Fesoasoani i Isi Ina ia “Mausalī i le Faatuatua”

O se fiafiaga le mātauina o le auala o loo faamanuia ai e Ieova le silia ma le 250,000 o i latou e papatiso i tausaga taʻitasi. (Teu. 28:2) O le taimi lava e papatiso ai se tagata aʻoga, e masani lava ona lē toe faaauauina ai e lona faiaʻoga le faia o lana suʻesuʻega, ae taulaʻi atu e fesoasoani i isi. Atonu foʻi o le a taofia e le tagata aʻoga le faia o lana suʻesuʻega, ina ia faatele ai lona taimi i le galuega talaʻi. Peitaʻi, e tāua tele i le tagata aʻoga o le Tusi Paia, ona iai se faavae lelei i le upu moni. E manaʻomia ona “mauaa” i latou iā Keriso, ma ia “mausalī i le faatuatua.” (Kolo. 2:6, 7; 2 Timo. 3:12) O lea la, pe a uma ona papatiso se tagata aʻoga, e tatau lava ona faaauau le faia o lana suʻesuʻega seʻia māeʻa le tusi O ā Aʻoaʻoga Moni a le Tusi Paia?, ma le tusi ʻIa Faatumau iā te Outou i le Alofa o le Atua.’—Tagaʻi i La Tatou Faiva o le Malo o Aperila 2011 i le itulau e 2.