Pe e Tāua le Faaaloalo i Totonu o le Aiga?
AISEĀ E TĀUA AI LE FAAALOALO I TOTONU O LE AIGA?
O le a iai se siʻomaga filemu i le aiga pe a faaalia e tane, avā, ma fanau le faaaloalo.
Ua faapea mai le tusi The Seven Principles for Making Marriage Work, pe a iai le faaaloalo i le vā o le tane ma le avā, o le a faigofie ona la faaalia le alofa i a la gaoioiga ma faamatalaga ʻi so o se vala i taimi uma.’
Ua faaalia i suʻesuʻega o tamaiti e faaalia le faaaloalo i isi, e lelei o latou faalogona e faatatau iā i latou lava, māfana a latou faiā ma o latou mātua, ma e seāseā aafia i faafitauli tau faalogona ma le mafaufau.
MEA E MAFAI ONA E FAIA
Ia talanoa faatasi o se aiga. Muamua, ia faamautinoa e mātua ua malamalama sui taʻitasi o le aiga i le auala e faaalia ai le faaaloalo. Lua, ia tusi i lalo uiga e tatau ma uiga e lē tatau ona faaalia e sui taʻitasi o le aiga. Tolu, ia talanoa faatasi ina ia iloa e sui taʻitasi o le aiga lana vaega fai e faaalia ai le faaaloalo.
Ia faataatia se faaaʻoaʻoga. Pe e te faitio i sui o lou aiga ona o latou masei, lē ano i o latou manatu faaalia, lē amanaʻia pe faasalavei atu a o latou talanoa mai iā te oe?
Fesoasoani: Ia vaai i le faaaloalo o se uiga e tatau ona e faaalia i lau paaga ma lau fanau.
Ia faaalia le faaaloalo e tusa pe e te lē ioe i se manatu. Pe a faaali atu ou manatu, ia ʻalofia faaupuga e pei o le “o lau amio lava lenā” po o le “e lē taitai ona e faalogo.” O na faamatalaga soona lafo, e lē gata o le a faatigā ai i sui o le aiga ae e lē foʻia ai foʻi feeseeseaʻiga.
MEA O LOO FAIA E MOLIMAU A IEOVA
E faalaeiauina e Molimau a Ieova sui taʻitasi o le aiga e faaalia le faaaloalo o le tasi i le isi. E masani ona talanoaina lenā manatu i mataupu, tusi, polosiua, ma vitiō ua matou saunia, lea e mafai ona maua e aunoa ma se totogi.
MO ULUGALII FAAIPOIPO: E mafai e le faasologa o mataupu Fesoasoani mo le Aiga ona fesoasoani i tane ma avā ina ia . . .
avea o ni ē faalogologo lelei
ʻalofia ai le lē talanoa o le tasi i le isi
ʻalofia ai le tauaʻimisa
(Ia saʻili i le jw.org mo le mataupu “Fesoasoani mo le Aiga”)
MO MĀTUA: E mafai e le faasologa o mataupu Fesoasoani mo le Aiga, ona fesoasoani i mātua e aʻoaʻo a latou fanau ina ia . . .
usiusitaʻi
fesoasoani i feʻau i le fale
fai atu upu faaaloalo e pei o le “faamolemole” ma le “faafetai”
(Ia saʻili i le jw.org mo le vaega “Tausia o Fanau Iti” ma le “Tausia o Fanau Talavou”)
Tagaʻi foʻi i le mataupu “Lesona e Ono e Manaʻomia Ona Aʻoaʻoina e le Fanau” i le Ala Mai! Nu. 2, 2019, ma le “Auala e 12 e Taulau ai Aiga” i le Ala Mai! Nu. 2, 2018, itulau 8-11. (Ia saʻili nei mataupu i le jw.org)
MO TALAVOU: O loo iai i le vaega Talavou Lāiti ma Talavou Matutua i le jw.org mataupu, vitiō, ma worksheets e fesoasoani i talavou ina ia . . .
lelei ai faiā ma o latou mātua ma o latou tei
talanoa ai ma le faaaloalo i mātua e uiga i a la tulafono
maufaatuatuaina ai i latou e o latou mātua
(Ia saʻili i le jw.org mo le vaega “Talavou Lāiti ma Talavou Matutua”)
E mafai ona faaaogā la matou Upega tafaʻilagi o le jw.org e aunoa ma se totogi. E lē manaʻomia ona avea oe ma sui lesitala pe faailoa mai foʻi faamatalaga e patino iā te oe.