Taʻiala i Taimi o Faanoanoaga

◼ Na maliu le tamā o se tamaʻitaʻi a o 12 ona tausaga. Na tele tausaga o tauivi o ia ma lagona o le popole ma le mafatia. I lana tusi i le lālā a Molimau a Ieova i Kanata, na ia faamatala e faapea:

“Faatoʻā ou maua le faamāfanafanaga ina ua ou faitau i le polosiua Pe a Maliu se Tasi e Pele iā te Oe, ma na aogā iā te aʻu i lea taimi o faanoanoaga. E maligi pea oʻu loimata pe a ou mafaufau i loʻu misia o loʻu tamā. Ae talu ona ou faitau i le polosiua ma mafaufau, ma tatalo, ma ou tagi a o faitau i mau, ua lē tutusa le mafatia e pei ona sa iai, ona o lea ua faamāfanafanaina aʻu e ala i folafolaga a le Atua.

“E pele iā te aʻu upu ma mau o loo iai i lenei polosiua, ona ua aogā i le toe faaleleia o loʻu loto mafatia. Ua ou lagona ua ou toe malosi. O lenei polosiua, o le taʻiala sili lea i taimi o faanoanoaga.”

Po ua maliu se isi e pele iā te oe? Po o e lagona pea le faanoanoa? Po o e manaʻomia se fesoasoani ina ia fesagaʻi ai ma lou faanoanoaga? O le ā le faamoemoe ua taʻua i le Tusi Paia mo ē ua maliliu? Atonu o le a faamāfanafanaina oe po o se isi e te masani ai, e ala i le faitau i lenei polosiua e 32 itulau Pe a Maliu se Tasi e Pele iā te Oe. E mafai ona maua sau kopi pe a faatumu le kuponi o loo i lalo ma lafo mai i le tuatusi o loo iai, po o le tuatusi talafeagai o loo i le itulau e 5 o lenei mekasini.

□ Ou te talosagaina se tusi e pei o lea.

□ Faamolemole faafesootaʻi mai aʻu e fia fai saʻu suʻesuʻega faale-Tusi Paia e aunoa ma se totogi.