FESILI 10
O le ā ua folafola mai i le Tusi Paia e faatatau i le lumanaʻi?
“E fai lava le lalolagi mo ē e amiotonu, e nonofo ai pea i latou e oo i le faavavau.”
“O le lalolagi e tumau lea e faavavau.”
“O le a faaumatia e ia le oti e faavavau, o le a soloiesea foʻi e le Alii Pule Silisili Ese o Ieova loimata mai i mata uma.”
“O lea foʻi taimi o le a faapupulaina ai mata o ē e tauaso, ma o le a faalogo foʻi taliga o ē e tutuli. O le a osooso ai lē ua pipili e pei o le ʻaila, e alaga fiafia le laulaufaiva o lē ua gūgū. Auā o le a oso mai le vai i le toafa, ma vaitafe i fanua laugatasi o le toafa.”
“E na te soloiesea foʻi loimata uma i o latou mata, e lē toe iai se oti, po o se faanoanoa, po o se tagiauē, e lē toe iai foʻi se tigā. Auā ua mavae atu mea muamua.”
“O le a latou fausia fale ma nonofo ai; e latou te totō foʻi togāvine ma aai i ona fua. O le a latou lē fausia ae e nonofo ai isi; o le a latou lē totō ae e aai ai isi. Auā o le a pei aso o loʻu nuu o le umi o aso o le laau; ma o le a matuā fiafia uma oʻu tagata ua filifilia i galuega a o latou lima.”