SUʻESUʻEGA 8

Talafaatusa e Aʻoaʻo Ai

Mataio 13:34, 35

AOTELEGA: Ia faaleleia lau aʻoaʻo atu e ala i le faia o talafaatusa faigofie e tosina mai ai lau aofia, ma aʻoaʻoina ai ni manatu tāua.

Filifili talafaatusa faigofie. I le pei o Iesu, faaaogā mea lāiti e faamatala ai mea tetele, ma mea faigofie e faamatala ai ni mea faigatā. Aua le faaopoopo faamatalaga e lē tāua e ono lavelave ai le talafaatusa. Ia faamautinoa o vala uma o lau talafaatusa e fesootaʻi i le lesona o loo e aʻoaʻo atu, ina ia ʻalofia ai le tosina ese o lau aofia.

Ia mataalia. Ia vaai i lou siʻomaga, suʻesuʻe lomiga faa-Kerisiano ma faalogologo i faiaʻoga tomai i le aʻoaʻo atu. A o e faia faapea, mātau ma tusi i lalo talafaatusa e mafai ona e faaaogā e faaleleia ai lau aʻoaʻo atu. Ia teu nei talafaatusa i se faila.
Mafaufau i aogā e maua e lau aofia. Ia filifili talafaatusa e faaaofia ai gaoioiga ma mea e fiafia ai lau aofia. Ia faaeteete ina neʻi avea lau talafaatusa ma mea e faaluma pe faatigā ai iā i latou.
Aʻoaʻo atu le manatu autū. Ia taulaʻi le talafaatusa i manatu autū, ae lē o faamatalaga e lē tāua. Ia mautinoa o le a manatua e le tagata le talafaatusa, faapea le manatu autū na māfua ai lenā talafaatusa.