Aiseā ua Tele ai Lotu?

Na tusi se fafine i le lālā i Kuatemala, ma faamatala i ai le la talanoaga ma se Molimau na la malaga faatasi i se pasi. Na ia faamatala e faapea: “Na ma talanoa i le māfuaaga ua tele ai lotu.” Ona fai mai lea o ia na avane e le Molimau se polosiua O le ā e Manaomia e le Atua Mai ia i Tatou? ma faaali atu le mataupu “E Mafai Faapefea Ona E Mauaina le Lotu Moni?” Na tusi mai o ia: “Na faate‘ia a‘u i le mataupu. Faato‘ā ou malamalama ai loa, atonu e na o le tasi lava se vaega o tagata tapua‘i moni.”

Na ia lagona le faagaeetia ina ua maua sona avanoa e faitau ai le polosiua. O lea na ia faamatala ai e faapea: “Ua ou tusi atu pe mafai ona tou fesoasoani mai e fai sa‘u su‘esu‘ega o le Tusi Paia e faaaogā ai le polosiua lea ona ua ou mautinoa o loo iai le upu moni.”

O lea polosiua e tutusa lona lapo‘a ma le mekasini lea o loo e faitauina. O nisi o fesili o loo iai, faapea ma o latou tali:

◼ O ai le Atua?

◼ O le ā le fuafuaga a le Atua mo le lalolagi?

◼ O le ā le Malo o le Atua?

◼ E faapefea ona e maua se aiga fiafia?

E mafai ona e maua aogā o lou faitau i le polosiua O le ā e Manaomia e le Atua Mai ia i Tatou? Ia talosaga mai mo sau kopi e ala i le faatumu o le kuponi o loo i lalo ma lafo i le tuatusi o lou vaipanoa o loo iai i le itulau e 5 o le mekasini.

□ Ou te talosagaina se tusi O le ā e Manaomia e le Atua Mai ia i Tatou?

□ Faamolemole faafesoota‘i mai a‘u mo se su‘esu‘ega faale-Tusi Paia i le aiga e aunoa ma se totogi.