SUʻESUʻEGA 10

Fesuiaʻiga o le Leo

Faataoto 8:3, 4, 7

AOTELEGA: Faailoa manino atu manatu ma faaosofia faalogona e ala i le fesuisuiaʻi o le malosi o le leo, le maualuga ma le maualalo, ma le vave po o le lemū o lau tautala.

LE AUALA E FAI AI:

Fesuisuiaʻi le malosi o lou leo. Ia leotele pe a faamatilatila ni manatu autū po o le uunaʻia o lau aofia. Ia faia faapea pe a faitau feʻau faafaamasinoga mai i le Tusi Paia. Ia leo laʻitiiti ina ia atiaʻe ai le naunau po o le faailoa atu o faalogona fefe po o le popole.

Aua le leotele i taimi uma ina neʻi manatu lau aofia o loo e otegiaina i latou. ʻAlofia le faauaʻi o tagata iā te oe e ala i le soona fai o ni leo e lē talafeagai.
Fesuisuiaʻi le maualuga ma le maualalo o lou leo. Pe a talafeagai i lau gagana, ia maualuga lou leo ina ia faaalia ai le aasa pe e faamatala ai le telē po o le mamao o se mea. Ia maualalo lou leo ina ia faaalia ai faalogona mafatia po o le popole.
Fesuisuiaʻi le vave ma le lemū o lau tautala. Ia vave lau tautala ina ia faailoa mai ai lou fiafia. Ia tautala i se auala lemū pe a faamatala ni manatu tāua.

Ina ia ʻalofia le faateʻia o lau aofia, aua le suia faafuaseʻi le vave o lau tautala. Aua le soona vave lau tautala ina neʻi lē malamalama lau aofia i au faamatalaga.