2. (a) E faapefea ona amata la tatou taulimaga i le faitauina o se mau? (e) O ā mataupu faale-Tusi Paia e fiafia i ai tagata i lau oganuu?

² Ia Amata i le Faitauina o se Mau: E amata e nisi o tagata talaʻi la latou taulimaga i le fesili atu i le tagata i se fesili e faaali mai ai le manatu o le tagata i se mau o le Tusi Paia lea o le a latou faitauina atu. E vave tele ona taulaʻi atu ai manatu i le Afioga a le Atua. Pe faamata e aogā faatomuaga o loo mulimuli mai i lau oganuu?

◼ “Pe ana fai e iai sou mana e faia ai, po o le a e aumaia ea suiga nei?” Faitau le Faaaliga 21:4.

◼ “Aiseā ua tatou ola ai nei i taimi faigatā?” Faitau le 2 Timoteo 3:1-5.

◼ “Pe e te manatu o le a avea lo tatou vaipanoa o se nofoaga e sili ona lelei pe ana usitaia e tagata uma le fautuaga lenei?” Faitau le Mataio 7:12.

◼ “Pe e te manatu ea o le a olioli lau fanau i tulaga o loo faamatalaina i inei?” Faitau le Salamo 37:10, 11.

◼ “Pe e te manatu o le a iai se taimi o le a faataunuuina moni ai upu nei?” Faitau le Isaia 33:24.

◼ “Pe e te malamalama i le suiga o le faigāmalo o loo taʻua i inei?” Faitau le Tanielu 2:44.

◼ “Pe na iai ea se taimi na e manaʻo ai e fesili atu i le Atua i le fesili lenei?” Faitau le Iopu 21:7.

◼ “Pe faamata e mafai ona tatou toe vāai i ē pele iā i tatou ua maliliu?” Faitau le Ioane 5:28, 29.

◼ “Po o iloa mai e i latou ua maliliu mea o loo faia e ē o ola?” Faitau le Failauga 9:5.

Le Tala e Fai Atu e Uiga i Mekasini

Le Olomatamata Sete. 1

“E tatou te mananaʻo uma lava ia fiafia. Pe e te manatu ea o mea ia o loo taʻua i inei e aumaia moni ai lava le fiafia? [Faitau le Mataio 5:4a, 6a, 10a. Ona faatali lea mo se tali.] O loo faamatalaina i le mekasini lenei le uiga o upu na, mai le lauga taʻutaʻua i luga o le mauga ma talanoaina ai po o le ā le isi mea e fai e maua ai le fiafia.”

Ala Mai! Iulai-Sete.

“I le lalolagi i aso nei, ua lagona e nisi tagata faapea, ua siliga se faamoemoe. Pe e te lagona faapena i nisi taimi? [Faatali mo se tali. Ona faitau lea o le Roma 15:4.] O le toʻatele lava o tagata e latou te iloaina le tāua o le iai o se faamoemoe. O le a e fiafia e iloiloina māfuaaga e fitu faale-Tusi Paia mo le faamoemoe o loo aumaia i lenei lomiga o le Ala Mai!”

Le Olomatamata Sete. 15

“E faitau miliona tagata e faaaofia i a latou tatalo upu nei. [Faitau Mataio 6:10.] O le ā sou taofi e faatatau i le olaga o le a iai pe a faia atoatoa le finagalo o le Atua i le lalolagi? [Faatali mo se tali.] O loo iloiloina i lenei mekasini uiga o vaega taʻitasi o le Tatalo a le Alii, e aofia ai ma le vaega lea na faatoʻā ta faitauina.”

Awake! Sete. 22

“E toʻatele tagata ua popole i le faatupulaʻia o se faafitauli o loo aafia ai talavou—o le inu tele. Po ua e faalogo i ai? [Faatali mo se tali. Ona faitau lea o le Faataoto 20:1.] O le inu tele e oo ai talavou i le tele o faafitauli. O loo iai i lenei mataupu faamatalaga e fesoasoani iā i latou e teena le uunaʻiga o le faaaogā sesē o le ʻava malosi.”