LESONA 39
Le Silafaga a le Atua i le Toto
E tāua tele le toto, auā pe ana leai, semanū tatou te lē maua le ola. E iai i le Atua le aiā e faailoa mai ai le auala e faaaogā ai le toto, auā o ia na foafoaina i tatou. O le ā ua ia faailoa mai e faatatau i le toto? Pe e tatau ona ʻaina pe faaaogā mo tuigātoto? E faapefea ona e faia se filifiliga saʻo i lenei mataupu?
1. O le ā le silafaga a Ieova i le toto?
Na taʻu atu e Ieova i ona tagata tapuaʻi i taimi o le Tusi Paia: “O le ola o ituaiga uma o meaola, o lona toto lea.” (Levitiko 17:14) I le silafaga a Ieova, o le toto o le ola lea. Talu ai o le ola o se meaalofa e paia mai le Atua, o lona uiga la e paia foʻi le toto.
2. O ā auala e faaaogā ai le toto, e inosia e le Atua?
Na faatonuina e Ieova ona tagata i aso anamua e aua le ʻaina le toto. (Faitau le Kenese 9:4 ma le Levitiko 17:10.) Na ia toe faamautinoa mai lenei faatonuga ina ua faatonuina e le vaega pule Kerisiano e “faaauau ona taumamao mai . . . le toto.”—Faitau le Galuega 15:28, 29.
O le ā le uiga o le taumamao mai le toto? Pe a faatonuina oe e se fomaʻi e taumamao mai le ʻava malosi, o lona uiga e lē tatau ona e inuina le ʻava malosi. Ae pe o le a e ʻai i meaʻai e iai se vaega o le ʻava malosi, pe tui i alātoto o lou tino? E mautinoa lava e leai. E faapena foʻi le faatonuga a le Atua ina ia taumamao mai i le toto. E lē tatau ona tatou inuina le toto, pe aai i aano o manu e leʻi faaaluina ese le toto. E lē tatau foʻi ona tatou aai i so o se meaʻai e ave i ai le toto.
Ae faapefea togafitiga e faaaogā ai le toto? O nisi togafitiga e solia ai tulafono a le Atua. E aofia ai le tuiina o le toto po o se tasi o vaega autū nei e fā o le toto: sela mūmū, sela papaʻe, vaega faasuāvaia o le toto ma sela faatoʻa toto. O nisi togafitiga faafomaʻi, e leai ni tulafono maʻoti. O se faataʻitaʻiga, o nisi togafitiga e faaaogā ai vaega ninii o vaega autū e fā o le toto. O nisi e faaaogā ai le toto o le tagata lava ia. I nei tulaga, e tatau ona faia e le tagata lava ia lana filifiliga.a—Kalatia 6:5.
SAʻILIʻILI ATILI
Iloilo le auala e faia ai filifiliga i togafitiga faafomaʻi e faaaogā ai le toto.
3. Filifili togafitiga faafomaʻi e faafiafiaina ai Ieova
E faapefea ona e faia filifiliga i togafitiga faafomaʻi e ōgatusa ma le silafaga a le Atua i le toto? Faaali le VITIŌ, ona talanoa lea i le tāua o le mulimuli i auala o loo taʻua i lalo.
Tatalo mo le atamai.—Iakopo 1:5.
Suʻesuʻe mataupu silisili o le Tusi Paia ma le auala e faatatauina ai.—Faataoto 13:16.
Iloilo po o ā togafitiga o loo maua i lou vaipanoa.
Ia iloa togafitiga e lē tatau ona e faaaogāina.
Ia faamautinoa e lelei lou lotofuatiaifo i lau faaiʻuga o le a fai.—Galuega 24:16.b
Ia mātau, e lē mafai e so o se tasi e oo lava i lau paaga, po o se toeaina o le faapotopotoga, po o lou faiaʻoga o le Tusi Paia, ona taʻu atu le filifiliga e te faia pe a oo i mataupu o le lotofuatiaifo.—Roma 14:12.
Tusi i lalo lau filifiliga.
4. E saʻilia e Molimau a Ieova togafitiga e sili ona lelei
E mafai ona tatou usitaʻia tulafono a le Atua e faatatau i le toto, ma maua ai togafitiga faafomaʻi e sili ona lelei e lē faaaogāina ai le toto. Faaali le VITIŌ.
Faitau le Tito 3:2, ona talanoa lea i le fesili lenei:
Aiseā e tatau ai ona tatou faaalia le agamalu ma le faaaloalo pe a talanoa atu i fomaʻi?
Togafitiga e lē taliaina |
Togafitiga e filifili ai se Kerisiano |
|---|---|
A. Vaega faasuavaia o le toto |
Vaega ninii mai le vaega faasuavaia o le toto |
E. Sela papaʻe |
Vaega ninii mai sela papaʻe |
I. Sela faatoʻa toto |
Vaega ninii mai sela faatoʻa toto |
O. Sela mūmū |
Vaega ninii mai sela mūmū |
5. Pe a aafia vaega ninii o le toto
E fā vaega autū o le toto: o sela mumū, sela papaʻe, sela faatoʻa toto, ma le vaega faasuāvaia o le toto. O nei vaega autū, o loo iai totonu vaega ninii o le toto.c O nisi vaega ninii e faaaogā i fualaau lea e fesoasoani e tetee atu ai i faamaʻi, pe taofia ai le alu o le toto.
Pe a oo i vaega ninii o le toto, e faia e se Kerisiano lana lava filifiliga e fua i lona lotofuatiaifo ua uma ona aʻoaʻoina i le Tusi Paia. E ono filifili nisi e lē taliaina se togafitiga, po o se taotoga e faaaogā ai vaega ninii o le toto. Ae e ono talia e lotofuatiaifo o nisi na togafitiga.
Pe a faia au filifiliga, ia iloilo le fesili lenei:
O le a faapefea ona ou faamatala atu i se fomaʻi le māfuaaga ou te teena, pe talia ai le faaaogāina o vaega ninii o le toto?
E ONO FESILI MAI SE TASI: “O le ā le leaga o le talia o tuigātoto?”
O le ā sou manatu?
AOTELEGA
E lē finagalo Ieova e tatou te faaaogāsesēina le toto.
Fesili Autalu
Aiseā e silasila ai Ieova i le toto o se mea e paia?
E faapefea ona tatou iloa o le faatonuga a le Atua ia taumamao mai le toto, e aofia ai ma tuigātoto?
E faapefea ona e faia filifiliga lelei i togafitiga e faaaogā ai le toto?
MANATU FAAOPOOPO
O ā ni vala e tatau ona e mafaufau i ai, pe a filifili ni togafitiga faafomaʻi e faaaogā ai lou lava toto?
“Fesili Mai le ʻAufaitau” (Le Olomatamata, Oketopa 15, 2000)
O le ā e tatau ona e iloiloina, pe a filifili pe talia vaega ninii o le toto?
O le ā na faatalitonuina ai se fomaʻi, e tatau ona talia le silafaga a Ieova i le toto?
“Na Ou Talia le Silafaga a le Atua i le Toto” (Ala Mai!, Aperila-Iuni 8, 2004)
Iloilo le auala o loo fesoasoani ai toeaina o loo auauna i le Komiti o Mataupu Tau Falemaʻi, i o latou uso ma tuafāfine.
b Tagaʻi i le manatu 5, “Pe a Aafia Vaega Ninii o le Toto,” ma le Faaopoopoga 3, “Togafitiga Faafomaʻi e Faaaogā ai le Toto.”
c O nisi fomaʻi e vaai i vaega autū e fā o le toto o ni vaega ninii. O lea, e manaʻomia ona e faamatala lelei i le fomaʻi lau filifiliga. E te lē taliaina le tuiina o le toto atoa, po o sela mumū, sela papaʻe, sela faatoʻa toto, po o le vaega faasuavaia o le toto.