O le ā La‘u Filifiliga e Tusa o Vaega Ninii o le Toto ma Togafitiga e Faaaogā ai Lo‘u Toto?

Ia Teu Lelei

O le ā Laʻu Filifiliga e Tusa o Vaega Ninii o le Toto ma Togafitiga e Faaaogā ai Loʻu Toto?

Ua faatonuina e le Tusi Paia Kerisiano ina ia “taumamao . . . ma le toto.” (Galu. 15:20) O le mea lea, e lē taliaina e Molimau a Ieova le tuiina o le toto, po o ona vaega autū, e iai sela mūmū, sela papaʻe, sela faatoʻa toto, ma le vaega faasuavaia o le toto. E lē tuiina o latou toto mo isi, pe teu e faaaogā mo i latou lava pe a manaʻomia.—Levi. 17:13, 14; Galu. 15:28, 29.

O ā mea ua taʻua o vaega ninii o le toto, ma aiseā e ao ai ona filifili le Kerisiano e tusa o le faaaogāina o ia vaega?

O vaega ninii o le toto, o vaega ia ua vavaeese mai le toto e ala i se faiga ua taʻua o le vaevaega (fractionation). O se faataʻitaʻiga, o le vaega faasuavaia o le toto, o se tasi lea o vaega autū e fā o le toto, o loo aofia ai: le vai, e tusa lea ma le 91 pasene; ma polotini e iai albumins, globulins, ma le fibrinogen, e tusa lea ma le 7 pasene; ma isi vaega aogā, ma homone, faapea kasa, vaitamini, o otaota, ma isi suāvai e taʻu o electrolytes, e tusa lea ma le 1.5 pasene.

Po o aofia nei vaega ninii i le faatonuga ia taumamao mai le toto? E lē mafai ona avatu se tali patino i lea tulaga. E lē o aumaia i le Tusi Paia se faatonuga tonu e tusa ai o le mataupu i vaega ninii o le toto..a O le mea moni, o le tele o vaega ninii o le toto o loo faaaogāina, e vavae mai toto ua ofo tagata e tui mai mo togafitiga faafomaʻi. E filifili le Kerisiano e tusa o lona lava loto fuatiaifo pe na te talia pe teena togafitiga e faaaogā ai ia vaega ninii.

Pe a fai lau filifiliga, ia manatunatu i fesili nei: Po ua ou malamalama, afai ou te teena vaega ninii uma o le toto, o lona uiga o le a ou lē taliaina nisi o vailaau mo togafitiga, e pei o vailaau e teena ai vairusi ma faamaʻi, faapea ma vailaau e aogā i le faatoʻaina o le toto e taofi ai le piliki? Pe e mafai ona ou faamatala i le fomaʻi le māfuaaga ou te teena pe talia ai le faaaogāina o nisi vaega ninii o le toto?

Aiseā e faia ai e aʻu lava ia le filifiliga i nisi togafitiga o loo faaaogāina ai loʻu lava toto?

E ui e lē tuiina le toto o Kerisiano mo isi pe teu e toe faaaogā i se isi taimi, o nisi togafitiga ma suʻega o le toto e faaaogā ai le toto o le tagata lava ia, e lē o feteenaʻi ma mataupu silisili o le Tusi Paia. O lea, e ao i le tagata lava ia ona fai lana filifiliga e tusa ma lona loto fuatiaifo pe talia pe teena se togafitiga e faaaogā ai lona lava toto.

Pe a fai lau filifiliga, ia e fesili ifo iā te oe lava: Pe afai e faatafe ese atu loʻu toto ma e iai foʻi sina taimi e motusia ai le fetafeaʻi lea a o leʻi toe faafoʻi mai i loʻu tino, e tusa la ma loʻu loto fuatiaifo, pe ou te manatu o loo avea pea lea toto ma vaega o loʻu tino, ma e lē manaʻomia ona ʻsasaaina i le eleele?’ (Teu. 12:23, 24) Pe afāina loʻu loto fuatiaifo ua aʻoaʻoina i le Tusi Paia pe afai o faia se togafitiga e aveesea ai se toto mai iā te aʻu ma faia i ai se suiga, ona toe tui mai lea i loʻu tino? Po ua ou malamalama, afai ou te teena togafitiga uma e faaaogā ai loʻu toto, o lona uiga foʻi ou te teena le faamamāina o le toto, po o le pamu e faagasolo ai le toto a o faia se taotoga i le fatu po o le mamā? Po ua ou tatalo ia manatunatu lelei i lea tulaga a o leʻi faia laʻu filifiliga?b

O le ā laʻu filifiliga?

Ia tagaʻi i faamatalaga o loo i itulau o loo mulimuli mai. I le Lisi 1, o loo iai se lisi o ni vaega ninii ua vavaeese mai le toto ma le auala o loo faaaogā ai i vai ma togafitiga. Tusi i lalo lau filifiliga pe e te talia pe teena le faaaogā o ia vaega ninii taʻitasi. I le Lisi 2, o loo iai le lisi o togafitiga ua masani ona fai e faaaogā ai lou lava toto. Tusi i lalo lau filifiliga pe e te talia pe teena ia togafitiga. O nei lisi, e lē o ni pepa faaletulafono, ae e mafai ona faaaogā au tali ua tusia ai e faatumu ai lau pepa (Faatonuga/Tuusaunoaina Faafomaʻi ua Muaʻi Saunia) e filifili ai sē e avea ma ou sui pe a tupu se faalavelave iā te oe.

Ia fai lau filifiliga e tusa ma lou loto fuatiaifo ae lē o le loto fuatiaifo o le isi tagata. E lē tatau foʻi i se Kerisiano ona faitio fua i le filifiliga a le isi. E ao i le tagata ona “taʻitasi ma ave i lana lava avega.”—Kala. 6:4, 5.

[Faaopoopoga i lalo]

a O loo iai ni faamatalaga aogā e tusa o lenei mataupu i Le Olomatamata o Iuni 15, 2004, itulau 29-31.

b O loo iai faamatalaga aogā e tusa o lenei mataupu i Le Olomatamata o Oketopa 15, 2000, itulau 30-31, faapea le Transfusion Alternatives—Documentary Series i le DVD.

LISI 1

E LĒ TALIAINA LAU FILIFILIGA E KERISIANO

LAU FILIFILIGA

LE TOTO

LE TOTO VAEGA NINII O LE TOTO

Filifiliga e Ao Ona E Fai

VAEGA FAASUAVAIA O LE TOTO

O ALBUMIN—E OO I LE 4% O LE VAEGA FAASUAVAIA O LE TOTO

O se polotini e vavae pe aveesea mai le vaega faasuavaia o le toto. O nisi ituaiga o albumin e fai mai laau, ma mea‘ai e pei o le susu ma fuāmoa, ma le suāsusu o le tinā. O nisi taimi ua faaaogā ai le albumin e tui i vailaau lea e togafitia pe faatele ai le toto pe a maulalo, pe togafitia fo‘i se mū ua tugā. O nei vai e oo i le 25 pasene le albumin o loo iai. E itiiti lava se vaega ua faaaogāina e faia ai le tele o isi vai, e iai vai e ta‘u o le erythropoietin (EPO).

____ Ou te talia le albumin

____ Ou te teena le albumin

O IMMUNOGLOBULINS—E OO I LE 3% MAI LE VAEGA FAASUAVAIA O LE TOTO

O ni vaega ninii o polotini e ono faaaogā i nisi vai e teena ai vairusi ma faama‘i, e iai le ma‘i lipi, ‘ona, ma‘i ate mai vairusi, ma le rabies. E aogā fo‘i e puipuia ai mai ma‘i e ono lamatia ai le ola o le pepe a o le‘i fanau mai, faapea le ‘ona pe a ū e se gata po o se apogaleveleve lea e ‘ona pe a ū ai lou tino.

____ Ou te talia le immunoglobulins

____ Ou te teena le immunoglobulins

VAEGA FAATOʻA TOTO—E ITIITI MA LE 1% O LE VAEGA FAASUAVAIA O LE TOTO

O loo iai polotini e aogā ina ia to‘a ai le toto ma taofia ai le piliki. E faaaogā fo‘i mo ma‘i e pilikigofie. Ua faaaogā fo‘i e fai ai ituaiga o kelū faapitoa e faaaogā e foma‘i e faapipii ai tipiga ma taofi ai le piliki pe a māe‘a se ta‘otoga. Ua iai se vai e aogā mo le faato‘aina o le toto e ta‘u o le cryoprecipitate. Ia mātau: O nisi mea e faato‘a ai le toto, e leai se toto o faaaogāina ai.

____ Ou te talia mea faato‘a toto mai vaega ninii o le toto

____ Ou te teena mea faato‘a toto mai vaega ninii o le toto

SELA MŪMŪ O LE TOTO

HEMOGLOBIN—33% O SELA MŪMŪ

O se polotini e feavea‘iina le okesene i le tino ma momoli le karaponi taiokesaita i māmā. O mea e fai mai sela mūmū o le toto o tagata ma manu, ua faaaogā e togafitia ai ma‘i o tagata e vaivai tele le toto po ua tele na‘uā le toto e alu.

____ Ou te talia le hemoglobin

____ Ou te teena le hemoglobin

HEMIN–ITIITI IFO I LE 2% O SELA MŪMŪ O LE TOTO

O se mea e maua mai le haemoglobin e faaaogā e togafitia ai ituaiga o ma‘i o le toto e seāseā se isi maua ai (ua ta‘ua o porphyria), e aafia ai le gasologa o mea‘ai, o neula, ma le faataamilosaga o le toto.

____ Ou te talia le hemin

____ Ou te teena le hemin

SELA PAPAʻE O LE TOTO

INTERFERONS—O SE VAEGA ITIITI LAVA O SELA PAPAʻE

O polotini e teena ni ma‘i e māfua mai vairusi, faapea le kanesa. O le tele o interferons e lē faia mai toto. Ae o nisi e fai mai vaega ninii o sela papa‘e o le toto mai tagata.

____ Ou te talia interferons e fai mai le toto

____ Ou te teena interferons e fai mai le toto

SELA FAATOʻA TOTO

I le taimi nei, e leai ni vaega ninii o le toto mai sela faato‘a toto ua vavaeese mai auā le faaaogāina mo togafitiga.

LISI 2

LAU FILIFILIGA
TOGAFITIGA E FAAAOGĀINA AI LOU TOTO
LE IGOA O LE TOGAFITIGA	LONA AOGĀ	Filifiliga e Ao Ona E Fai (Atonu e lelei pe a e talanoa i lau foma‘i ae e te le‘i filifili pe talia pe teena se togafitiga.)
TOE FAAAOGĀ LOU TOTO (CELL SALVAGE)	Faaitiitia ai le toto e alu. E toe faaaogā le toto o loo alu ese mai le tino o le ma‘i i le taimi o le ta‘otoga. E faamamā ma vaimamā, ma toe faasolo i le tino o le ma‘i.	____ Ou te talia ____ Ou te ono taliac ____ Ou te teena
HEMODILUTION	Faaitiitia ai le toto e alu. A o faia se ta‘otoga, e faaalu le toto i taga ae faaaogā se vai e sui ai le toto. O lona uiga la, o le toto lea o loo i le tino o le ma‘i, ua tele le vai ae itiiti sela mūmū o le toto. A o faagasolo le ta‘otoga, ma pe a māe‘a fo‘i, ona toe faafo‘i lea o le toto i le ma‘i.	____ Ou te talia ____ Ou te ono taliad ____ Ou te teena
HEART-LUNG MACHINE	Aogā auā le tafe lelei o le toto. E faaalu le toto i se masini e faia le galuega a le fatu ma le māmā, o inā e maua ai e le toto le okesene, ma toe fo‘i atu ai i le tino o le ma‘i.	____ Ou te talia ____ Ou te ono taliae ____ Ou te teena
VAIMAMĀ LE TOTO (DIALYSIS)	O loo faia le galuega a le totoga. E faagasolo le toto i se masini e vaimamāina ma faamamāina le toto, ma toe faasolo atu i le tino o le ma‘i.	____ Ou te talia ____ Ou te ono taliaf ____ Ou te teena
EPIDURAL BLOOD PATCH	Taofi le sao ese o le vai mai le tuasivi. E tui atu sina toto o le tagata o loo ma‘i i le ‘afu‘afu o loo ufitia ai lona lava maea ario. E aogā e ufiufi ai le vaega o loo sao ese ai le vai mai le tuasivi.	____ Ou te talia ____ Ou te ono taliag ____ Ou te teena
PLASMAPHERESIS	Togafiti ai ma‘i. E tui se toto mai le ma‘i ma vavaeese le vaega faasuavaia. Ona ave lea i ai o se mea e suia ai le suavai o le toto, ma toe tui atu i le ma‘i. O nisi foma‘i e latou te faaaogā le vaega faasuavaia o le toto mai se isi tagata e suia ai le toto. Afai o lea, e lē talia e Kerisiano lea faiga.	____ Ou te talia ____ Ou te ono taliah ____ Ou te teena
LABELING PO OLE TAGGING	E faaaogā e su‘e ai ma‘i, ma e aogā fo‘i mo togafitiga. E tui mai se toto o le ma‘i, faafefiloi ma se vailaau, ona toe tui lea i le ma‘i. E salasala lava le umi o le taimi e aveese ai le toto mai le tino.	____ Ou te talia ____ Ou te ono taliai ____ Ou te teena
VAI E FAI I SELA FAATO‘A TOTO; MAI LOU LAVA TOTO (PLATELET GEL; AUTOLOGOUS)	Ufiufi ai se tipiga po o se lavea, faaitiitia ai le toto e alu. E tui sina toto mai le ma‘i ma fai ia tele sela faato‘a toto ma sela papa‘e e iai. E faaogā le vai lea i se vaega o le tino na tipi, po o manu‘a. Ia mātau: O nisi vai, e faaaogā ai sela faato‘a toto mai le toto o povi.	____ Ou te talia ____ Ou te ono taliaj ____ Ou te teena

c d e f g h i j Ia mātau: E tofu lava le fomaʻi ma lana auala e faaaogā ai nei togafitiga. Ia fai i le fomaʻi e faamatala tonu le auala e faatino ai le togafitiga o loo manaʻomia, ina ia e mautinoa o loo talafeagai ma mataupu silisili o le Tusi Paia, faapea lau filifiliga ua faia e tusa ma lou loto fuatiaifo.