“Ia E Āva i Lou Tamā ma Lou Tinā”

A o iai Iesu i le lalolagi, sa ia faamatilatila le faatonuga: “Ia e āva i lou tamā ma lou tinā.” (Eso 20:12; Mat 15:4) Sa iai iā Iesu le saʻolotoga e tautala atu ai, auā sa ia “gauaʻi pea” i ona mātua a o talavou. (Lu 2:51) Ina ua avea Iesu ma tagata matua ma a o leʻi maliu, sa ia faamautinoa o le a tausia lelei lona tinā.​—Ioa 19:26, 27.

I aso foʻi nei, e faaalia e talavou Kerisiano le āva i o latou mātua, e ala i le usitaʻi ma talanoa ma le faaaloalo iā i latou. O le mea moni, o le poloaʻiga ia āva i ou mātua e leai se taimi e muta ai. E tusa po ua matutua o tatou mātua, ia faaauau pea ona āva iā i latou ma maua aogā mai i lo latou atamai. (Fat 23:22) E faaalia foʻi lo tatou āva i mātua ua matutua e ala i le tausia o i latou i le itu tau faalogona ma le itu tautupe pe a manaʻomia. (1Ti 5:8) Pe e tatou te matutua pe talavou, ae o le faatumauina o fesootaʻiga lelei ma mātua, o le auala sili lea e faaalia ai le āva iā i latou.

MAIMOA I LE VITIŌ E FAAPEFEA ONA OU TALANOA I OʻU MĀTUA? ONA TALI LEA O FESILI NEI:

• Aiseā atonu e faigatā ai ona e talanoa i ou mātua?

• E faapefea ona e faaalia le āva i ou mātua pe a e talanoa i ai?

  

• Aiseā e tauia ai au taumafaiga ina ia talanoa i ou mātua? (Fat 15:22)