ʻO Mea sa Iai Muamua o le a Lē Toe Alu Aʻe i le Loto’
Ua faailoa mai e Lē na faia i tatou, mea o le a ia faia i le lumanaʻi ua lata mai. Ua fetalai o ia:
“O loo oʻu faia le lagi fou ma le lalolagi fou; e lē toe manatua mea sa iai muamua, e lē toe alu aʻe foʻi i le loto.”—ISAIA 65:17.
O ā “mea sa iai muamua” o le a lē ʻtoe alu aʻe i le loto’? Ua faaalia i le siʻomaga o le mau, e aofia ai faiga lē tonu, faamaʻi, mafatiaga, ma le anoanoaʻi o isi tulaga faigatā o loo feagai ma le fanau a tagata. O le a faapefea ona faaiʻuina na tulaga faigatā? E iai le fesootaʻiga o le tali o lenei fesili ma le “lagi fou” ma le “lalolagi fou” na folafola mai.
O le a talanoaina na manatu manaia ma ona vala tāua i le lauga i le lautele ua faamatuaina, ʻO Mea sa Iai Muamua o le a Lē Toe Alu Aʻe i le Loto.’ O le a faia lenei lauga i Tauaofiaga Itumalo a Molimau a Ieova “Ia Leoleoina Lou Loto!” e amata iā Me i Amerika ma faasolo ai i le lalolagi aoao.
Ua valaaulia ma le māfana oe e auai i le tauaofiaga i so o se nofoaga e latalata ane. Mo nisi faamatalaga, fesili i Molimau a Ieova i lou vaipanoa pe tusi atu i ē o lomiaina lenei mekasini. O loo taʻua i le www.pr2711.com le lisi o nofoaga mo tauaofiaga i le lalolagi aoao.