atu i le “International Bible Students Association.” O le tuatusi mo le lafoina atu o meaalofa tautupe, o le International Bible Students Association, P.O. Box 673, Apia, SAMOA.

Lipoti o le Auaunaga mo Fepuari

Samoa

Aofaʻi o:

Itula Mekasini Toe Asiga Suʻesuʻega

Pae. Faa. 12 126.2 110.8 50.2 8.6

Pae. Sau. 39 56.2 61.6 18.7 3.4

Pae. Lago. 10 52.3 47.6 11.5 2.4

ʻAutalaʻi 300 9.0 13.8 2.4 0.5

AOFAʻI 361 O Ē Papatiso: 1

Amerika Samoa

Aofaʻi o:

Itula Mekasini Toe Asiga Suʻesuʻega

Pae. Faa. 3 113.0 78.0 45.7 4.7

Pae. Sau. 9 61.3 67.8 23.9 3.7

Pae. Lago. 9 44.7 56.1 18.4 3.6

ʻAutalaʻi 153 10.1 14.7 3.1 0.7

AOFAʻI 174 O Ē Papatiso: 1

Ofoina o le Tusi, Ia Faalogo i le Faiaʻoga Sili

◼ “Pe e te manatu o le a sili ona lelei le tulaga o le lalolagi pe a faatatauina e tagata ia upu nei? [Faitau le Mataio 7:12a. Ona faatali lea mo se tali.] O loo i ai i lenei tusi le tele o lesona mai le faiaʻoga sili o ē uma na soifua.” Ia faamatilatila ata ma faamatalaga i le mataupu e 17.

◼ “Ua taumafai le toʻatele o mātua i aso nei e tāmau i a latou fanau ia tapulaa aogā tau amio. Pe e te lagona le tāua o lenei mea? [Faatali mo se tali. Ona faitau lea o le Faataoto 22:6.] Ia mātau, ua faalaeiauina mātua ina ia amata toleni a latou fanau mai lava a o tama meamea. Ua fuafuaina lenei tusi e fesoasoani i mātua e faia lenā mea.” Faamatilatila ata ma faamatalaga i le mataupu e  15, 18, ma le 32.

◼ “E masani lava ona maofa mātua i fesili e fesili atu ai a latou fanau. O nisi o na fesili e ono faigatā ona taliina, a ea? [Faatali mo se tali. Ona faitau lea o le 2 Timoteo 3:14, 15.] Ua faapea mai le Tusi Paia, sa aʻoaʻoina Timoteo e lona tinā ma le tinā o lona tinā a o tamaitiiti lava o ia. E mafai ona fesoasoani lenei tusi i mātua ina ia faia faapea i aso nei.” Faamatilatila nisi o ata ma faamatalaga i le mataupu e  11 ma le 12 po o le 34 e oo i le 36.

Faamatalaga e Fesoasoani i Tagata a Lautele

E faia e Kerisiano moni se sao i le faiva i le lautele i le folafolaina atu o le tala lelei. (Fili. 2:17) Ina ia faataunuuina lenā tulaga, ua iai nei i le Initineti, ni polosiua autū, sāvali, ma mataupu i gagana e 20. O le tuatusi i le Initineti, o le www.watchtower.org. O lenei vaega o le Initineti, e lē o fuafuaina e tufatufa atu ai ni lomiga fou i Molimau a Ieova. O le sini autū, ua saunia ina ia maua ai e tagata i le lautele faamatalaga saʻo e faatatau i mea o loo aʻoaʻo atu e Molimau a Ieova mai le Tusi Paia.

Talu ai nei, ua iai se faaopoopoga mataʻina i lo tatou tuatusi aloaʻia o Fesootaʻiga faakomepiuta. O le polosiua lea, O le ā e Manaomia e le Atua Mai ia i Tatou? i le sili atu ma le 220 gagana. E lē gata i lea, i le lomiga o Le Olomatamata o Ianuari 1, ma le Ala Mai! o Ianuari-Mati, 2004 ua amata ona faaalia i itulau i tua o na mekasini i gagana uma lava lo tatou tuatusi i le Initineti.

E faapefea ona e faaaogāina lenei meafaigaluega? Ia, atonu e lua te feiloaʻi ma se tagata e foliga mai e fiafia, ae e ese se gagana e malamalama i ai. Ae afai o ia faaaogāina le Initineti, e mafai ona e faaali i ai le tuatusi i le Initineti, i le itulau mulimuli o Le Olomatamata po o le Ala Mai! O le auala lenei o le a mafai ai e le tagata ona suʻesuʻeina le polosiua, o le Manaomia i lana lava gagana seʻia e toe foʻi atu ma ni lomiga i lana gagana. Pe e mafai foʻi ona e faailoa atu le tagata lea i le faapotopotoga po o le vaega o vaaia tagata e tautala i lea gagana.