SUʻESUʻEGA 1

Faatomuaga Lelei

Galuega 17:22

AOTELEGA: E tatau i lau faatomuaga ona faaosofia ai le naunau, faamanino ai le mataupu ma faailoa atu le māfuaaga e ao ai ona naunau lau aofia i lau mataupu.

LE AUALA E FAI AI:

Faaosofia le naunau. Ia filifili se fesili, se faaupuga, se mea moni na tupu, po o se tala fou e ono naunau i ai lau aofia.

Ia mafaufau muamua i mea e naunau i ai lau aofia po o mea foʻi e popole i ai, ma ia fetuunaʻi lau faatomuaga e tusa ai ma na mea.
Faamanino lau mataupu. Ia mautinoa o loo manino mai i lau faatomuaga lau mataupu, ma le fuafuaga o le mataupu i lau aofia.
Faailoa atu le māfuaaga e tāua ai le mataupu. Ia fetuunaʻi au faamatalaga i manaʻoga o lau aofia. E tatau ona latou malamalama lelei i le aogā o le mataupu iā i latou taʻitoʻatasi.

Pe a saunia se lauga ia fesili ifo, ʻO ā tulaga o loo fesagaʻia e uso ma tuafāfine o laʻu faapotopotoga?’ Ona fetuunaʻi lea o lau faatomuaga e tusa ai o o latou manaʻoga.