SUʻESUʻEGA 6

Manino le Faatatauina o Mau

Galuega 17:2, 3

AOTELEGA: Aua le tau ina faitau o le mau ona see lea i le isi manatu. Ia faamautinoa ua manino i lau aofia le fesootaʻiga o le mau na e faitauina ma le manatu o loo e faamamafaina.

LE AUALA E FAI AI:

Faamamafa upu autū. Pe a māeʻa ona faitau se mau, ia faamamafa upu e fesootaʻi atu i le manatu tāua. E mafai ona e faia e ala i le toe taʻua o na upu po o le faia o se fesili e fesoasoani i le aofia e mātau upu autū.

Afai o loo e faaaogā ni upu e tutusa uiga e toe taʻua ai le manatu o le mau, ia faamautinoa o loo malamalama pea lau aofia i le fesootaʻiga o upu o loo i le Tusi Paia ma le manatu autū.
Faamamafa manatu e te manaʻo e manatua e lau aofia. Afai sa e faatomua le mau i le faailoa manino atu o le māfuaaga e faitauina ai, faamatala atu la pe faapefea i upu autū o le mau ona lagolagoina ai lenā māfuaaga.

A o talanoa le mau, ia tatala pea lau Tusi Paia. O le a fesoasoani lea i lau aofia, ia iloa le fesootaʻiga o au faamatalaga ma le mau na e faitauina.
Ia faafaigofie le faatatauga. ʻAlofia le taʻua o manatu e leai se fesootaʻiga i le manatu autū. Ia filifili po o le ā le tele o faamatalaga saʻo e manaʻomia ina ia manino ma malamalamagofie ai le faatatauga, e fua i mea ua iloa e lau aofia e faatatau i le mataupu.