Ua ʻFolo e le Laueleele le Vai’

Talu mai le talafaasolopito, e tele taimi na fesoasoani ai faipule silisili i tagata o Ieova. (Esr 6:1-12; Est 8:10-13) E oo lava i aso nei, ua tatou vaaia ua folo e “le lalolagi,” po o mea o loo faia aʻe ai lenei faiga o mea “le vai” o sauāga, ua faapogaia e “le tarako” o Satani le Tiapolo. (Fal 12:16) I nisi taimi e faapogaia e Ieova, “o le Atua e na te faaolaina i tatou,” taʻitaʻi o malo e saunia le puipuiga mo ona tagata.​—Sl 68:20; Fat 21:1.

Ae ā pe afai o loo faafalepuipui oe ona o lou faatuatua? O loo silasila mai Ieova iā te oe. (Ke 39:21-23; Sl 105:17-20) Ia e mautinoa o le a tauia lou faatuatua, ma o lou faamaoni o le a faamalosia ai ou uso i le lalolagi aoao.​—Fil 1:12-14; Fal 2:10.

MAIMOA I LE VITIŌ FAASAʻOLOTO MAI LE FALEPUIPUI USO I KOREA, ONA TALI LEA O FESILI NEI:

• Aiseā na faafalepuipui ai le faitau afe o o tatou uso i Korea i Saute mo le tele o tausaga?

• O ā iʻuga o faamasinoga na vave faasaʻoloto ai nisi o tatou uso?

• E faapefea ona tatou fesoasoani i o tatou uso i le lalolagi aoao o loo faafalepuipui ona o lo latou faatuatua?

• O le ā le auala e tatau ona faaaogā ai le saʻolotoga o loo tatou olioli ai?

• O ai moni ua māfua ai ona tatou manumalo i faamasinoga?