ʻOA TAUTELE MAI I LE AFIOGA A LE ATUA | LEVITIKO 8-9

Faamaoniga o le Faamanuia a Ieova

8:6-9, 12; 9:1-5, 23, 24

Na sau le afi mai iā Ieova ma faamūina ai uluaʻi taulaga mū na ofoina atu e Arona ma ona atalii, o ē na tofia e avea ma ositaulaga. Na faailoa mai ai le finagalo malie ma le lagolagoina e Ieova o le faiva faaositaulaga. O lea, na faalaeiauina e Ieova le nuu o Isaraelu na vāaitino i le mea na tupu, ina ia lagolagosua atoatoa i ositaulaga. I aso nei, ua faaaogā e Ieova Iesu Keriso o lē ua faamamaluina, e avea ma Ositaulaga Silisili. (Epe 9:11, 12) I le 1919, na tofia ai e Iesu se vaega toʻaitiiti o tane faauuina e avea ma “pologa faamaoni ma le faautauta.” (Mat 24:45) O ā faamaoniga e iloa ai o loo faamanuia, lagolagoina, ma finagalo malie Ieova i le pologa faamaoni?

E ui lava i sauāga faifai pea, ae o loo faaauau ona saunia mai e le pologa faamaoni meaʻai faaleagaga
E pei ona valoia, o le a talaʻiina atu le tala lelei “i le lalolagi atoa.”—Mat 24:14

E faapefea ona tatou lagolagosua atoatoa i le pologa faamaoni ma le faautauta?

Tuufaatasiga o ata: 1. Ua pule mai i le lalolagi le tupu faamamaluina o Iesu Keriso. 2. O loo faapotopoto faatasi le pologa faamaoni ma le faautauta ina ia saunia mai meaʻai faaleagaga. 3. O loo faasoa atu e se uso le tala lelei i se tamāloa.