Faaaogāina o Fesili

Mataio 16:13-16

AOTELEGA: Ia fai ni fesili faautauta e faaosofia ma faatumauina ai le naunau, fefulifulisaʻi ai ma lau aofia po o le tagata o le fale, ma faamamafa ai manatu autū.

LE AUALA E FAI AI:

• Faaosofia ma faatumauina le naunau. Ia fai ni fesili faatupu manatu e faaosofia ai le tagata e mafaufau i se manatu po o le fia iloa foʻi o se mea.

• Fefulifulisaʻi i se mataupu. Ia fesoasoani i lau aofia ia iloa le saʻo o se manatu e ala i le faatulaga lelei o fesili, ia e tataʻi ai i se faaiʻuga talafeagai.

• Faamamafa manatu autū. Ia fai se fesili faatupu manatu e faatomua ai se manatu autū. Faaaogā ni fesili autalu pe a uma ona talanoa se manatu autū po o le faaiʻuga foʻi o lau lauga.