Sa Mataʻitūina i Laʻua

E TOʻALUA ni talavou na afe i se faleʻaiga i se aai laʻitiiti i Ohio i Amerika e fai sa la mālū taeao. E tusa ai ma la laʻua masani, a o leʻi aai, e punonou o la ulu ma faia se tatalo lē leoa.

Mulimuli ane, na alu atu ai i la laʻua laulau se fafine o lē sa mataʻitūina i laʻua e aumai le totogi o a la meaʻai. Sa ia faapea atu iā i laʻua: “I se lalolagi o loo tatou faalogo ai i le tele o mea leaga e uiga i o tatou talavou, e ese ma loʻu fiafia e vaai atu i ni tama talavou se toʻalua o maua le avanoa e faafetai atu ai i le Atua mo a la meaʻai. O lea la o le a ou totogia a oulua meataumafa.”

Sa faateʻia tama ma ua lē magagana, ae na mafai ona la fai atu i le fafine, faafetai tele. Mulimuli ane, sa manatu tama e faapea, e lē mafai ona la ō ae tuua le fafine e manatu faapea, sa la tatalo atu i so o se Atua. O lea, na alu atu ai le tasi o i laʻua i le fafine ma, ina ua uma ona toe faafetai atu iā te ia, sa faamatala atu e le uso e faapea, o i laʻua o ni Molimau a Ieova.

O le tū masani a Molimau a Ieova, o le suʻesuʻeina lea o le Tusi Paia ma o latou aiga. Sa faia faapea e mātua o na tama. O le tasi o lomiga e suʻesuʻeina e aiga, o le tusi, o Le Poto e Taʻitaʻia ai i le Ola e faavavau. I mataupu e 19 o lenā tusi, o loo aofia ai ma le mataupu e faatatau i le tatalo, o lona ulutala e faapea, “Le Auala e Mafai Ona E Faalatalata Atu ai i le Atua.”

E mafai ona e talosaga mo se kopi o lenei tusi e 192 itulau, e fesoasoani i le suʻesuʻeina o le Tusi Paia, e ala i le faatumuina o lenei kuponi ma auina atu i le meli i tuatusi ua saunia po o tuatusi talafeagai uma na e lisiina i le itulau e 5 o lenei mekasini.

□ Auina mai mo aʻu se kopi o le tusi Le Poto e Taʻitaʻia ai i le Ola e Faavavau.

□ Faamolemole faafesootaʻi mai aʻu mo se suʻesuʻega faale-Tusi Paia i le aiga e aunoa ma se totogi.