SUʻESUʻEGA 15

Faamatala Atu ma le Mautinoa

1 Tesalonia 1:5

AOTELEGA: Ia faailoa atu o loo e talitonu moni i manatu o loo e fai atu ai ma le tāua o na manatu.

Sauniuni māeʻaeʻa. Ia suʻesuʻe lelei lau mataupu ina ia e malamalama i manatu autū, ma le auala e faamaonia ai e le Tusi Paia le moni o na manatu. Taumafai e faaaogā upu faigofie e faamatilatila ai manatu autū. Uaʻi atu i aogā e maua e lau aofia. Ia tatalo mo le agaga paia.

Ia faataʻitaʻi leotele lau mataupu ina ia e manino ai i manatu ma faaleleia ai le auala e faaoo atu ai lau mataupu.
Faaaogā upu e faaalia ai lou mautinoa. Ia faaaogā au lava upu nai lo o le toe taʻua o upu o loo i le lomiga. Ia faaaogā faaupuga e faailoa ai o loo e mautinoa i mea o loo e fai atu ai.
Atagia atu e moni iā te oe mea o loo e fai atu ai. Ia lava le malosi o le leo e tautala atu ai. Pe a talafeagai, ia faatumauina le fesootaʻiga e ala i le vaai ma lau aofia.

Aua le avea le tautala mautinoa ma mea e te lē faautauta, lē fetuutuunaʻi, pe fia pule foʻi. O le tautala atu ma le mautinoa e tatau ona faia i se auala alofa.