Fesili mo le Suʻesuʻeina o Laʻu Tusi o Tala o Le Tusi Paia

Tala 1

Amata Ona Faia Mea e le Atua

1. O fea e maua ai mea lelei uma, ma pe e mafai ona e taʻu mai se faataʻitaʻiga?

2. O le ā na faia muamua lava e le Atua?

3. Aiseā na faapitoa ai le uluai agelu?

4. Ia faamatala pe na faapeʻī le lalolagi i le amataga. (Vaai i le ata.)

5. Na faapefea ona saunia e le Atua le lalolagi ina ia ola ai manu ma tagata?

Fesili faaopoopo:

1. Faitau le Ieremia 10:12.

   O ā uiga o le Atua ua faaalia i mea na ia foafoaina? (Isa. 40:26; Roma 11:33)

2. Faitau le Kolose 1:15-17.

   O le ā le vaega a Iesu na faia i le foafoaina o mea, ma e faapefea ona aafia ai le auala tatou te manatu ai iā te ia? (Kolo. 1:15-17)

3. Faitau le Kenese 1:1-10.

   1. (a) O ai na faia le lalolagi? (Kene. 1:1)

   2. (e) O le ā na tupu i le aso muamua o le foafoaga? (Kene. 1:3-5)

   3. (i) Faamatala le mea na tupu i le aso lona lua o le foafoaga. (Kene. 1:7, 8)

Tala 2

O se Faato‘aga Matagofie

1. Na faapefea ona saunia e le Atua le lalolagi ina ia tatou nonofo ai?

2. Ia faamatala le tele o manu eseese na faia e le Atua. (Vaai i le ata.)

3. Aiseā na lelei tele ai le faatoaga o Etena?

4. Na finagalo le Atua ia pei le lalolagi atoa o se ā?

Fesili faaopoopo:

1. Faitau le Kenese 1:11-25.

   1. (a) O le ā na foafoaina e le Atua i le aso lona tolu o le foafoaga? (Kene. 1:12)

   2. (e) O le ā na tupu i le aso lona fa o le foafoaga? (Kene. 1:16)

   3. (i) O ā ituaiga o manu na faia e le Atua i le aso lona lima ma le ono? (Kene. 1:20, 21, 25)

2. Faitau le Kenese 2:8, 9.

   O ā laau faapitoa e lua na tuuina e le Atua i le faatoaga, ma o ā mea na faaataina e nei laau?

Tala 3

O Le Ulua‘i Tane ma le Fafine

1. E faapefea ona ese le ata i le Tala e 3 mai le ata i le Tala e 2?

2. O ai na faia le uluai tane, ma o ai lona igoa?

3. O le ā le galuega na tuu atu e le Atua e faia e Atamu?

4. Aiseā na faamoegase ai e le Atua ia Atamu?

5. O le ā le umi na ono mafai ona ola ai Atamu ma Eva, ma o le ā le galuega na manao Ieova e la te faia?

Fesili faaopoopo:

1. Faitau le Salamo 83:18.

   O ai le suafa o le Atua, ma o le ā lona tulaga tutasi i le lalolagi? (Iere. 16:21; Tani. 4:17)

2. Faitau le Kenese 1:26-31.

   1. (a) O le ā le taualuga o galuega na faia e le Atua i le aso lona ono, ma e faapefea ona ese lenei foafoaga mai manu? (Kene. 1:26)

   2. (e) O ā sauniuniga na faia e Ieova mo manu ma tagata? (Kene. 1:30)

3. Faitau le Kenese 2:7-25.

   1. (a) O le ā na aofia ai i le tofiga o Atamu e faaigoa manu? (Kene. 2:19)

   2. (e) E faapefea ona fesoasoani le Kenese 2:24 ina ia tatou malamalama i le silafaga a Ieova e faatatau i faaipoipoga, le teteʻa po o le nonofo eseese o se ulugalii ma tatalaga faaipoipoga? (Mata. 19:4-6, 9)

Tala 4

Aiseā na Leiloa ai lo la Aiga

1. I le ata lenei, o le ā ua tupu i a Atamu ma Eva?

2. Aiseā na faasalaina ai i laua e Ieova?

3. O le ā na taʻu atu e se gata i a Eva?

4. O ai na faapogaia le gata ina ia tautala i a Eva?

5. Aiseā na le iloa ai e Atamu ma Eva lo la faatoaga matagofie?

Fesili faaopoopo:

1. Faitau le Kenese 2:16, 17 ma le 3:1-13, 24.

   1. (a) Aiseā na faatupu manatu sese ai le fesili a le gata i a Eva e faatatau i a Ieova? (Kene. 3:1-5; 1 Ioa. 5:3)

   2. (e) E faapefea ona avea Eva ma faaaʻoaʻoga lapatai mo i tatou? (Fili. 4:8; Iako. 1:14, 15; 1 Ioa. 2:16)

   3. (i) Na faapefea ona lē mananao Atamu ma Eva e tuuaia i laua i le mea na la faia? (Kene. 3:12, 13)

   4. (o) Na faapefea ona lagolagoina le pule silisili ese a Ieova e kerupi, na tofia i le itu i sasaʻe e leoleoina le faatoaga o Etena? (Kene. 3:24)

2. Faitau le Faaaliga 12:9.

   O faapeʻī le taulau manuia o Satani i le faaliliueseina o tagata mai le pulega a Ieova? (1 Ioa. 5:19)

Tala 5

Amata se Olaga Faigatā

1. Na faapeʻī olaga o Atamu ma Eva i fafo o le faatoaga o Etena?

2. O le ā sa amata ona tupu i a Atamu ma Eva, ma aiseā?

3. Aiseā o le a ola matutua ai ma feoti le fanau a Atamu ma Eva?

4. Ana usiusitai Atamu ma Eva i a Ieova, e faapeʻī o la olaga ma olaga o le la fanau semanu e iai?

5. Na faapefea ona tigā Eva ona o le lē usiusitai?

6. O ai igoa o atalii matutua e toalua o Atamu ma Eva?

7. O ai isi tamaiti o loo i le ata?

Fesili faaopoopo:

1. Faitau le Kenese 3:16-23 ma le 4:1, 2.

   1. (a) Na faapefea ona aafia le olaga o Atamu i le faamalaiaina o le laueleele? (Kene. 3:17-19; Roma 8:20, 22)

   2. (e) Aiseā ua talafeagai ai le igoa o Eva lea o lona uiga “o Lē Ola”? (Kene. 3:20)

   3. (i) Na faapefea ona faaalia e Ieova lona manatu mamafa i a Atamu ma Eva e ui lava ua la agasala? (Kene. 3:7, 21)

2. Faitau le Faaaliga 21:3, 4.

   O ā “mea muamua” e te fia vaai i ai ua aveesea?

Tala 6

Se Atalii Lelei ma Sē e Leaga

1. O ā galuega ua faia e Kaino ma Apelu?

2. O ā mea alofa na aumaia e Kaino ma Apelu i a Ieova?

3. Aiseā sa fiafia ai Ieova i le mea alofa a Apelu, ae aiseā sa le fiafia ai i le mea alofa a Kaino?

4. Na faapeʻī le amio a Kaino, ma na faapefea ona taumafai Ieova e faasaʻo o ia?

5. O le ā na faia e Kaino ina ua na o i laua ma lona uso i le fanua?

6. Faamatala le mea na tupu i a Kaino ina ua uma ona fasiotia lona uso.

Fesili faaopoopo:

1. Faitau le Kenese 4:2-26.

   1. (a) Na faapefea ona faamatala e Ieova le tulaga mataʻutia sa iai Kaino? (Kene. 4:7)

   2. (e) Na faapefea ona faaalia e Kaino le mea sa i lona loto? (Kene. 4:9)

   3. (i) O le ā le silafaga a Ieova i le faamasaaina o le toto o ē e lē sala? (Kene. 4:10; Isa. 26:21)

2. Faitau le 1 Ioane 3:11, 12.

   1. (a) Aiseā na ita tele ai Kaino, ma e faapefea ona avea lena ma lapataʻiga mo i tatou i aso nei? (Kene. 4:4, 5; Faata. 14:30; 28:22)

   2. (e) E faapefea ona faaalia e le Tusi Paia, e mafai ona tatou tutumau i le faamaoni tusa lava pe e tetee tagata uma o lo tatou aiga i a Ieova? (Sala. 27:10; Mata. 10:21, 22)

3. Faitau le Ioane 11:25.

   O le ā le faamautinoaga ua saunia e Ieova mo i latou uma e maliliu ona o le amiotonu? (Ioa. 5:24)

Tala 7

O se Tagata Toa

1. Aiseā na ese ai Enoka?

2. Aiseā na faia ai e tagata o aso o Enoka mea leaga e tele?

3. O ā mea leaga na faia e tagata? (Vaai i le ata.)

4. Aiseā na tatau ai ona toa Enoka?

5. O le ā le umi na ola ai tagata i na aso, ae e fia tausaga na ola ai Enoka?

6. O le ā na tupu ina ua mavae le oti o Enoka?

Fesili faaopoopo:

1. Faitau le Kenese 5:21-24, 27.

   1. (a) Na faapeʻī le faiā a Enoka ma Ieova? (Kene. 5:24)

   2. (e) E tusa ai o le Tusi Paia, o ai le tagata aupito i matua lava na ola i le lalolagi ma e fia ona tausaga ina ua oti? (Kene. 5:27)

2. Faitau le Kenese 6:5.

   O le ā le tele o le amio leaga i le lalolagi ina ua mavae le maliu o Enoka, ma pe e tutusa lena tulaga ma o tatou aso? (2 Timo. 3:13)

3. Faitau le Eperu 11:5.

   O le ā le uiga o Enoka na “fiafia i ai le Atua,” ma o le ā le iʻuga na oo i ai? (Kene. 5:22)

4. Faitau le Iuta 14, 15.

   E faapefea i Kerisiano i aso nei ona faaaʻoaʻo i le toa o Enoka a o latou lapataʻia tagata e faatatau i le taua o Amaketo o faaloloʻi mai? (2 Timo. 4:2; Epe. 13:6)

Tala 8

Tagata Tinoeese i le Lalolagi

1. O le ā na tupu ina ua faalogo isi agelu a le Atua i a Satani?

2. Aiseā na le toe faia ai e isi agelu a latou galuega i le lagi ae latou o mai i le lalolagi?

3. Aiseā e sese ai mo agelu ona o mai i le lalolagi ma fai o latou tino faaletagata?

4. O le ā na ese ai fanau a agelu?

5. E pei ona e vaai i le ata, o le ā na faia e fanau a agelu ina ua avea i latou ma tagata tinoeese?

6. Ina ua mavae Enoka, o ai le tagata lelei na ola i le lalolagi, ma aiseā na fiafia ai le Atua iā te ia?

Fesili faaopoopo:

1. Faitau le Kenese 6:1-8.

   O le ā ua faailoa mai e le Kenese 6:6 e faatatau i le auala e aafia ai le finagalo o Ieova ona o a tatou amio? (Sala. 78:40, 41; Faata. 27:11)

2. Faitau le Iuta 6.

   E faapefea i agelu o ē “na lē taofi i lo latou mamalu” i aso o Noa, ona fai ma lapataʻiga mo i tatou i aso nei? (1 Kori. 3:5-9; 2 Pete. 2:4, 9, 10)

Tala 9

Faia e Noa se Vaa

1. E toafia le aiga o Noa, ma o ai igoa o ona atalii e toatolu?

2. O le ā le mea uiga ese na fai atu le Atua i a Noa e fai, ma aiseā?

3. O le ā le tali a tagata iā Noa ina ua ia fai i ai e faatatau i le vaa?

4. O le ā na taʻu atu e le Atua i a Noa e faia e faatatau i mea ola?

5. Ina ua tapunia e le Atua le faitotoa o le vaa, o le ā na faia e le aiga o Noa?

Fesili faaopoopo:

1. Faitau le Kenese 6:9-22.

   1. (a) O le ā le māfuaaga na matilatila ai Noa o sē e tapuaʻi i le Atua moni? (Kene. 6:9, 22)

   2. (e) O le ā le silafaga a Ieova i faiga sauā, ma e faapefea ona aafia ai faafiafiaga tatou te filifilia? (Kene. 6:11, 12; Sala. 11:5)

   3. (i) E faapefea ona tatou faataʻitaʻi i a Noa pe a tatou maua ni taiala mai le faalapotopotoga a Ieova? (Kene. 6:22; 1 Ioa. 5:3)

2. Faitau le Kenese 7:1-9.

   E faapefea ona faalaeiauina i tatou i aso nei i le silafaga a Ieova i le tagata lē lelei atoatoa o Noa e faapea, o ia o se tagata amiotonu? (Kene. 7:1; Faata. 10:16; Isa. 26:7)

Tala 10

O le Lolo Tele

1. Aiseā sa lē mafai ai ona ulu atu se tasi i totonu o le vaa ina ua amata ona timu?

2. E fia ao ma po na aumaia ai e Ieova le timu, ma o le ā le loloto o le vai na iai?

3. O le ā na tupu i le vaa ina ua amata ona lofia e le vai le lalolagi?

4. Pe na faasaoina tagata tinoeese i le Lolo, ma o le ā na tupu i o latou tamā?

5. O le ā na tupu i le vaa ina ua mavae masina e lima?

6. Aiseā na faalele ai e Noa se oreva i fafo o le vaa?

7. Na faapefea ona iloa e Noa ua maui uma ese le vai mai le eleele?

8. O le ā na fetalai i ai le Atua i a Noa ina ua silia i le tausaga o iai ma lona aiga i totonu o le vaa?

Fesili faaopoopo:

1. Faitau le Kenese 7:10-24.

   1. (a) Pe na iai se mea na totoe i le faaumatiaga o tagata ma meaola uma i le lalolagi? (Kene. 7:23)

   2. (e) O le ā le umi na faasolosolo ai ona maui vai o le Lolo? (Kene. 7:24)

2. Faitau le Kenese 8:1-17.

   E faapefea ona faaalia i le Kenese 8:17 e lei suia le uluai fuafuaga a Ieova mo le lalolagi? (Kene. 1:22)

3. Faitau le 1 Peteru 3:19, 20.

   1. (a) Ina ua toe foi agelu fouvale i le lagi, o le ā le faamasinoga na faia i a i latou? (Iuta 6)

   2. (e) E faapefea i le tala i a Noa ma lona aiga ona faamalosia ai lo tatou mautinoa e mafai e Ieova ona laveaʻi ona tagata? (2 Pete. 2:9)

Tala 11

O le Ulua‘i Nuanua

1. E pei ona faaalia i le ata, o le ā na faia e Noa ina ua faatoʻā ō ese mai le vaa?

2. O le ā le tuleiga a le Atua i a Noa ma lona aiga ina ua uma le Lolo?

3. O le ā le folafolaga na faia e le Atua?

4. A tatou vaaia se nuanua, o le ā e ao ona tatou manatuaina?

Fesili faaopoopo:

1. Faitau le Kenese 8:18-22.

   1. (a) E faapefea ona tatou ofoina atu i aso nei le mea “manogi lelei” i a Ieova? (Kene. 8:21; Epe. 13:15, 16)

   2. (e) O le ā na fetalai i ai Ieova e faatatau i le loto o le tagata, ma o le ā e ao ona tatou faaeteete i ai? (Kene. 8:21; Mata. 15:18, 19)

2. Faitau le Kenese 9:9-17.

   1. (a) O le ā le feagaiga na osia e Ieova ma tagata ma meaola uma o le lalolagi? (Kene. 9:10, 11)

   2. (e) O le ā le umi o le a aogā ai le feagaiga o le nuanua? (Kene. 9:16)

Tala 12

Fausia e Tagata se ‘Olo Telē

1. O ai Nimarota, ma o le ā le silasila a le Atua iā te ia?

2. Vaai foi i le ata, aiseā ua faia ai e tagata piliki?

3. Aiseā sa le fiafia ai Ieova i le fauina o le olo?

4. Na faapefea ona taofia e le Atua le fauina o le olo?

5. O ai le igoa o le aai, ma o le ā le uiga o lena igoa?

6. O le ā na tupu i tagata ina ua uma ona faafenuminumiaʻi e le Atua a latou gagana?

Fesili faaopoopo:

1. Faitau le Kenese 10:1, 8-10.

   O ā uiga na faaalia e Nimarota, ma o le ā le lapataʻiga mo i tatou? (Faata. 3:31)

2. Faitau le Kenese 11:1-9.

   O le ā le pogai na ala ai ona fau le olo, ma aiseā na lē mafai ai ona taulau lena galuega? (Kene. 11:4; Faata. 16:18; Ioa. 5:44)

Tala 13

Aperaamo—O se Uō a le Atua

1. O ā ituaiga tagata na nonofo i le aai o Uro?

2. O ai le tamaloa o i le ata, o anafea na fanau ai, ma o fea na nofo ai?

3. O le ā na tulei atu ai Ieova i a Aperaamo e fai?

4. Aiseā na taʻua ai Aperaamo o le uo a le Atua?

5. O ai na o faatasi ma Aperaamo ina ua ia tuua Uro?

6. O le ā na tulei atu ai le Atua i a Aperaamo ina ua taunuu i Kanana?

7. O le ā na tulei atu ai le Atua i a Aperaamo ina ua 99 ona tausaga?

Fesili faaopoopo:

1. Faitau le Kenese 11:27-32.

   1. (a) O le ā le faiā a Aperaamo ma Lota? (Kene. 11:27)

   2. (e) E ui o loo faapea mai o Tara na aveina lona aiga agai i Kanana, ae e faapefea ona tatou iloa o Aperaamo na faapogaia lenei gaoioiga, ma aiseā na ia faia ai lena gaoioiga? (Kene. 11:31; Galu. 7:2-4)

2. Faitau le Kenese 12:1-7.

   O le ā le faaopoopoga na faia e Ieova i lana feagaiga ma Aperaamo ina ua taunuu Aperaamo i le nuu o Kanana? (Kene. 12:7)

3. Faitau le Kenese 17:1-8, 15-17.

   1. (a) Na faapefea ona suia le igoa o Aperamo ina ua 99 ona tausaga, ma aiseā? (Kene. 17:5)

   2. (e) O ā faamanuiaga na folafola atu e Ieova i a Sara? (Kene. 17:15, 16)

4. Faitau le Kenese 18:9-19.

   1. (a) I le Kenese 18:19, o ā tiute tauave ua faatulaga mai mo tamā? (Teu. 6:6, 7; Efe. 6:4)

   2. (e) O le ā na tupu i a Sara e iloa ai e lē mafai ona natia se mea mai i a Ieova? (Kene. 18:12, 15; Sala. 44:21)

Tala 14

Tofotofoina e le Atua le Faatuatua o Aperaamo

1. O le ā na tauto atu ai le Atua i a Aperaamo, ma na faapefea ona tausia e le Atua lana folafolaga?

2. E pei ona vaaia i le ata, na faapefea ona tofotofoina e le Atua le faatuatua o Aperaamo?

3. O le ā na faia e Aperaamo e ui lava sa le malamalama o ia i le māfuaaga mo le faatonuga a le Atua?

4. O le ā na tupu ina ua tago Aperaamo i le naifi o le a fasioti lona atalii?

5. Na faapeʻī le malosi o le faatuatua o Aperaamo i le Atua?

6. O le ā na saunia e le Atua mo le taulaga a Aperaamo, ma e faapefea?

Fesili faaopoopo:

1. Faitau le Kenese 21:1-7.

   Aiseā na peritome ai e Aperaamo lona atalii i le aso lona valu? (Kene. 17:10-12; 21:4)

2. Faitau le Kenese 22:1-18.

   Na faapefea ona faaalia e Isaako lona gauaʻi i lona tamā o Aperaamo, ma e faapefea ona faaata e lenei mea se mea e sili atu ona tāua o le a tupu i le lumanaʻi? (Kene. 22:7-9; 1 Kori. 5:7; Fili. 2:8, 9)

Tala 15

Sa Tepa i Tua le Avā a Lota

1. Aiseā na valavala ai Aperaamo ma Lota?

2. Aiseā sa filifili ai Lota e nofo i Sotoma?

3. Na faapeʻī tagata Sotoma?

4. O le ā le lapataiga na fai atu ai agelu e toalua i a Lota?

5. Aiseā na liu tupua masima ai le avā a Lota?

6. O le ā se lesona tatou te aʻoaʻoina mai i le avā a Lota?

Fesili faaopoopo:

1. Faitau le Kenese 13:5-13.

   E tusa ai o le foiaina o faafitauli i le va o tagata, o le ā le lesona tatou te aʻoaʻo mai i a Aperaamo? (Kene. 13:8, 9; Roma 12:10; Fili. 2:3, 4)

2. Faitau le Kenese 18:20-33.

   E faapefea ona tatou mautinoa o le a faamasino ma le tonu Ieova ma Iesu pe a fua i le auala na feutagai ai Ieova ma Aperaamo? (Kene. 18:25, 26; Mata. 25:31-33)

3. Faitau le Kenese 19:1-29.

   1. (a) O le ā ua faaalia mai e lenei tala o le Tusi Paia e faatatau i le silafaga a Ieova i faiga tauatane? (Kene. 19:5, 13; Levi. 20:13)

   2. (e) O le ā le eseesega ua tatou mātauina i le auala na tali atu ai Lota ma Aperaamo i faatonuga a le Atua, ma o le ā tatou te aʻoaʻoina mai ai? (Kene. 19:15, 16, 19, 20; 22:3)

4. Faitau le Luka 17:28-32.

   O ā faanaunauga sa iai i le avā a Lota e faatatau i meafaitino, ma e faapefea ona avea ma lapataiga mo i tatou? (Luka 12:15; 17:31, 32; Mata. 6:19-21, 25)

5. Faitau le 2 Peteru 2:6-8.

   I le faaaʻoaʻo atu i a Lota, o le ā le vaaiga e ao ona i a i tatou e faatatau i le lalolagi faalēmataʻu o loo tatou ola ai? (Eseki. 9:4; 1 Ioa. 2:15-17)

Tala 16

Ua Maua le Avā Lelei a Isaako

1. O ai le fafine ma le tamaloa o loo i le ata?

2. O le ā na faia e Aperaamo ina ia maua ai se avā mo lona atalii, ma aiseā?

3. Na faapefea ona taliina le tatalo a le auauna a Aperaamo?

4. O le ā le tali a Repeka ina ua fesili atu i ai pe e fia faaipoipo i a Isaako?

5. O le ā le māfuaaga na toe fiafia ai Isaako?

Fesili faaopoopo:

1. Faitau le Kenese 24:1-67.

   1. (a) O ā uiga lelei na faaalia e Repeka ina ua feiloaʻi i le auauna a Aperaamo i le vaieli? (Kene. 24:17-20; Faata. 31:17, 31)

   2. (e) O le ā se faaaʻoaʻoga lelei mo Kerisiano i aso nei i tapenaga na faia e Aperaamo mo Isaako? (Kene. 24:37, 38; 1 Kori. 7:39; 2 Kori. 6:14)

   3. (i) Aiseā e ao ai ona sema so tatou taimi e mafaufau loloto ai, e pei ona sa faia e Isaako? (Kene. 24:63; Sala. 77:12; Fili. 4:8)

Tala 17

Masaga sa Eseese i La‘ua

1. O ai Esau ma Iakopo, ma na faapefea ona eseese i laua?

2. Na taʻi fia tausaga o Esau ma Iakopo ina ua oti Aperaamo, le tamā o lo la tamā?

3. O le ā na faia e Esau lea na avea ma mea e faanoanoa ai lona tinā ma lona tamā?

4. Aiseā na ita ai Esau i lona uso o Iakopo?

5. O le ā le faatonuga a Isaako i lona atalii o Iakopo?

Fesili faaopoopo:

1. Faitau le Kenese 25:5-11, 20-34.

   1. (a) O le ā na valoia e Ieova e faatatau i le fanautama e toalua a Repeka? (Kene. 25:23)

   2. (e) O le ā le eseesega o manatu o Iakopo ma Esau e faatatau i le tofi o le ulumatua? (Kene. 25:31-34)

2. Faitau le Kenese 26:34, 35; 27:1-46; ma le 28:1-5.

   1. (a) O le ā e faamaonia ai le lē talisapaia e Esau o mea faaleagaga? (Kene. 26:34, 35; 27:46)

   2. (e) Ina ia maua e Iakopo le faamanuiaga a le Atua, o le ā na taʻu atu e Isaako iā te ia e fai? (Kene. 28:1-4)

3. Faitau le Eperu 12:16, 17.

   O le ā ua faaalia e le faaaʻoaʻoga a Esau e uiga i āuga e oo i tagata e manatu faatauvaa i mea paia?

Tala 18

Alu Iakopo i Karana

1. O ai le tamaʻitaʻi o loo i le ata, ma o le ā na faia e Iakopo mo ia?

2. O le ā na lotomalie Iakopo e fai ina ia faaipoipo ai i a Rasela?

3. O le ā na faia e Lapana ina ua oo i le taimi e faaipoipo ai Iakopo i a Rasela?

4. O le ā na malie Iakopo e fai ina ia fai Rasela ma ana avā?

Fesili faaopoopo:

1. Faitau le Kenese 29:1-30.

   1. (a) Ina ua faia e Lapana le togafiti iā te ia, na faapefea ona faaalia e Iakopo ona uiga tauagafau, ma o le ā tatou te aʻoaʻoina mai ai? (Kene. 25:27; 29:26-28; Mata. 5:37)

   2. (e) Ua faapefea ona faaalia e le faaaʻoaʻoga a Iakopo le eseesega o le alofa moni ma le alofa faavalea? (Kene. 29:18, 20, 30; Pese 8:6)

   3. (i) O ai fafine e toafa na nonofo ma Iakopo ma mulimuli ane maua a latou fanau mai iā te ia? (Kene. 29:23, 24, 28, 29)

Tala 19

To‘atele le Aiga o Iakopo

1. O ai igoa o atalii e toaono o Iakopo i lana avā muamua o Lea?

2. O ai atalii e toalua o Iakopo na fanauina e le auauna fafine a Lea o Selepa?

3. O ai igoa o atalii e toalua o Iakopo na fanauina e le auauna fafine a Rasela o Pila?

4. O ai igoa o le fanautama e toalua a Rasela, ma o le ā na tupu ina ua fanau le tama lona lua?

5. E tusa ai o le ata, e toafia atalii o Iakopo ma o ai na tupuga mai i a i latou?

Fesili faaopoopo:

1. Faitau le Kenese 29:32-35; 30:1-26; ma le 35:16-19.

   E pei ona faaalia i atalii e toʻa 12 o Iakopo, e masani faapefea ona faaigoa tama Eperu i aso anamua?

2. Faitau le Kenese 37:35.

   E ui lava e na o Tina o loo taʻua i le Tusi Paia, ae e faapefea ona tatou iloa na iai isi afafine o Iakopo? (Kene. 37:34, 35)

Tala 20

Ua Oo se Faalavelave iā Tina

1. Aiseā na le mananao ai Aperaamo ma Isaako e faaipoipo a la fanau i tagata Kanana?

2. Pe na fiafia Iakopo ina ua faauo atu lona afafine i teine Kanana?

3. O ai le tamaloa lena o loo tilotilo atu i a Tina i le ata, ma o le ā le mea leaga na ia faia?

4. O le ā na faia e tuagane o Tina o Simeona ma Levi ina ua la faalogo i le mea na tupu?

5. Pe na fiafia Iakopo i le mea na faia e Simeona ma Levi?

6. Na faapefea ona tupu le faafitauli i le aiga?

Fesili faaopoopo:

1. Faitau le Kenese 34:1-31.

   1. (a) Pe e na o le faatasi lava le taimi na aumea atu ai Tina i afafine o le nuu o Kanana? Faamatala. (Kene. 34:1, faatusatusa i le NW)

   2. (e) Aiseā e ono tuuaia ai foi Tina ona o le leiloa o lona tulaga taupou? (Kala. 6:7)

   3. (i) E faapefea ona faaalia e talavou i aso nei lo latou teulotoina o le faaaʻoaʻoga a Tina lea e fai ma lapataiga? (Faata. 13:20; 1 Kori. 15:33; 1 Ioa. 5:19)

Tala 21

‘Ino‘ino Uso o Iosefa iā te Ia

1. Aiseā na loto leaga ai uso o Iosefa iā te ia, ma o le ā na latou faia?

2. O le ā na mananao uso o Iosefa e fai iā te ia, ae o le ā na fai atu ai Reupena?

3. O le ā na tupu ina ua o mai tagata Isamaeli faatauʻoa?

4. O le ā na faia e uso o Iosefa ina ia manatu ai lo latou tamā ua oti Iosefa?

Fesili faaopoopo:

1. Faitau le Kenese 37:1-35.

   1. (a) E faapefea ona faaaʻoaʻo Kerisiano i a Iosefa i le lipotia o le faia o mea sese i le faapotopotoga? (Kene. 37:2; Levi. 5:1; 1 Kori. 1:11)

   2. (e) Aiseā na faalata ai e uso o Iosefa o ia? (Kene. 37:11, 18; Faata. 27:4; Iako. 3:14-16)

   3. (i) O le ā na faia e Iakopo lea o se gaoioiga masani o le faavauvau? (Kene. 37:35)

Tala 22

Ua Tuu Iosefa i le Falepuipui

1. E fia tausaga o Iosefa ina ua ave i Aikupito, ma o le ā na tupu ina ua taunuu i ina?

2. Aiseā na tuu ai Iosefa i le falepuipui?

3. O le ā na tofia Iosefa e fai a o iai i le falepuipui?

4. O le ā na faia e Iosefa i le falepuipui mo le tautu uaina ma le fai mea ai a Farao?

5. O le ā na tupu ina ua tatalaina le tautu uaina mai le falepuipui?

Fesili faaopoopo:

1. Faitau le Kenese 39:1-23.

   Talu ai e lei iai se tulafono tusitusia a le Atua e faasā ai le mulilua i aso o Iosefa, aiseā na sola ese ai Iosefa mai le avā a Potifara? (Kene. 2:24; 20:3; 39:9)

2. Faitau le Kenese 40:1-23.

   1. (a) Ia faamatala puupuu le miti a le tautu uaina ma lona faamatalaga lea na maua e Iosefa mai i a Ieova. (Kene. 40:9-13)

   2. (e) O le ā le miti a le fai mea ai, ma o le ā lona uiga? (Kene. 40:16-19)

   3. (i) Ua faapefea ona faaaʻoaʻo le auauna faamaoni ma le mafaufau i aso nei i uiga na faaalia e Iosefa? (Kene. 40:8; Sala. 36:9; Ioa. 17:17; Galu. 17:2, 3)

   4. (o) Ua faapefea ona faamalamalama e le Kenese 40:20 le manatu o Kerisiano i le faamanatuina o aso fanau? (Fai. 7:1; Mare. 6:21-28)

Tala 23

Miti a Farao

1. O le ā na tupu i a Farao i le tasi po?

2. Aiseā na toe manatua mulimuli ane ai e le tautu uaina ia Iosefa?

3. E pei ona vaaia i le ata, o ā miti e lua na fai e Farao?

4. O le ā le uiga o miti na taʻu atu e Iosefa?

5. Na faapefea ona avea Iosefa ma se tagata tāua e pito atu i a Farao i Aikupito?

6. Aiseā na o mai ai uso o Iosefa i Aikupito, ma aiseā ua latou le iloaina ai o ia?

7. O le ā le miti na manatua e Iosefa, ma o le ā ua mafai ona ia malamalama ai?

Fesili faaopoopo:

1. Faitau le Kenese 41:1-57.

   1. (a) Na faapefea ona faauaʻi e Iosefa manatu o tagata i a Ieova, ma e faapefea ona faaaʻoaʻo Kerisiano i aso nei i lana faaaʻoaʻoga? (Kene. 41:16, 25, 28; Mata. 5:16; 1 Pete. 2:12)

   2. (e) E faapefea i tausaga o le matuā tele o meaʻai ma tausaga o le oge ona faaalia ai ma le saʻo le eseesega o le tulaga faaleagaga o tagata o Ieova i aso nei ma ē ua taʻua o Kerisiano? (Kene. 41:29, 30; Amo. 8:11, 12)

2. Faitau le Kenese 42:1-8 ma le 50:20.

   Pe e sese mo tagata tapuaʻi o Ieova ona ifo i se tagata e faaalia ai lo latou amanaʻia o lona tulaga pe afai o tu ma aga na a le atunuu? (Kene. 42:6)

Tala 24

Ua Tofotofo e Iosefa Ona Uso

1. Aiseā na tuuaia ai e Iosefa ona uso o tagata vaavaai leaga?

2. Aiseā na tuuina atu ai e Iakopo lona atalii laitiiti o Peniamina e alu i Aikupito?

3. Na faapefea ona oo le ipu ario a Iosefa i le taga mea ai a Peniamina?

4. O le ā na ofo atu Iuta e fai ina ia tuu atu Peniamina e alu?

5. Ua faapefea ona suia uiga o uso o Iosefa?

Fesili faaopoopo:

1. Faitau le Kenese 42:9-38.

   E faapefea ona avea upu a Iosefa o i le Kenese 42:18 ma faamanatuga lelei mo ē e iai tiute tauave i le faalapotopotoga a Ieova i aso nei? (Nee. 5:15; 2 Kori. 7:1, 2)

2. Faitau le Kenese 43:1-34.

   1. (a) E ui o Reupena le ulumatua, ae e faapefea ona iloa o Iuta na tautala e fai ma sui o ona uso? (Kene. 43:3, 8, 9; 44:14, 18; 1 No. 5:2)

   2. (e) Na faapefea ona tofotofoina e Iosefa ona uso, ma aiseā? (Kene. 43:33, 34)

3. Faitau le Kenese 44:1-34.

   1. (a) I se togafiti ina ia lē iloa ai e ona uso o ia, o le ā na fai atu ai Iosefa e faatatau iā te ia lava? (Kene. 44:5, 15; Levi. 19:26)

   2. (e) Na faapefea ona faaalia e uso o Iosefa ua lē toe iai ni o latou faalogona lotovale lea na iai muamua i lo latou uso? (Kene. 44:13, 33, 34)

Tala 25

Ua Ō Atu le Aiga i Aikupito

1. O le ā na tupu ina ua faailoa atu e Iosefa o ia i ona uso?

2. O le ā na taʻu atu ma le agalelei e Iosefa i ona uso?

3. O le ā na fai atu ai Farao ina ua ia faalogo e faatatau i uso o Iosefa?

4. O le ā le toatele o le aiga o Iakopo ina ua o mai i Aikupito?

5. O le ā na faaigoa ai le aiga o Iakopo, ma aiseā?

Fesili faaopoopo:

1. Faitau le Kenese 45:1-28.

   E faapefea ona faaalia i le tala o le Tusi Paia e faatatau i a Iosefa, e mafai ona liua e Ieova se tulaga e ono afāina ai ana auauna ina ia maua ai ni iʻuga lelei? (Kene. 45:5-8; Isa. 8:10; Fili. 1:12-14)

2. Faitau le Kenese 46:1-27.

   O le ā le faamautinoaga na taʻu atu e Ieova i a Iakopo a o agai atu i Aikupito? (Kene. 46:1-4, faaopoopoga i lalo o le NW, tusi telē)

Tala 26

Faamaoni Iopu i le Atua

1. O ai Iopu?

2. O le ā na taumafai Satani e faia, ae pe faamata na taulau manuia?

3. O le ā na faataga e Ieova Satani e fai, ma aiseā?

4. Aiseā na fai atu ai le avā a Iopu iā te ia e ‘faifai i le Atua ma oti ai’? (Vaai i le ata.)

5. E pei ona e vaaia i le ata lona lua, na faapefea ona faamanuia e Ieova ia Iopu, ma aiseā?

6. Afai tatou te faamaoni e pei o Iopu, o ā faamanuiaga o le a tatou maua?

Fesili faaopoopo:

1. Faitau le Iopu 1:1-22.

   E faapefea ona faaaʻoaʻo Kerisiano i aso nei i a Iopu? (Iopu 1:1; Fili. 2:15; 2 Pete. 3:14)

2. Faitau le Iopu 2:1-13.

   O ā auala eseese e lua na tali atu ai Iopu ma lana avā i sauāga a Satani? (Iopu 2:9, 10; Faata. 19:3; Mika 7:7; Mala. 3:14)

3. Faitau le Iopu 42:10-17.

   1. (a) E faapefea ona taitutusa taui na mauaina e Iopu ma lea na maua e Iesu ona o le faamaoni? (Iopu 42:12; Fili. 2:9-11)

   2. (e) E faapefea ona faalaeiauina i tatou i faamanuiaga na maua e Iopu ona o le tumau faamaoni i le Atua? (Iopu 42:10, 12; Epe. 6:10; Iako. 1:2-4, 12; 5:11)

Tala 27

Pule le Tupu Leaga i Aikupito

1. Vaai i le ata, o ai le tamaloa o loo uuina le sasa, ma o ai o loo ia sasaina?

2. Ina ua mavae le oti o Iosefa, o le ā na tupu i tagata Isaraelu?

3. Aiseā na fefefe ai tagata Aikupito i tagata Isaraelu?

4. O le ā le faatonuga a Farao na fai atu i fafine na fesoasoani i tinā Isaraelu?

Fesili faaopoopo:

1. Faitau le Esoto 1:6-22.

   1. (a) O le ā le auala na amata ai ona faataunuu e Ieova lana folafolaga i a Aperaamo? (Eso. 1:7; Kene. 12:2; Galu. 7:17)

   2. (e) Na faapefea ona faaalia e faatosaga Eperu lo la faatāuaina o le paia o le ola? (Eso. 1:17; Kene. 9:6)

   3. (i) Na faapefea ona tauia faatosaga ona o lo la faamaoni i a Ieova? (Eso. 1:20, 21; Faata. 19:17)

   4. (o) Na faapefea ona taumafai Satani e seua le fuafuaga a Ieova e faatatau i le Fanau folafolaina a Atamu? (Eso. 1:22; Mata. 2:16)

Tala 28

Faapefea Ona Faasaoina le Pepe o Mose

1. O ai le pepe o loo i le ata, ma o le lima tusi o ai lena e tago i ai?

2. O le ā na faia e le tinā o Mose ina ia faasaoina ai Mose?

3. O ai le teineitiiti o loo i le ata, ma o le ā na ia faia?

4. Ina ua maua e le afafine o Farao le pepe, o le ā na fai atu ai Miriama?

5. O le ā na fai atu ai le alo tamaitai i le tinā o Mose?

Se fesili faaopoopo:

1. Faitau le Esoto 2:1-10.

   O le ā le avanoa na maua e le tinā o Mose e toleni ma aʻoaʻo ai Mose a o tamaitiiti, ma o le ā se faaaʻoaʻoga mo mātua i aso nei? (Eso. 2:9, 10; Teu. 6:6-9; Faata. 22:6; Efe. 6:4; 2 Timo. 3:15)

Tala 29

Aiseā na Sola ai Mose

1. O fea na ola aʻe ai Mose, ma o le ā na ia iloa e faatatau i ona matua?

2. O le ā na faia e Mose ina ua 40 ona tausaga?

3. O le ā na fai atu ai Mose i se tamaloa Isaraelu na tauaʻi misa ma se isi tamaloa, ma o le ā le tali a le tamaloa?

4. Aiseā na sola ese ai Mose mai Aikupito?

5. O fea na sola i ai Mose, ma o ai na fetaui ai i ina?

6. O ā mea na faia e Mose i tausaga e 40 ina ua sola ese mai Aikupito?

Fesili faaopoopo:

1. Faitau le Esoto 2:11-25.

   E ui i le tele o tausaga na aʻoaʻoina ai i le poto o tagata Aikupito, na faapefea ona faaalia e Mose lona faamaoni i a Ieova ma ona tagata? (Eso. 2:11, 12; Epe. 11:24)

2. Faitau le Galuega 7:22-29.

   O le ā le lesona tatou te aʻoaʻoina mai ina ua taumafai Mose i lona lava malosi e laveaʻi Isaraelu mai le nofo pologa i Aikupito? (Galu. 7:23-25; 1 Pete. 5:6, 10)

Tala 30

Laau na Mumū

1. O le ā le igoa o le mauga o loo i le ata?

2. Ia faamatala le mea uiga ese na vaaia e Mose a o alu atu i le mauga ma ana mamoe.

3. O le ā na fai mai ai le leo mai le laau o mu, ma o le leo o ai?

4. O le ā le tali a Mose ina ua fetalai atu le Atua iā te ia o le a ia taʻitaʻiina tagata o le Atua mai Aikupito?

5. O le ā le tala na taʻu atu e le Atua i a Mose e fai pe a fesili atu tagata po o ai na auina atu o ia?

6. O le a faapefea ona faamaonia e Mose o le Atua na auina atu o ia?

Fesili faaopoopo:

1. Faitau le Esoto 3:1-22.

   E faapea i le mea na tupu i a Mose ona tatou mautinoa ai e lagolagoina e Ieova i tatou tusa lava pe tatou te manatu tatou te lē agavaa e faatinoina se tofiga mai le Atua? (Eso. 3:11, 13; 2 Kori. 3:5, 6)

2. Faitau le Esoto 4:1-20.

   1. (a) Na suia faapefea uiga o Mose i le faagasologa o tausaga e 40 a o iai i Mitiana, ma o le ā le lesona e aʻoaʻoina mai ai e i latou e aapa atu i faaeaga i le faapotopotoga? (Eso. 2:11, 12; 4:10, 13; Mika 6:8; 1 Timo. 3:1, 6, 10)

   2. (e) E tusa pe e aʻoaʻia i tatou e Ieova e ala mai i lana faalapotopotoga, e faapefea ona i a i tatou ni lagona mautinoa ona o le faaaʻoaʻoga a Mose? (Eso. 4:12-14; Sala. 103:14; Epe. 12:4-11)

Tala 31

Ō Mose ma Arona e Vaai Farao

1. O le ā le aafiaga o vavega na faia e Mose ma Arona i tagata Isaraelu?

2. O le ā na fai atu ai Mose ma Arona i a Farao, ma o le ā le tali a Farao?

3. E pei ona vaaia i le ata, o le ā na tupu ina ua togi i lalo e Arona lona tootoo?

4. Na faapefea ona aʻoaʻoina e Ieova Farao i se lesona, ma o le ā le tali a Farao?

5. O le ā na tupu ina ua uma le mala lona sefulu?

Fesili faaopoopo:

1. Faitau le Esoto 4:27-31 ma le 5:1-23.

   O le ā le uiga o le tala a Farao e faapea: “Ou te lei iloa Ieova”? (Eso. 5:2; 1 Samu. 2:12; Roma 1:21)

2. Faitau le Esoto 6:1-13, 26-30.

   1. (a) O le ā le uiga e faapea e lei faailoa atu e Ieova ia lava i a Aperaamo, Isaako ma Iakopo? (Eso. 3:13, 14; 6:3; Kene. 12:8)

   2. (e) O ā ni o tatou faalogona i le iloa faapea, na faaaoga pea e Ieova Mose e ui lava na manatu Mose e lē agavaa i le tofiga na tofia ai o ia? (Eso. 6:12, 30; Luka 21:13-15)

3. Faitau le Esoto 7:1-13.

   1. (a) Ina ua taʻu atu ma le loto tele e Mose ma Arona le faamasinoga a Ieova i a Farao, o le ā le faaaʻoaʻoga ua la faia mo auauna a le Atua i aso nei? (Eso. 7:2, 3, 6; Galu. 4:29-31)

   2. (e) Na faapefea ona faaalia e Ieova e sili atu o ia na i lo atua o Aikupito? (Eso. 7:12; 1 No. 29:12)

Tala 32

Mala e 10

1. Ia faaaoga ata i inei e faamatala ai mala muamua e tolu na aumaia e Ieova i a Aikupito.

2. O le ā le eseesega o mala muamua e tolu ma isi mala na mulimuli mai?

3. O le ā le mala lona fa, lima ma le ono?

4. Ia faamatala le mala lona fitu, valu ma le iva.

5. O le ā na fetalai Ieova e faia e tagata Isaraelu a o lei oo i le mala lona sefulu?

6. O le ā le mala lona sefulu, ma o le ā na tupu mulimuli ane?

Fesili faaopoopo:

1. Faitau le Esoto 7:19–8:23.

   1. (a) E ui na mafai foi ona faia e taulāitu Aikupito mala muamua e lua a Ieova, ae o le ā na faamalosia i latou e tautino mai ina ua uma le mala lona tolu? (Eso. 8:18, 19; Mata. 12:24-28)

   2. (e) E faapefea ona faaalia e le mala lona fa le mana o Ieova e puipuia ai ona tagata, ma ona o le iloaina o lena mea, o ā la ni faalogona o tagata o le Atua ona ua latalata mai “le puapuaga tele” lea ua valoia mai? (Eso. 8:22, 23; Faaa. 7:13, 14; 2 Nofo. 16:9)

2. Faitau le Esoto 8:24; 9:3, 6, 10, 11, 14, 16, 23-25; ma le 10:13-15, 21-23.

   1. (a) O ā vaega e lua na faaalialia i lumāmea e Mala e Sefulu, ma e faapefea i lenei mea ona aafia ai la tatou vaai i na vaega i aso nei? (Eso. 8:10, 18, 19; 9:14)

   2. (e) E faapefea ona fesoasoani le Esoto 9:16 ina ia tatou malamalama i le pogai ua faataga ai e Ieova le iai pea o Satani e oo mai i le asō? (Roma 9:21, 22)

3. Faitau le Esoto 12:21-32.

   Na faapefea ona faaolaina e le Paseka le toatele o tagata, ma o le ā na faaatagia e le Paseka? (Eso. 12:21-23; Ioa. 1:29; Roma 5:18, 19, 21; 1 Kori. 5:7)

Tala 33

Sopo‘ia le Sami Ulaula

1. E toafia tamaloloa Isaraelu na ō ese mai Aikupito faatasi ai ma fafine ma tamaiti, ma o ai isi na latou ō faatasi?

2. O ā faalogona o Farao ina ua uma ona ia tuuina atu Isaraelu e ō, ma o le ā na ia faia?

3. O le ā na faia e Ieova e taofia ai autau a Aikupito mai le osofaia o ona tagata?

4. O le ā na tupu ina ua faaloaloa atu e Mose lana laau i le Sami Ulaula, ma o le ā na faia e tagata Isaraelu?

5. O le ā na tupu ina ua faavave atu autau a Aikupito i le sami e tuliloaina tagata Isaraelu?

6. Na faapefea ona faaalia e tagata Isaraelu lo latou fiafia ma faafetai i a Ieova mo le faasaoina o i latou?

Fesili faaopoopo:

1. Faitau le Esoto 12:33-36.

   Na faapefea ona faamautinoa e Ieova ua tauia ona tagata mo tausaga uma na latou nofo pologa ai i Aikupito? (Eso. 3:21, 22; 12:35, 36)

2. Faitau le Esoto 14:1-31.

   E faapefea i upu a Mose i le Esoto 14:13, 14 ona aafia ai auauna a Ieova i aso nei a o latou sauniuni mo le taua o faaloloʻi mai o Amaketo? (2 No. 20:17; Sala. 91:8)

3. Faitau le Esoto 15:1-8, 20, 21.

   1. (a) Aiseā e ao ai ona pepese auauna a Ieova i ona viiga? (Eso. 15:1, 2; Sala. 105:2, 3; Faaa. 15:3, 4)

   2. (e) O le ā le faaaʻoaʻoga o viiga o Ieova na faia e Miriama ma isi fafine i le Sami Ulaula mo fafine Kerisiano i aso nei? (Eso. 15:20, 21; Sala. 68:11)

Tala 34

Ituaiga Fou o Mea‘ai

1. I le ata, o le ā o tufiina e tagata mai le eleele, ma o lea ā le igoa o ia mea?

2. O le ā le faatonuga a Mose i tagata i le aoina mai o le manai?

3. O le ā na tulei atu ai Ieova i tagata e faia i le aso lona ono, ma aiseā?

4. O le ā le vavega na faia e Ieova ina ua teuina le manai mo le aso lona fitu?

5. E fia tausaga na fafagaina ai e Ieova tagata i le manai?

Fesili faaopoopo:

1. Faitau le Esoto 16:1-36 ma le Numera 11:7-9.

   1. (a) O le ā ua faaalia e le Esoto 16:8 e faatatau i le manaʻoga mo i tatou e faaaloalo i ē ua tofia e le Atua i le faapotopotoga Kerisiano? (Epe. 13:17)

   2. (e) Na faapefea ona faamanatu atu i aso taʻitasi i tagata Isaraelu lo latou faalagolago i a Ieova i le vaomatua? (Eso. 16:14-16, 35; Teu. 8:2, 3)

   3. (i) O le ā le uiga faafaatusa na fetalai i ai Iesu e faatatau i le manai, ma e faapefea ona tatou mauaina aogā mai lenei “areto mai le lagi”? (Ioa. 6:31-35, 40)

2. Faitau le Iosua 5:10-12.

   E fia tausaga na aai ai tagata Isaraelu i le manai, ma na faapefea ona tofotofoina ai i latou, ma o le ā tatou te aʻoaʻoina mai lenei tala? (Eso. 16:35; Nu. 11:4-6; 1 Kori. 10:10, 11)

Tala 35

Tuuina Atu e Ieova Ana Tulafono

1. O fea na nonofo ai tagata Isaraelu pe tusa ma le lua masina talu ona o ese mai Aikupito?

2. O le ā na fetalai i ai Ieova e manao e faia e tagata, ma o le ā la latou tali?

3. Aiseā na avatu ai e Ieova i a Mose ni papa maa se lua?

4. E ese mai i Tulafono e Sefulu, o ā isi tulafono na avatu e Ieova i a Isaraelu?

5. O ā tulafono sili e lua na fetalai i ai Iesu Keriso?

Fesili faaopoopo:

1. Faitau le Esoto 19:1-25; 20:1-21; 24:12-18; ma le 31:18.

   E faapefea i upu o i le Esoto 19:8 ona fesoasoani i a i tatou ia malamalama i mea e aofia ai i le tuuina atu faa-Kerisiano? (Mata. 16:24; 1 Pete. 4:1-3)

2. Faitau le Teuteronome 6:4-6; Levitiko 19:18; ma le Mataio 22:36-40.

   E faapefea ona faaalia e Kerisiano lo latou alofa mo le Atua ma tuaoi? (Mare. 6:34; Galu. 4:20; Roma 15:2)

Tala 36

Tama‘i Povi Auro

1. O le ā ua faia e tagata e pei ona vaaia i le ata, ma aiseā?

2. Aiseā ua ita ai Ieova, ma o le ā ua faia e Mose ina ua vaai atu i mea o loo faia e tagata?

3. O le ā na fai atu ai Mose i isi tamaloloa ia latou faia?

4. O le ā le lesona tatou te aʻoaʻoina mai lenei tala?

Fesili faaopoopo:

1. Faitau le Esoto 32:1-35.

   1. (a) E faapefea ona faaalia e lenei tala le silafaga a Ieova e faatatau i le palu faatasi o tapuaiga sese ma le tapuaiga moni? (Eso. 32:4-6, 10; 1 Kori. 10:7, 11)

   2. (e) O le ā e ao ona faaeteete i ai Kerisiano i le filifilia o faafiafiaga e pei o le usuina o pese ma le siva? (Eso. 32:18, 19; Efe. 5:15, 16; 1 Ioa. 2:15-17)

   3. (i) Ua faapefea ona saunia e le ʻau sa Levī se faaaʻoaʻoga lelei i le tausisia o le amiotonu? (Eso. 32:25-28; Sala. 18:25)

Tala 37

Fale‘ie mo le Tapua‘iga

1. O le ā le taʻu o le fale o loo i le ata, ma o le ā na faaaoga i ai?

2. Aiseā na fai atu ai Ieova i a Mose e faia le fale‘ie ina ia faigofie ona toe tuu eseeseina?

3. O le ā le pusa o loo i le tamai potu o i le pito o le fale‘ie, ma o le ā o loo i totonu o le pusa?

4. O ai sa tofia e Ieova e fai ma ositaulaga sili, ma o le ā e faia e le ositaulaga sili?

5. Ia taʻu mai mea e tolu o i totonu o le potu lapoa o le fale‘ie.

6. O ā mea e lua o i totonu o le lotoa o le fale fetafai, ma sa faapefea ona faaaogaina ia mea?

Fesili faaopoopo:

1. Faitau le Esoto 25:8-40; 26:1-37; 27:1-8; ma le 28:1.

   O le ā e faaatagia e kerupi “i luga o le atolaau o le tulafono”? (Eso. 25:20, 22; Nu. 7:89; 2 Tu. 19:15)

2. Faitau le Esoto 30:1-10, 17-21; 34:1, 2; ma le Eperu 9:1-5.

   1. (a) Aiseā na faamamafa ai e Ieova le tāua o le tausisia o le mamā faaletino i ositaulaga na auauna i le fale fetafai, ma e ao faapefea ona aafia ai i tatou i aso nei? (Eso. 30:18-21; 40:30, 31; Epe. 10:22)

   2. (e) Na faapefea ona faaalia e le aposetolo o Paulo, ua lē toe manaʻomia le fale fetafai ma le feagaiga o le Tulafono i le vaitaimi na tusi ai lana tusi i Kerisiano i Eperu? (Epe. 9:1, 9; 10:1)

Tala 38

Tagata Matamata e 12

1. O le ā e te mātauina i taufuifui vine o loo i le ata, ma o fea na aumai ai?

2. Aiseā na aauina atu ai e Mose ni tagata matamata e 12 i le nuu o Kanana?

3. O le ā le tala a tagata matamata e toasefulu na fai i a Mose ina ua toe foi ane?

4. E faapefea ona faaalia e tagata matamata e toalua lo la faatuatua i a Ieova, ma o ai o la igoa?

5. Aiseā sa ita tele ai Ieova, ma o le ā na ia fai atu ai i a Mose?

Fesili faaopoopo:

1. Faitau le Numera 13:1-33.

   1. (a) O ai na filifilia e asiasi i le nuu, ma o le ā le avanoa matagofie na latou mauaina? (Nu. 13:2, 3, 18-20)

   2. (e) Aiseā na eseese ai manatu o Iosua ma Kalepo mai isi tagata asiasi, ma o le ā tatou te aʻoaʻoina mai ai? (Nu. 13:28-30; Mata. 17:20; 2 Kori. 5:7)

2. Faitau le Numera 14:1-38.

   1. (a) O le ā le lapataiga e ao ona tatou utagiaina i le muimui faasaga i ē o fai ma sui o Ieova i le lalolagi? (Nu. 14:2, 3, 27; Mata. 25:40, 45; 1 Kori. 10:10)

   2. (e) E faapefea ona faaalia e le Numera 14:24 le naunau alofa mai o Ieova i ana auauna taʻitoʻatasi? (1 Tu. 19:18; Faata. 15:3)

Tala 39

Ola Fugālaau i le Tootoo o Arona

1. O ai na tetee i le pule a Mose ma Arona, ma o le ā la latou tala na fai atu i a Mose?

2. O le ā na fai atu ai Mose ia faia e Koru ma ona tagata e 250?

3. O le ā na fai atu ai Mose i tagata, ma o le ā na tupu ina ua uma ona tautala o ia?

4. O le ā na tupu i a Koru ma ona tagata e 250?

5. O le ā na faia e Eleasaro le atalii o Arona i mea e tuu ai afi a tagata ua feoti, ma aiseā?

6. Aiseā ua faatutupu ai e Ieova fugalaau i le tootoo o Arona? (Vaai i le ata.)

Fesili faaopoopo:

1. Faitau le Numera 16:1-49.

   1. (a) O le ā na faia e Koru ma ē na mulimuli iā te ia, ma aiseā na latou fouvale ai i a Ieova ona o le mea na latou faia? (Nu. 16:9, 10, 18; Levi. 10:1, 2; Faata. 11:2)

   2. (e) O le ā le manatu sese na i a Koru ma tagata e toʻa 250 o ‘alii o le faapotopotoga’? (Nu. 16:1-3; Faata. 15:33; Isa. 49:7)

2. Faitau le Numera 17:1-11 ma le 26:10.

   1. (a) O le ā ua faaalia ina ua ola fugalaau i le tootoo o Arona, ma aiseā na poloaʻi ai Ieova e teuina i le atolaau? (Nu. 17:5, 8, 10)

   2. (e) O le ā le lesona tāua tatou te aʻoaʻoina mai le mea na tupu i le tootoo o Arona? (Nu. 17:10; Galu. 20:28; Fili. 2:14; Epe. 13:17)

Tala 40

Tāina e Mose le Papa

1. Na faapefea ona tausia e Ieova tagata Isaraelu a o iai i le vaomatua?

2. O le ā le faitioga a tagata Isaraelu a o tolauapi i Katesa?

3. Na faapefea ona saunia e Ieova le vai mo tagata ma a latou mea ola?

4. O ai le tamaloa lena i le ata o loo faasino lona lima iā te ia lava, ma aiseā?

5. Aiseā na ita ai Ieova i a Mose ma Arona, ma na faapefea ona faasalaina i laua?

6. O le ā na tupu i le Mauga o Horo, ma o ai na avea ma ositaulaga sili mo Isaraelu?

Fesili faaopoopo:

1. Faitau le Numera 20:1-13, 22-29 ma le Teuteronome 29:5.

   1. (a) O le ā ua tatou aʻoaʻoina mai le auala na tausia ai e Ieova tagata Isaraelu i le vaomatua? (Teu. 29:5; Mata. 6:31; Epe. 13:5; Iako. 1:17)

   2. (e) O le ā le silafaga a Ieova ina ua lē faapaiaina o ia e Mose ma Arona i luma o le nuu o Isaraelu? (Nu. 20:12; 1 Kori. 10:12; Faaa. 4:11)

   3. (i) O le ā ua tatou aʻoaʻoina mai le auala na tali atu ai Mose ina ua aʻoaʻia o ia e Ieova? (Nu. 12:3; 20:12, 27, 28; Teu. 32:4; Epe. 12:7-11)

Tala 41

O le Gata Apamemea

1. Vaai i le ata, o le ā o taviʻoviʻo i le pou, ma aiseā na fai ai Ieova i a Mose e tuu i luga o le pou?

2. Na faapefea ona faaalia e tagata lo latou le faafetai i mea uma ua faia e le Atua mo i latou?

3. O le ā na fai atu ai tagata i a Mose e fai ina ua aauina mai e Ieova gata oona e faasala ai i latou?

4. Aiseā na tulei ai Ieova i a Mose e fai se gata apa memea?

5. O le ā le lesona tatou te aʻoaʻoina mai lenei tala?

Fesili faaopoopo:

1. Faitau le Numera 21:4-9.

   1. (a) O le ā le lapataiga tatou te maua mai i faitioga a tagata Isaraelu i sauniuniga a Ieova? (Nu. 21:5, 6; Roma 2:4)

   2. (e) I senituri mulimuli ane, na faapefea ona faaaoga e tagata Isaraelu le gata apa memea, ma o le ā le gaoioiga na faia e le tupu o Esekia? (Nu. 21:9; 2 Tu. 18:1-4)

2. Faitau le Ioane 3:14, 15.

   E faapefea ona faaatagia e le gata apa memea i luga o le pou le faasatauroina o Iesu Keriso? (Kala. 3:13; 1 Pete. 2:24)

Tala 42

Tautala se Asini

1. O ai Palako, ma aiseā sa ia aami ai Palaamo?

2. Aiseā sa taoto ai le asini a Palaamo i lalo i le auala?

3. O le ā ua faalogoina e Palaamo o fai atu ai le asini?

4. O le ā na fai atu ai se agelu i a Palaamo?

5. O le ā na tupu ina ua taumafai Palaamo e fetuu Isaraelu?

Fesili faaopoopo:

1. Faitau le Numera 21:21-35.

   Aiseā na faatoilalo ai e Isaraelu ia Sekono le tupu o sa Amorī ma Oko le tupu o Vasana? (Nu. 21:21, 23, 33, 34)

2. Faitau le Numera 22:1-40.

   O le ā le pogai na taumafai ai Palaamo e fetuu Isaraelu, ma o ā ni lesona tatou te aʻoaʻoina mai ai? (Nu. 22:16, 17; Faata. 6:16, 18; 2 Pete. 2:15; Iuta 11)

3. Faitau le Numera 23:1-30.

   E ui lava na tautala Palaamo e peiseaʻī e tapuai i a Ieova, ae faapefea ona tuufaafeagai lena mea ma ana gaoioiga? (Nu. 23:3, 11-14; 1 Samu. 15:22)

4. Faitau le Numera 24:1-25.

   E faapefea ona faamalosia e lenei tala o le Tusi Paia lo tatou faatuatua i le faataunuuina o fuafuaga a Ieova? (Nu. 24:10; Isa. 54:17)

Tala 43

Avea Iosua ma Taʻitaʻi

1. O ai tamaloloa e toalua o loo tutū faatasi ma Mose i le ata?

2. O le ā na fai atu ai Ieova i a Iosua?

3. Aiseā na alu aʻe ai Mose i le tumutumu o le Mauga o Nepo, ma o le ā na tulei atu ai Ieova iā te ia?

4. E fia tausaga o Mose ina ua oti o ia?

5. Aiseā ua faanoanoa ai tagata, ae o le ā le māfuaaga ua fiafia ai?

Fesili faaopoopo:

1. Faitau le Numera 27:12-23.

   O le ā le tofiga tāua na tuu atu e Ieova i a Iosua, ma ua faapefea ona faaalia i aso nei le tausiga a Ieova i Ona tagata? (Nu. 27:15-19; Galu. 20:28; Epe. 13:7)

2. Faitau le Teuteronome 3:23-29.

   Aiseā e lei faataga ai e Ieova ia Mose ma Arona e sopo atu i le nuu folafolaina, ma o le ā le lesona tatou te aʻoaʻoina mai ai? (Teu. 3:25-27; Nu. 20:12, 13)

3. Faitau le Teuteronome 31:1-8, 14-23.

   Na faapefea ona faaalia i upu faamavae a Mose i a Isaraelu na ia taliaina ma le lotomaulalo le aʻoaʻiga a Ieova? (Teu. 31:6-8, 23)

4. Faitau le Teuteronome 32:45-52.

   E ao faapefea ona aafia o tatou olaga i le Afioga a le Atua? (Teu. 32:47; Levi. 18:5; Epe. 4:12)

5. Faitau le Teuteronome 34:1-12.

   E ui lava e lei vaaitino Mose i a Ieova, ae o le ā ua faaalia mai e le Teuteronome 34:10 e faatatau i le la faiā ma Ieova? (Eso. 33:11, 20; Nu. 12:8)

Tala 44

Faalafi e Raava Tagata Matamata

1. O fea e nofo ai Raava?

2. O ai tamaloloa e toalua o i le ata, ma o ā la mea o fai i Ieriko?

3. O le ā na poloai atu ai le tupu o Ieriko e fai e Raava, ma o le ā le tali a Raava?

4. Na faapefea ona fesoasoani Raava i tamaloloa e toalua, ma o le ā na ia talosaga atu ai i a i laua?

5. O le ā na taʻutino atu e tagata matamata i a Raava?

Fesili faaopoopo:

1. Faitau le Iosua 2:1-24.

   Na faapefea ona faataunuu le folafolaga a Ieova i le Esoto 23:27 ina ua faatoilaloina e Isaraelu ia Ieriko? (Iosua 2:9-11)

2. Faitau le Eperu 11:31.

   E faapefea ona faamatilatila e le faaaʻoaʻoga a Raava le tāua o le faatuatua? (Roma 1:17; Epe. 10:39; Iako. 2:25)

Tala 45

Sopo‘ia le Vaitafe o Ioritana

1. O le ā le vavega na faia e Ieova ina ia mafai ona sopoia e tagata Isaraelu le vaitafe o Ioritana?

2. O le ā le gaoioiga o le faatuatua na tatau ona faia e tagata Isaraelu ina ia sopoia ai le vaitafe o Ioritana?

3. Aiseā na tulei atu ai Ieova i a Iosua e aumai ni maa tetele e 12 mai le alitivai?

4. O le ā na tupu ina ua savavali ese atu ositaulaga nai le vaitafe o Ioritana?

Fesili faaopoopo:

1. Faitau le Iosua 3:1-17.

   1. (a) E pei ona faaalia i lenei tala, o le ā e manaʻomia ona tatou faia ina ia maua ai le fesoasoani ma le faamanuiaga a Ieova? (Iosua 3:13, 15; Faata. 3:5; Iako. 2:22, 26)

   2. (e) O le ā le tulaga o le vaitafe o Ioritana i le taimi na sopoia ai e tagata Isaraelu e ō atu i le Nuu Folafolaina, ma na faapefea ona viia ai le suafa o Ieova? (Iosua 3:15; 4:18; Sala. 66:5-7)

2. Faitau le Iosua 4:1-18.

   O le ā le fuafuaga na ala ai ona aumai maa e 12 mai le vaitafe o Ioritana ma faaputu i Kilikala? (Iosua 4:4-7)

Tala 46

O Pā o Ieriko

1. O le ā na tulei i ai Ieova e faia e tagata tau ma ositaulaga mo aso e ono?

2. O le ā e faia e tagata i le aso lona fitu?

3. E pei ona vaaia i le ata, o le ā ua tupu i pa o Ieriko?

4. Aiseā ua tautau mai ai le maea mumu i le faamalama?

5. O le ā na fai atu ai Iosua i tagata tau e fai i tagata ma le aai, ae faapefea ario, auro, apa memea ma uamea?

6. O le ā na faatonuina tagata matamata e toalua e fai?

Fesili faaopoopo:

1. Faitau le Iosua 6:1-25.

   1. (a) E faapefea ona taitutusa le savavali faataamilo o Isaraelu i Ieriko i le aso lona fitu, ma le galuega talaʻi a Molimau a Ieova i nei aso e gata ai? (Iosua 6:15, 16; Isa. 60:22; Mata. 24:14; 1 Kori. 9:16)

   2. (e) Na faapefea ona faataunuuina le valoaga o i le Iosua 6:26 pe tusa ma le 500 tausaga mulimuli ane ai, ma o le ā tatou te aʻoaʻoina mai ai e faatatau i afioga a Ieova? (1 Tu. 16:34; Isa. 55:11)

Tala 47

O se Gaoi i Isaraelu

1. O ai le tamaloa o i le ata o loo tanuina ʻoa mai Ieriko, ma o ai o loo fesoasoani iā te ia?

2. Aiseā e matuiā ai le mea ua faia e Akana ma lona au aiga?

3. O le ā le tali a Ieova ina ua fesili i ai Iosua pe aiseā ua faiaʻina ai Isaraelu i le taua i Ai?

4. Ina ua aumai Akana ma lona au aiga i a Iosua, o le ā na fai i a i latou?

5. O le ā le lesona tāua tatou te aʻoaʻoina mai le faasalaga o Akana?

Fesili faaopoopo:

1. Faitau le Iosua 7:1-26.

   1. (a) O le ā ua faailoa mai e tatalo a Iosua e faatatau i le la faiā ma Lē na Foafoaina o ia? (Iosua 7:7-9; Sala. 119:145; 1 Ioa. 5:14)

   2. (e) O le ā ua faaalia i le mea na tupu i a Akana, ma o le ā le lapataiga mo i tatou? (Iosua 7:11, 14, 15; Faata. 15:3; 1 Timo. 5:24; Epe. 4:13)

2. Faitau le Iosua 8:1-29.

   O le ā la tatou tiute tauave i le faapotopotoga Kerisiano i aso nei? (Iosua 7:13; Levi. 5:1; Faata. 28:13)

Tala 48

O Kipeona Popoto

1. Na faapefea ona eseese tagata Kipeona mai i tagata Kanana i aai lata ane?

2. E pei ona faaalia i le ata, o le ā ua faia e tagata Kipeona, ma aiseā?

3. O le ā le tautoga na faia e Iosua ma taʻitaʻi Isaraelu i tagata Kipeona, ae o le ā na latou iloa ina ua mavae aso e tolu?

4. O le ā ua tupu ina ua faalogo tupu o isi aai ua osi filemu tagata Kipeona ma Isaraelu?

Fesili faaopoopo:

1. Faitau le Iosua 9:1-27.

   1. (a) Talu ai na faatonuina e Ieova le nuu o Isaraelu e “faaumatia i latou o ē nonofo uma i le nuu,” o ā uiga o Ieova ua faamatilatila i lona faasaoina o tagata Kipeona? (Iosua 9:22, 24; Mata. 9:13; Galu. 10:34, 35; 2 Pete. 3:9)

   2. (e) E ala i le tausisia o le feagaiga na ia osia ma tagata Kipeona, ua faapefea ona faia e Iosua se faaaʻoaʻoga lelei mo Kerisiano i aso nei? (Iosua 9:18, 19; Mata. 5:37; Efe. 4:25)

2. Faitau le Iosua 10:1-5.

   Ua faapefea ona faaaʻoaʻo le motu o tagata e toatele i aso nei i tagata Kipeona, ma ua avea ai i latou ma taulaʻiga mo le ā? (Iosua 10:4; Saka. 8:23; Mata. 25:35-40; Faaa. 12:17)

Tala 49

Ua Tumau le Lā

1. I le ata, o le ā le tala a Iosua o fai ma aiseā?

2. Na faapefea ona fesoasoani Ieova i a Iosua ma ana tagata tau?

3. E toafia tupu na fai ma fili na faatoilalo e Iosua, ma e fia tausaga na alu ai?

4. Aiseā na vaevaeina ai e Iosua le laueleele o Kanana?

5. E fia tausaga o Iosua ina ua maliu, ma o le ā na tupu i tagata mulimuli ane ai?

Fesili faaopoopo:

1. Faitau le Iosua 10:6-15.

   O le ā ua tatou mautinoa ai i aso nei ona o le iloa faapea na faatumau e Ieova le la ma le masina mo Isaraelu? (Iosua 10:8, 10, 12, 13; Sala. 18:3; Faata. 18:10)

2. Faitau le Iosua 12:7-24.

   O ai moni lava na ala ai ona toilalo tupu e toʻa 31 i Kanana, ma aiseā e tāua ai lena mea mo i tatou i aso nei? (Iosua 12:7; 24:11-13; Teu. 31:8; Luka 21:9, 25-28)

3. Faitau le Iosua 14:1-5.

   Na faapefea ona vaevaeina le nuu i ituaiga o Isaraelu, ma o le ā ua faailoa mai e lenei mea e faatatau i tofi i le Parataiso? (Iosua 14:2; Isa. 65:21; Eseki. 47:21-23; 1 Kori. 14:33)

4. Faitau le Faamasino 2:8-13.

   E pei o Iosua i Isaraelu, o ai o loo gaoioi i aso nei e taofiofia taumafaiga a ē ua lafoaʻia le tapuaiga moni? (Faama. 2:8, 10, 11; Mata. 24:45-47; 2 Tesa. 2:3-6; Tito 1:7-9; Faaa. 1:1; 2:1, 2)

Tala 50

Fafine Lototetele e To‘alua

1. O ai na avea ma faamasino, o ai igoa o nisi o i latou?

2. O le ā le faaeaga faapitoa na maua e Tepora, ma o le ā e aofia ai?

3. Ina ua faamataʻuina Isaraelu e le tupu o Iapino ma le taʻitaʻi o lana autau o Sesera, o le ā le feʻau a Ieova na taʻu atu e Tepora i le faamasino o Parako, ma o ai na taʻua e Tepora o le a mauaina le viiga mo le manumalo?

4. Na faapefea ona faaalia e Iaeli o ia o se fafine loto tele?

5. O le ā na tupu ina ua mavae le oti o le tupu o Iapino?

Fesili faaopoopo:

1. Faitau le Faamasino 2:14-22.

   Na faapefea ona faapogaia e tagata Isaraelu le toʻasā o Ieova i a i latou, ma o le ā le lesona tatou te aʻoaʻoina mai ai? (Faama. 2:20; Faata. 3:1, 2; Eseki. 18:21-23)

2. Faitau le Faamasino 4:1-24.

   O ā ni lesona o le faatuatua ma le loto tele e mafai ona aʻoaʻoina e fafine Kerisiano i aso nei mai faaaʻoaʻoga a Tepora ma Iaeli? (Faama. 4:4, 8, 9, 14, 21, 22; Faata. 31:30; 1 Kori. 16:13)

3. Faitau le Faamasino 5:1-31.

   E faapefea i le pese manumalo a Parako ma Tepora ona fai ma tatalo e faatatau i le taua o loo faaloloʻi mai o Amaketo? (Faama. 5:3, 31; 1 No. 16:8-10; Faaa. 7:9, 10; 16:16; 19:19-21)

Tala 51

Ruta ma Naomi

1. Aiseā na nofo ai Naomi i le nuu o Moapi?

2. O ai Ruta ma Orepa?

3. Na faapefea ona tali atu Ruta ma Orepa ina ua fai atu Naomi e toe foi i o la nuu?

4. O ai Poasa, ma na faapefea ona ia fesoasoani i a Ruta ma Naomi?

5. O ai le igoa o le tama a Ruta ma Poasa, ma aiseā e ao ai ona tatou manatuaina o ia?

Fesili faaopoopo:

1. Faitau le Ruta 1:1-17.

   1. (a) O ā faaupuga matagofie o le alofa faamaoni na taʻua e Ruta? (Ruta 1:16, 17)

   2. (e) E faapefea ona faaatagia lelei e manatu o Ruta ia manatu o “isi mamoe” agaʻi i le vaega faauuina i le lalolagi i aso nei? (Ioa. 10:16; Saka. 8:23)

2. Faitau le Ruta 2:1-23.

   Ua faapefea ona saunia e Ruta se faaaʻoaʻoga lelei mo fafine talavou i aso nei? (Ruta 2:17, 18; Faata. 23:22; 31:15)

3. Faitau le Ruta 3:5-13.

   1. (a) O le ā le manatu o Poasa i le lotomalie o Ruta e faaipoipo iā te ia na i lo se alii talavou?

   2. (e) O le ā ua tatou aʻoaʻoina mai uiga o Ruta e faatatau i le alofa faamaoni? (Ruta 3:10; 1 Kori. 13:4, 5)

4. Faitau le Ruta 4:7-17.

   E faapefea i tane Kerisiano i aso nei ona pei o Poasa? (Ruta 4:9, 10; 1 Timo. 3:1, 12, 13; 5:8)

Tala 52

Kitiona ma Ana Tamāloloa e 300

1. E faapefea ma aiseā ua tele ai faafitauli o tagata Isaraelu?

2. Aiseā ua fetalai atu ai Ieova i a Kitiona ua toatele tele lana vaega au?

3. E toafia tagata na totoe ina ua fai atu Kitiona i tagata uma lava na fefefe, e toe foi i o latou aiga?

4. Vaai i le ata, ia faamatala pe na faapefea ona faaitiitia e Ieova le numera o le au tau a Kitiona i fitafita e na o le 300.

5. Na faapefea ona vaevaeina e Kitiona ana tamaloloa e 300, ma na faapefea ona manumalo Isaraelu i le taua?

Fesili faaopoopo:

1. Faitau le Faamasino 6:36-40.

   1. (a) Na faapefea ona faamautinoa e Kitiona le finagalo o Ieova?

   2. (e) E faapefea ona tatou iloa i aso nei le finagalo o Ieova? (Faata. 2:3-6; Mata. 7:7-11; 2 Timo. 3:16, 17)

2. Faitau le Faamasino 7:1-25.

   1. (a) O le ā le lesona tatou te aʻoaʻoina mai tamaloloa e 300 o ē na faaauau ona mataalia, e tuufaafeagai i tamaloloa o ē na faatalale? (Faama. 7:3, 6; Roma 13:11, 12; Efe. 5:15-17)

   2. (e) E pei ona aʻoaʻoina e tamaloloa e 300 mea mai le vaavaai atu i a Kitiona, e faapefea ona tatou aʻoaʻoina mea mai le vaavaai atu i le Kitiona Sili, o Iesu Keriso? (Faama. 7:17; Mata. 11:29, 30; 28:19, 20; 1 Pete. 2:21)

   3. (i) E faapefea ona fesoasoani le Faamasino 7:21 ina ia tatou lotomalilie e auauna i so o se mea e tofia ai i tatou i le faalapotopotoga a Ieova? (1 Kori. 4:2; 12:14-18; Iako. 4:10)

3. Faitau le Faamasino 8:1-3.

   Pe a taulimaina ni feeseeseaʻiga ma se uso po o se tuafafine, o le ā tatou te aʻoaʻoina mai i le auala na foʻia ai e Kitiona le finauga a tagata Efaraima? (Faata. 15:1; Mata. 5:23, 24; Luka 9:48)

Tala 53

Tautoga a Iefata

1. O ai Iefata, ma o le ā le taimi na ola ai?

2. O le ā na tauto ai Iefata i a Ieova?

3. Aiseā na faanoanoa ai Iefata ina ua toe foi i lona fale ina ua manumalo i tagata Amoni?

4. O le ā le tala a le afafine o Iefata ina ua ia iloaina le tautoga a lona tamā?

5. Aiseā e alolofa ai tagata i le afafine o Iefata?

Fesili faaopoopo:

1. Faitau le Faamasino 10:6-18.

   O le ā le lapataiga e ao ona tatou utagiaina mai le talaaga o le lē faamaoni o Isaraelu i a Ieova? (Faama. 10:6, 15, 16; Roma 15:4; Faaa. 2:10)

2. Faitau le Faamasino 11:1-11, 29-40.

   1. (a) E faapefea ona tatou iloa o le ofoina atu e Iefata o lona afafine e fai ma “taulaga mu,” e lei uiga faapea na faaaogā moni lava lona afafine e fai ai le taulaga mu? (Faama. 11:31; Levi. 16:24; Teu. 18:10, 12)

   2. (e) O le ā le auala na ofo atu ai e Iefata lona afafine e fai ma taulaga?

   3. (i) O le ā tatou te aʻoaʻoina mai le manatu o Iefata e faatatau i lana tautoga i a Ieova? (Faama. 11:35, 39; Fai. 5:4, 5; Mata. 16:24)

   4. (o) E faapefea ona avea le afafine o Iefata o se faaaʻoaʻoga lelei mo Kerisiano talavou i le auai i le auaunaga faataimi atoa? (Faama. 11:36; Mata. 6:33; Fili. 3:8)

Tala 54

O le Tamāloa e Sili Ona Malosi

1. O ai le igoa o le tagata na sili atu lona malosi, ma o ai na avatua le malosi iā te ia?

2. O le ā na faia e Samasoni i se leona tagi tele i se tasi aso, e pei ona e vaaia i le ata?

3. O le ā le tala o loo taʻu atu e Samasoni i a Talila e pei ona e vaaia i le ata, ma na faapefea ona iʻu ina pueina ai o ia e tagata Filisitia?

4. Na faapefea ona faapogaia e Samasoni le oti o tagata Filisitia e toʻa 3,000 o ē na fai ma fili, i le aso na oti ai o ia?

Fesili faaopoopo:

1. Faitau le Faamasino 13:1-14.

   E faapefea ona saunia e Manoa ma lana avā se faaaʻoaʻoga lelei mo mātua i le tausia aʻe o fanau? (Faama. 13:8; Sala. 127:3; Efe. 6:4)

2. Faitau le Faamasino 14:5-9 ma le 15:9-16.

   1. (a) O le ā ua faailoa mai e faatatau i gaoioiga o le agaga paia o Ieova mai le tala i a Samasoni i lona fasiina o le leona, motusia ni maea fou na saisaitia ai o ia, faaaoga le ivi auvae o se asini e fasioti ai tagata e toʻa 1,000?

   2. (e) E faapefea ona fesoasoani le agaga paia i a i tatou i aso nei? (Faama. 14:6; 15:14; Saka. 4:6; Galu. 4:31)

3. Faitau le Faamasino 16:18-31.

   Na faapefea ona aafia Samasoni i aumea leaga, ma o le ā tatou te aʻoaʻoina mai lenei mea? (Faama. 16:18, 19; 1 Kori. 15:33)

Tala 55

O se Tamaitiiti na Auauna i le Atua

1. O ai le igoa o le tama itiiti o loo i le ata, ma o ai isi tagata?

2. O le ā le tatalo a Hana i le isi aso a o asiasi atu i le fale fetafai o Ieova, ma o le ā le auala na tali atu ai Ieova iā te ia?

3. E fia tausaga o Samuelu ina ua ave o ia i le fale fetafai e auauna ai i a Ieova, ma o le ā e faia e lona tinā mo ia i tausaga taitasi uma lava?

4. O ai igoa o atalii o Eli, ma na faapeʻī le la amio?

5. Na faapefea ona valaau atu Ieova i a Samuelu, ma o le ā le feʻau na ia avatu i a Samuelu?

6. Ina ua matua Samuelu na avea o ia ma ā, ma o le ā na tupu ina ua toeaina o ia?

Fesili faaopoopo:

1. Faitau le 1 Samuelu 1:1-28.

   1. (a) O le ā le faaaʻoaʻoga lelei ua faia e Elekana mo ulu o aiga i le taulamua i le tapuaiga moni? (1 Samu. 1:3, 21; Mata. 6:33; Fili. 1:10)

   2. (e) O le ā se lesona tatou te aʻoaʻoina mai le faaaʻoaʻoga a Hana i le auala e feagai ai ma se faafitauli tugā? (1 Samu. 1:10, 11; Sala. 55:22; Roma 12:12)

2. Faitau le 1 Samuelu 2:11-36.

   Na faapefea ona faatāua e Eli ona atalii e sili atu na i lo Ieova, ma e faapefea ona avea lena mea ma lapataiga mo i tatou? (1 Samu. 2:22-24, 27, 29; Teu. 21:18-21; Mata. 10:36, 37)

3. Faitau le 1 Samuelu 4:16-18.

   O ā ni tala leaga e fa na maua mai i le taua, ma o le ā lona aafiaga i a Eli?

4. Faitau le 1 Samuelu 8:4-9.

   Na faapefea ona matuā faatigā e Isaraelu ia Ieova, ma e faapefea ona tatou lagolagoina faamaoni Lona Malo i aso nei? (1 Samu. 8:5, 7; Ioa. 17:16; Iako. 4:4)

Tala 56

Saulo—Tupu Muamua o Isaraelu

1. O le ā o loo faia e Samuelu e pei ona vaaia i le ata, ma aiseā?

2. Aiseā e fiafia ai Ieova i a Saulo, ma o le ā le ituaiga o tagata na iai o ia?

3. O ai le igoa o le atalii o Saulo, ma o le ā na faia e lona atalii?

4. Aiseā ua fai ai e Saulo le taulaga na i lo le faatali i a Samuelu?

5. O le ā le lesona tatou te aʻoaʻoina mai le tala i a Saulo?

Fesili faaopoopo:

1. Faitau le 1 Samuelu 9:15-21 ma le 10:17-27.

   E faapefea i le agamalu o Saulo ona fesoasoani iā te ia e ʻalofia ai le faia o se gaoioiga sesē ina ua faia e ni tamaloloa ni upu lē faaaloalo e uiga iā te ia? (1 Samu. 9:21; 10:21, 22, 27; Faata. 17:27)

2. Faitau le 1 Samuelu 13:5-14.

   O le ā le agasala na faia e Saulo i Kilikala? (1 Samu. 10:8; 13:8, 9, 13)

3. Faitau le 1 Samuelu 15:1-35.

   1. (a) O le ā le agasala matuiā na faia e Saulo e fesootaʻi atu i a Akako le tupu o Amaleka? (1 Samu. 15:2, 3, 8, 9, 22)

   2. (e) O le ā le faamolemolega na faia e Saulo e faatatau i lana gaoioiga ma na faapefea ona ia tuuaʻia isi tagata? (1 Samu. 15:24)

   3. (i) O le ā le lapataiga e ao ona tatou utagiaina i aso nei pe a aʻoaʻia i tatou? (1 Samu. 15:19-21; Sala. 141:5; Faata. 9:8, 9; 11:2)

Tala 57

Filifilia Tavita e le Atua

1. O ai le igoa o le tama o loo i le ata, ma e faapefea ona tatou iloa o ia o se tama toa?

2. O fea e nofo ai Tavita, ma o ai igoa o lona tamā ma le tamā o lona tamā?

3. Aiseā ua tulei atu ai Ieova i a Samuelu e alu i le fale o Iese i Peteleema?

4. O le ā na tupu ina ua aumaia e Iese ona atalii e toafitu i a Samuelu?

5. Ina ua aumaia Tavita, o le ā na fetalai atu i ai Ieova i a Samuelu?

Fesili faaopoopo:

1. Faitau le 1 Samuelu 17:34, 35.

   E faapefea ona faamatilatila e nei mea na tutupu le loto tele ma le faalagolago o Tavita i a Ieova? (1 Samu. 17:37)

2. Faitau le 1 Samuelu 16:1-14.

   1. (a) E faapefea i fetalaiga a Ieova i le 1 Samuelu 16:7 ona fesoasoani i a i tatou ina ia lē faaituʻau ai ma ʻalofia le faailoga tagata ona o foliga vaaia? (Galu. 10:34, 35; 1 Timo. 2:4)

   2. (e) E faapefea ona faaalia e le faaaʻoaʻoga a Saulo, afai e aveesea e Ieova lona agaga paia mai se tagata, e mafai ona maua e lena tagata se agaga leaga po o se tuʻinanauga e faia le mea leaga? (1 Samu. 16:14; Mata. 12:43-45; Kala. 5:16)

Tala 58

Tavita ma Koliata

1. O le ā le luʻi na fai atu ai Koliata i au tau a Isaraelu?

2. O le ā le maualuga o Koliata, ma o le ā na folafola atu e le tupu o Saulo mo le tagata e fasiotia Koliata?

3. O le ā le tala a Tavita ina ua fai atu i ai Saulo e le mafai ona ia tau ma Koliata ona o ia o se tama itiiti?

4. I lana tali atu i a Koliata, na faapefea ona faaalia e Tavita lona faatuatua i a Ieova?

5. E pei ona e vaai i le ata, o le ā na faaaoga e Tavita e fasioti ai Koliata, ma o le ā na tupu i tagata Filisitia mulimuli ane ai?

Fesili faaopoopo:

1. Faitau le 1 Samuelu 17:1-54.

   1. (a) O le ā le māfuaaga na lē fefe ai Tavita, ma e faapefea ona tatou faaaʻoaʻo i lona loto tele? (1 Samu. 17:37, 45; Efe. 6:10, 11)

   2. (e) Aiseā e ao ai i Kerisiano ona ʻalofia le agaga fia tauvā e pei o Koliata pe a auai i taaloga po o faafiafiaga? (1 Samu. 17:8; Kala. 5:26; 1 Timo. 4:8)

   3. (i) E faapefea ona faaalia i upu a Tavita lona faatuatuaina o le lagolagosua a le Atua? (1 Samu. 17:45-47; 2 No. 20:15)

   4. (o) Na i lo le tau lava ina faamatala o se taua i le va o ni ʻautau se lua, e faapefea ona faaalia e lenei tala o le taua na fai, na faia i le va o atua sese ma le Atua moni, o Ieova? (1 Samu. 17:43, 46, 47)

   5. (u) E faapefea ona faaaʻoaʻo le vaega totoe faauuina i le faataʻitaʻiga a Tavita i lona faatuatuaina o Ieova? (1 Samu. 17:37; Iere. 1:17-19; Faaa. 12:17)

Tala 59

Aiseā e Tatau Ona Sola Tavita

1. Aiseā e loto leaga ai Saulo i a Tavita, ae e faapefea ona ese le atalii o Saulo o Ionatana?

2. O le ā na tupu i se tasi aso a o taina e Tavita le kitara mo Saulo?

3. O le ā na fai atu ai Saulo e tatau ona faia e Tavita a o leʻi fai Mekala le afafine o Saulo ma ana avā, ma aiseā na fai atu ai Saulo faapena?

4. A o taina e Tavita le kitara mo Saulo, o le ā na tupu i le taimi lona tolu e pei ona faaalia i le ata?

5. E faapefea ona fesoasoani Mekala ina ia faasaoina Tavita, ma o le ā na faia e Tavita mo tausaga e fitu?

Fesili faaopoopo:

1. Faitau le 1 Samuelu 18:1-30.

   1. (a) E faapefea ona faaatagia e le alofa lē mavae o Ionatana mo Tavita, le alofa faamaoni i le va o “isi mamoe” ma le “lafu mamoe itiiti”? (1 Samu. 18:1; Ioa. 10:16; Luka 12:32; Saka. 8:23)

   2. (e) Pe a fua i le tulaga masani o mea, sa tatau ona avea Ionatana ma suli o Saulo, ae na faapefea ona faaalia e le 1 Samuelu 18:4 uiga mataʻina o Ionatana i le gauaʻi atu i lē na filifilia e fai ma tupu?

   3. (i) E faapefea ona faaalia e le faaaʻoaʻoga a Saulo o le loto leaga e mafai ona iʻu ai i le faia o se agasala matuiā, ma o le ā le lapataiga mo i tatou? (1 Samu. 18:7-9, 25; Iako. 3:14-16)

2. Faitau le 1 Samuelu 19:1-17.

   Na faapefea ona tuu e Ionatana lona lava ola i se tulaga lamatia, ina ua talanoa atu iā Saulo? (1 Samu. 19:1, 4-6; Faata. 16:14)

Tala 60

Apikaila ma Tavita

1. O ai le igoa o le fafine o loo sau e faafeiloai Tavita i le ata, ma e faapeʻī ona uiga?

2. O ai Napalu?

3. Aiseā na aauina atu ai e Tavita ona tagata e fai i a Napalu na te faia se mea lelei mo i latou?

4. O le ā na fai atu ai Napalu i tagata a Tavita, ma o le ā le mea na faia loa e Tavita?

5. E faapefea ona faaalia e Apikaila o ia o se fafine poto?

Fesili faaopoopo:

1. Faitau le 1 Samuelu 22:1-4.

   E faapefea ona saunia e le aiga o Tavita se faaaʻoaʻoga lelei i le auala e ao ona felagolagomaʻi ai le ʻauuso Kerisiano? (Faata. 17:17; 1 Tesa. 5:14)

2. Faitau le 1 Samuelu 25:1-43.

   1. (a) Aiseā ua faamatalaina ai Napalu o se tagata matuā lē migao? (1 Samu. 25:2-5, 10, 14, 21, 25)

   2. (e) O le ā e mafai ona aʻoaʻoina e avā Kerisiano i aso nei mai le faaaʻoaʻoga a Apikaila? (1 Samu. 25:32, 33; Faata. 31:26; Efe. 5:24)

   3. (i) Na taofia e Apikaila Tavita i le faia o ā mea leaga e lua? (1 Samu. 25:31, 33; Roma 12:19; Efe. 4:26)

   4. (o) E faapefea i le tali atu a Tavita i upu a Apikaila ona fesoasoani i tane i aso nei, ina ia latou maua le silafaga a Ieova e faatatau i fafine? (Galu. 21:8, 9; Roma 2:11; 1 Pete. 3:7)

Tala 61

Fai Tavita ma Tupu

1. O le ā na faia e Tavita ma Apisai a o moe Saulo?

2. O ā fesili na fai atu ai Tavita i a Saulo?

3. Ina ua tuua Saulo, o fea na alu i ai Tavita?

4. Aiseā na faanoanoa tele ai Tavita lea na ala ai ona ia tusia se pese matagofie?

5. E fia tausaga o Tavita ina ua fai o ia ma tupu i Heperona, ma o ai igoa o nisi o ona atalii?

6. O fea le aai na pule ai Tavita mulimuli ane?

Fesili faaopoopo:

1. Faitau le 1 Samuelu 26:1-25.

   1. (a) E pei ona faaalia i upu a Tavita i le 1 Samuelu 26:11, na faapeʻī lona manatu i le faatulagaga a le Atua? (Sala. 37:7; Roma 13:2)

   2. (e) Pe a tatou sogasogā e faaalia le alofa ae e lē talisapaia e tagata a tatou gaoioiga, e faapefea i upu a Tavita i le 1 Samuelu 26:23 ona fesoasoani i a i tatou ia saʻo pea la tatou vaai? (1 Tu. 8:32; Sala. 18:20)

2. Faitau le 2 Samuelu 1:26.

   E faapefea i Kerisiano i aso nei ona atiina aʻe lea lava “alofa naunau o le tasi i le tasi” e pei ona faaalia e Tavita ma Ionatana? (1 Pete. 4:8; Kolo. 3:14; 1 Ioa. 4:12)

3. Faitau le 2 Samuelu 5:1-10.

   1. (a) E fia tausaga na nofotupu ai Tavita, ma e faapefea ona vaevaeina na tausaga? (2 Samu. 5:4, 5)

   2. (e) O le ā le māfuaaga na ala ai ona mamalu Tavita, ma e faapefea ona fai lena mea ma faamanatuga mo i tatou i aso nei? (2 Samu. 5:10; 1 Samu. 16:13; 1 Kori. 1:31; Fili. 4:13)

Tala 62

Faalavelave i le Aiga o Tavita

1. O le ā na tupu i le nuu o Kanana ona o le fesoasoani a Ieova?

2. O le ā na tupu i se isi afiafi po a o i ai Tavita i le pito i luga o lona maota?

3. Aiseā na toasa lava Ieova i a Tavita?

4. I le ata, o ai na auina atu e Ieova e taʻu i a Tavita lana agasala, ma o le ā le tala a le tamaloa e faatatau i le mea o le a tupu i a Tavita?

5. O ā faalavelave na oo i a Tavita?

6. Ina ua maliu Tavita, o ai na fai ma tupu o Isaraelu?

Fesili faaopoopo:

1. Faitau le 2 Samuelu 11:1-27.

   1. (a) E faapefea i le pisi i le auaunaga a Ieova ona fai ma puipuiga mo i tatou?

   2. (e) Na faapefea ona tosina atu Tavita e faia le agasala, ma o le ā le lapataiga mo auauna a Ieova i aso nei? (2 Samu. 11:2; Mata. 5:27-29; 1 Kori. 10:12; Iako. 1:14, 15)

2. Faitau le 2 Samuelu 12:1-18.

   1. (a) O le ā le lesona e aʻoaʻoina e mātua ma toeaina i le auala na avatu ai e Natano le aʻoaʻiga i a Tavita? (2 Samu. 12:1-4; Faata. 12:18; Mata. 13:34)

   2. (e) Aiseā na alofa mutimutivale ai Ieova i a Tavita? (2 Samu. 12:13; Sala. 32:5; 2 Kori. 7:9, 10)

Tala 63

Tupu Poto o Solomona

1. O le ā na fai atu ai Ieova i a Solomona, ma o le ā le tali a Solomona?

2. Ona na fiafia Ieova i le mea na fai atu ai Solomona, o le ā na folafola e Ieova e avatu iā te ia?

3. O le ā le faalavelave faigata na faamatala atu e ni fafine se toalua i a Solomona?

4. E pei ona e vaaia i le ata, na faapefea ona foʻia e Solomona le faalavelave?

5. Na faapeʻī le pulega a Solomona, ma aiseā?

Fesili faaopoopo:

1. Faitau le 1 Tupu 3:3-28.

   1. (a) O le ā e mafai ona aʻoaʻoina e tane o loo gafa ma tiute tauave i le faalapotopotoga a Ieova i aso nei, mai upu a Solomona i le 1 Tupu 3:7? (Sala. 119:105; Faata. 3:5, 6)

   2. (e) E faapefea ona avea le talosaga a Solomona ma faaaʻoaʻoga lelei mo mea talafeagai e ao ona tatalo i ai? (1 Tu. 3:9, 11; Faata. 30:8, 9; 1 Ioa. 5:14)

   3. (i) E faapefea ona tatou faatuatuaina le pulega a le Solomona Sili o Iesu Keriso i le lumanaʻi, ona o le auala na tauaao ai e Solomona le finauga i le va o fafine e toalua? (1 Tu. 3:28; Isa. 9:6, 7; 11:2-4)

2. Faitau le 1 Tupu 4:29-34.

   1. (a) Na faapefea ona taliina e Ieova le talosaga a Solomona mo le loto matala? (1 Tu. 4:29)

   2. (e) Pe a fua i taumafaiga a tagata e ō atu e faalogologo i le poto o Solomona, o le ā so tatou manatu e ao ona iai e faatatau i le suʻesuʻeina o le Afioga a le Atua? (1 Tu. 4:29, 34; Ioa. 17:3; 2 Timo. 3:16)

Tala 64

Fausia e Solomona le Malumalu

1. O le ā le umi na fausia ai e Solomona le malumalu o Ieova, ma aiseā na tele ai tupe na faaaluina?

2. E fia potu faapitoa o le malumalu, ma o le ā na tuuina i le potu pito i totonu?

3. O ā upu na faia e Solomona i lana tatalo ina ua māeʻa le malumalu?

4. Na faapefea ona faaalia e Ieova lona fiafia i le tatalo a Solomona?

5. O le ā na faaoso e avā a Solomona o ia e faia, ma na faapefea ona suia uiga o Solomona?

6. Aiseā sa le fiafia ai Ieova i a Solomona, ma o le ā na tulei atu ai Ieova iā te ia?

Fesili faaopoopo:

1. Faitau le 1 Nofoaiga a Tupu 28:9, 10.

   Pe a fua i upu a Tavita i le 1 Nofoaiga a Tupu 28:9, 10, o le ā e ao ona tatou tinoū e fai i aso taʻitasi? (Sala. 19:14; Fili. 4:8, 9)

2. Faitau le 2 Nofoaiga a Tupu 6:12-21, 32-42.

   1. (a) E faapefea ona faaalia e Solomona e leai se fale e faia e tagata e mafai ona ofi ai le Atua Silisili Ese? (2 No. 6:18; Galu. 17:24, 25)

   2. (e) O le ā ua faaalia e upu a Solomona i le 2 Nofoaiga a Tupu 6:32, 33 e faatatau i a Ieova? (Galu. 10:34, 35; Kala. 2:6)

3. Faitau le 2 Nofoaiga a Tupu 7:1-5.

   E pei ona faagaeetia le fanauga a Isaraelu ia avatu le faaneetaga i a Ieova ina ua latou vaai i lona mamalu, e faapefea ona aafia i tatou i aso nei pe a manatunatu i faamanuiaga a Ieova i ona tagata? (2 No. 7:3; Sala. 22:22; 34:1; 96:2)

4. Faitau le 1 Tupu 11:9-13.

   E faapefea i le olaga o Solomona ona faaalia le tāua o le tumau faamaoni seʻia oo i le iʻuga? (1 Tu. 11:4, 9; Mata. 10:22; Faaa. 2:10)

Tala 65

Vaeluaina le Malo

1. O ai igoa o tamaloloa e toalua o i le ata, ma o ai i laua?

2. O le ā na faia e Akia i lona ofu, ma o le ā le uiga o lena gaoioiga?

3. O le ā na taumafai Solomona e fai i a Ierepoamo?

4. Aiseā na tofia ai e tagata Ierepoamo e fai ma tupu i ituaiga e sefulu?

5. Aiseā na fausia ai e Ierepoamo ni tamai povi auro e lua, ma o le ā e lei umi ae tupu loa i le nuu ma le laueleele?

6. O le ā na tupu i le malo o ituaiga e lua ma le malumalu o Ieova i Ierusalema?

Fesili faaopoopo:

1. Faitau le 1 Tupu 11:26-43.

   O le ā le ituaiga o tagata na iai Ierepoamo, ma o le ā na folafola i ai e Ieova pe afai e tausisi i tulafono a le Atua? (1 Tu. 11:28, 38)

2. Faitau le 1 Tupu 12:1-33.

   1. (a) O le ā e mafai ona aʻoaʻoina e mātua ma toeaina mai le faaaʻoaʻoga leaga a Reopoamo e uiga i le faaaoga sese o le pule? (1 Tu. 12:13; Fai. 7:7; 1 Pete. 5:2, 3)

   2. (e) O ai e ao ona saʻili i ai talavou i aso nei mo ni taʻiala maufaatuatuaina pe a faia ni a latou faaiʻuga tāua i le olaga? (1 Tu. 12:6, 7; Faata. 1:8, 9; 2 Timo. 3:16, 17; Epe. 13:7)

   3. (i) O le ā na faapogaia Ierepoamo ina ia faatūina ni nofoaga e lua mo le tapuaiga i tamai povi auro, ma na faapefea ona faaalia ai le leai o se faatuatua i a Ieova? (1 Tu. 11:37; 12:26-28)

   4. (o) O ai na taʻitaʻia tagata o le malo o ituaiga e sefulu i lea fouvalega faasaga i le tapuaiga moni? (1 Tu. 12:32, 33)

Tala 66

Iesepela—O se Masiofo Leaga

1. O ai Iesepela?

2. Aiseā na faanoanoa ai le tupu o Aapo?

3. O le ā na faia e Iesepela ina ia maua ai e lona toalua o Aapo le tovine a Napota?

4. O ai na auina atu e Ieova e faasala i a Iesepela?

5. E pei ona e vaaia i le ata, o le ā na tupu ina ua taunuu Ieu i le fale o Iesepela?

Fesili faaopoopo:

1. Faitau le 1 Tupu 16:29-33 ma le 18:3, 4.

   Na faapeʻī le tulaga leaga i Isaraelu i le taimi na nofotupu ai Aapo? (1 Tu. 14:9)

2. Faitau le 1 Tupu 21:1-16.

   1. (a) Na faapefea ona faaalia e Napota lona loto tele ma le faamaoni i a Ieova? (1 Tu. 21:1-3; Levi. 25:23-28)

   2. (e) O le ā ua tatou aʻoaʻoina mai le faaaʻoaʻoga a Aapo e faatatau i le feagai ai ma faalogona o le lē taulau o se fuafuaga? (1 Tu. 21:4; Roma 5:3-5)

3. Faitau le 2 Tupu 9:30-37.

   O le ā ua tatou aʻoaʻoina mai le maelega o Ieu i le faia o le finagalo o Ieova? (2 Tu. 9:4-10; 2 Kori. 9:1, 2; 2 Timo. 4:2)

Tala 67

Faalagolago Iosefatu iā Ieova

1. O ai Iosefatu, ma o le ā le vaitaimi na ola ai o ia?

2. Aiseā na fefefe ai tagata Isaraelu, ma o le ā na faia e le toatele o i latou?

3. O le ā le tali a Ieova i le tatalo a Iosefatu?

4. O le ā na faatupuina e Ieova a o lei faia le taua?

5. O le ā le lesona ua tatou aʻoaʻoina mai i a Iosefatu?

Fesili faaopoopo:

1. Faitau le 2 Nofoaiga a Tupu 20:1-30.

   1. (a) Na faapefea ona faaalia e Iosefatu le mea e tatau ona faia e auauna faamaoni a Ieova pe a latou feagai ma ni tulaga taufaamataʻu? (2 No. 20:12; Sala. 25:15; 62:1)

   2. (e) Talu ai e iai le auala e faaaoga e Ieova e fesootaʻi mai ai i ona tagata i taimi uma lava, o le ā le auala ua ia faaaogaina i aso nei? (2 No. 20:14, 15; Mata. 24:45-47; Ioa. 15:15)

   3. (i) Pe a faaoo mai e le Atua “le taua i le aso tele o le Atua e ona le malosi uma lava,” e faapefea ona tutusa o tatou tulaga ma Iosefatu? (2 No. 20:15, 17; 32:8; Faaa. 16:14, 16)

   4. (o) I le faaaʻoaʻo atu i le ʻau sa Levī, o le ā le sao ua faia e paeonia ma misionare i aso nei i le galuega talaʻi i le lalolagi aoao? (2 No. 20:19, 21; Roma 10:13-15; 2 Timo. 4:2)

Tala 68

Tama e To‘alua na Toe Feola

1. O ai tagata e toatolu o loo i le ata, ma o le ā sa tupu i le tama itiiti?

2. O le ā le tatalo a Elia e faatatau i le tama itiiti, ma o le ā na tupu mulimuli ane ai?

3. O ai le igoa o lē na fesoasoani i a Elia?

4. Aiseā na amia ai Elisaia i le fale o le fafine i Sunema?

5. O le ā na faia e Elisaia, ma o le ā na tupu i le tama itiiti ua oti?

6. O le ā le mana ua i a Ieova e pei ona faaalia e ala i a Elia ma Elisaia?

Fesili faaopoopo:

1. Faitau le 1 Tupu 17:8-24.

   1. (a) Na faapefea ona tofotofoina le usitai ma le faatuatua o Elia? (1 Tu. 17:9; 19:1-4, 10)

   2. (e) Aiseā e mataʻina ai le faatuatua o le fafine ua oti lana tane i Sarefata? (1 Tu. 17:12-16; Luka 4:25, 26)

   3. (i) E faapefea i le mea na tupu i le fafine ua oti lana tane i Sarefata ona faamaonia le moni o upu a Iesu i le Mataio 10:41, 42? (1 Tu. 17:10-12, 17, 23, 24)

2. Faitau le 2 Tupu 4:8-37.

   1. (a) O le ā ua tatou aʻoaʻoina mai i le fafine Sunema e faatatau i le talimālō? (2 Tu. 4:8; Luka 6:38; Roma 12:13; 1 Ioa. 3:17)

   2. (e) O ā auala e mafai ona tatou faaalia ai le agalelei i auauna a Ieova i aso nei? (Galu. 20:35; 28:1, 2; Kala. 6:9, 10; Epe. 6:10)

Tala 69

Ua Fesoasoani se Teine i se Tamāloa Malosi

1. Ia vaai i le ata, o le ā le tala a le teine itiiti o loo fai atu i le tamaitai?

2. O ai le tamaitai o i le ata, ma aiseā ua i ai lenei teine itiiti i le fale o le tamaitai?

3. O le ā na fai atu ai Elisaia i lana auauna e alu e fai i a Naamanu, ma aiseā na ita tele ai Naamanu?

4. O le ā na tupu ina ua faalogo Naamanu i ana auauna?

5. Aiseā na le talia ai e Elisaia le mea alofa a Naamanu, ae o le ā na faia e Kiasi?

6. O le ā na tupu i a Kiasi, ma o le ā ua tatou aʻoaʻoina mai lenei mea?

Fesili faaopoopo:

1. Faitau le 2 Tupu 5:1-27.

   1. (a) E faapefea ona faalaeiauina le fanau iti i aso nei i le faaaʻoaʻoga a le teine itiiti Isaraelu? (2 Tu. 5:3; Sala. 8:2; 148:12, 13)

   2. (e) Aiseā e lelei ai le manatuaina o le faaaʻoaʻoga a Naamanu pe a tatou mauaina ni fautuaga faale-Tusi Paia? (2 Tu. 5:15; Epe. 12:5, 6; Iako. 4:6)

   3. (i) O ā ni lesona ua tatou aʻoaʻoina mai i faaaʻoaʻoga eseese a Elisaia ma Kiasi? (2 Tu. 5:9, 10, 14-16, 20; Mata. 10:8; Galu. 5:1-5; 2 Kori. 2:17)

Tala 70

Iona ma le Iʻa Lapo‘a

1. O ai Iona, ma o le ā na fetalai atu ai Ieova iā te ia e fai?

2. Talu ai na le manao e alu i le mea na fetalai i ai Ieova, o le ā na faia e Iona?

3. O le ā na fai atu ai Iona i le auvaa e fai ina ia taofia ai le matagi?

4. E pei ona vaaia i le ata, o le ā na tupu ina ua magoto ifo Iona i le vai?

5. O le ā le umi na iai Iona i totonu o le iʻa lapoa, ma o le ā na ia faia i ina?

6. O fea na alu i ai Iona ina ua luai e le iʻa lapoa, ma o le ā ua tatou aʻoaʻoina mai lenei mea?

Fesili faaopoopo:

1. Faitau le Iona 1:1-17.

   E aliali mai o ā ni faalogona sa i a Iona i lona tofiga e talaʻi i tagata Nineva? (Iona 1:2, 3; Faata. 3:7; Fai. 8:12)

2. Faitau le Iona 2:1, 2, 10.

   E faapefea i le mea na tupu i a Iona ona tatou mautinoa ai e talia e Ieova a tatou tatalo? (Sala. 22:24; 34:6; 1 Ioa. 5:14)

3. Faitau le Iona 3:1-10.

   1. (a) O le ā le faalaeiauga ua tatou maua mai i le mea moni e faapea na faaauau ona faaaoga e Ieova ia Iona e ui i lona musuā muamua e faataunuu lona tofiga? (Sala. 103:14; 1 Pete. 5:10)

   2. (e) O le ā ua tatou aʻoaʻoina mai le mea na tupu i a Iona ma tagata Nineva e faatatau i le muaʻi faia o faaiʻuga o tagata i la tatou oganuu? (Iona 3:6-9; Fai. 11:6; Galu. 13:48)

Tala 71

Folafola e le Atua se Parataiso

1. O ai Isaia, o anafea na ola ai, ma o le ā na faaalia e Ieova iā te ia?

2. O le ā le uiga o le upu “parataiso,” ma o le ā le mea e faamanatu mai ai iā te oe?

3. O le ā na taʻuina atu e Ieova i a Isaia e tusi e uiga i le Parataiso fou?

4. Aiseā na le iloa ai le aiga manaia o Atamu ma Eva?

5. O le ā ua folafola mai e Ieova i ē alolofa iā te ia?

Fesili faaopoopo:

1. Faitau le Isaia 11:6-9.

   1. (a) E faapefea ona faaata mai e le Afioga a le Atua le filemu i le va o manu ma tagata i le lalolagi fou? (Sala. 148:10, 13; Isa. 65:25; Eseki. 34:25)

   2. (e) O le ā le faataunuuga faaleagaga o upu a Isaia ua faataunuuina i tagata o Ieova i aso nei? (Roma 12:2; Efe. 4:23, 24)

   3. (i) O ai ua māfua ai ona suia uiga o tagata i le taimi nei ma i le lalolagi fou? (Isa. 48:17, 18; Kala. 5:22, 23; Fili. 4:7)

2. Faitau le Faaaliga 21:3, 4.

   1. (a) E faapefea ona faaalia e le Tusi Paia o le faatasi o le Atua i tagata o loo faauiga atu i se tulaga faafaatusa ae e lē faapea e afio moni o ia i le lalolagi? (Levi. 26:11, 12; 2 No. 6:18; Isa. 66:1; Faaa. 21:2, 3, 22-24)

   2. (e) O ā ituaiga o loimata ma tigā o le a soloiesea? (Luka 8:49-52; Roma 8:21, 22; Faaa. 21:4)

Tala 72

Fesoasoani le Atua i le Tupu o Esekia

1. O ai le tamaloa o loo i le ata, ma aiseā ua tele ai ona faalavelave?

2. O ā tusi o loo tuuina e Esekia i luma o le Atua, ma o le ā le tatalo a Esekia?

3. O le ā le ituaiga o tupu na iai Esekia, ma o le ā le feau na auina atu e Ieova iā te ia e ala i le perofeta o Isaia?

4. O le ā na faia e le agelu a Ieova i fitafita Asuria, e pei ona vaaia i le ata?

5. E ui ina filemu mo sina vaitaimi le malo o ituaiga e lua, ae o le ā na tupu ina ua mavae le oti o Esekia?

Fesili faaopoopo:

1. Faitau le 2 Tupu 18:1-36.

   1. (a) Na faapefea ona taumafai Ravesaki le ave feau a Asuria e faavaivaia le faatuatua o tagata Isaraelu? (2 Tu. 18:19, 21; Eso. 5:2; Sala. 64:3)

   2. (e) Pe a fetaiaʻi ma tagata tetee, e faapefea ona mulimuli Molimau a Ieova i le faaaʻoaʻoga a Esekia? (2 Tu. 18:36; Sala. 39:1; Faata. 26:4; 2 Timo. 2:24)

2. Faitau le 2 Tupu 19:1-37.

   1. (a) E faapefea ona faaaʻoaʻo tagata o Ieova i aso nei i a Esekia i taimi o puapuaga? (2 Tu. 19:1, 2; Faata. 3:5, 6; Epe. 10:24, 25; Iako. 5:14, 15)

   2. (e) Na faapefea ona toʻilalo faatolu le tupu o Sanerivi, ma o ai o loo ia faaataina faavaloaga? (2 Tu. 19:32, 35, 37; Faaa. 20:2, 3)

3. Faitau le 2 Tupu 21:1-6, 16.

   Aiseā e mafai ai ona faapea atu o Manase o se tasi o tupu aupito i leaga na puleaina Ierusalema? (2 No. 33:4-6, 9)

Tala 73

Le Tupu Lelei Mulimuli o Isaraelu

1. E fia tausaga o Iosia ae fai o ia ma tupu, ma o le ā na amata ona ia faia ina ua fitu tausaga talu ona avea o ia ma tupu?

2. O le ā ua faia e Iosia e pei ona e vaaia i le ata muamua?

3. O le ā na maua e le faitaulaga sili a o toe faafouina e tagata le malumalu?

4. Aiseā ua saeia ai e Iosia ona ofu?

5. O le ā le feau mai i a Ieova na tuu atu e le perofeta fafine o Ulata i a Iosia?

Fesili faaopoopo:

1. Faitau le 2 Nofoaiga a Tupu 34:1-28.

   1. (a) O le ā se lesona ua saunia e Iosia mo ē atonu na soifua aʻe a o laiti i ni tulaga faigatā? (2 No. 33:21-25; 34:1, 2; Sala. 27:10)

   2. (e) O ā laasaga tāua na faia e Iosia e faaauiluma ai le tapuaiga moni i le tausaga lona 8, 12 ma le 18 o lana nofoaiga? (2 No. 34:3, 8)

   3. (i) O ā ni lesona tatou te aʻoaʻoina mai le tupu o Iosia ma le faitaulaga sili o Hilikia e faatatau i le tausisia o o tatou maota mo le tapuaiga? (2 No. 34:9-13; Faata. 11:14; 1 Kori. 10:31)

Tala 74

O se Tagata e Le‘i Fefe

1. O ai le tamaloa lena o loo i le ata?

2. O le ā le manatu o Ieremia i le fai o ia ma perofeta, ae o le ā na tulei ai Ieova iā te ia?

3. O le ā na faaauau ona taʻuina atu e Ieremia i tagata?

4. Ua faapefea ona taumafai faitaulaga e taofia Ieremia, ae faapefea ona ia faaalia e le fefe o ia?

5. O le ā ua tupu ina ua le suia e tagata Isaraelu o latou ala leaga?

Fesili faaopoopo:

1. Faitau le Ieremia 1:1-8.

   1. (a) E pei ona faaalia i le faaaʻoaʻoga a Ieremia, o le ā e mafai ai e se tagata ona agavaa mo le auaunaga a le Atua? (2 Kori. 3:5, 6)

   2. (e) O le ā le faalaeiauga ua saunia e le faaaʻoaʻoga a Ieremia mo talavou Kerisiano i aso nei? (Fai. 12:1; 1 Timo. 4:12)

2. Faitau le Ieremia 10:1-5.

   O le ā le faataʻitaʻiga malosi na faaaoga e Ieremia e faaalia ai le faatauvaa o le faatuatua i tupua? (Iere. 10:5; Isa. 46:7; Sapa. 2:19)

3. Faitau le Ieremia 26:1-16.

   1. (a) A o faalauiloa atu le lapataiga i aso nei, e faapefea ona utagia e le vaega totoe le poloaiga a Ieova i a Ieremia e “aua lava le tuua se upu”? (Iere. 26:2; Teu. 4:2; Galu. 20:27)

   2. (e) O le ā le faaaʻoaʻoga lelei na faia e Ieremia mo Molimau a Ieova i aso nei, i le faalauiloaina atu o lapataiga a Ieova i tagata? (Iere. 26:8, 12, 14, 15; 2 Timo. 4:1-5)

4. Faitau le 2 Tupu 24:1-17.

   O ā āuga faanoanoa na oo i tagata o Iuta ona o le lē faamaoni i a Ieova? (2 Tu. 24:2-4, 14)

Tala 75

Tama e To‘afā i Papelonia

1. O ai tama e toafa o loo i le ata, ma aiseā ua latou nonofo ai i Papelonia?

2. O le ā ua fuafuaina e Nepukanesa mo tama e toafa, ma o ā faatonuga na ia tuuina atu i ana auauna?

3. O le ā na talosaga i ai Tanielu e faatatau i meaʻai ma meainu mo ia ma ana uo e toatolu?

4. Ina ua uma aso e sefulu o aai i fualaau, e faapefea ona faatusatusaina Tanielu ma ana uo e toatolu i isi taulelea?

5. Aiseā ua auina atu ai Tanielu ma ana uo e toatolu i le maota o le tupu, ma e faapefea ona sili atu i latou na i lo faitaulaga ma tagata popoto?

Fesili faaopoopo:

1. Faitau le Tanielu 1:1-21.

   1. (a) O ā ituaiga o taumafaiga e manaʻomia ona tatou faia ina ia teena ai tofotofoga ma manumalo ai i vaivaiga? (Tani. 1:8; Kene. 39:7, 10; Kala. 6:9)

   2. (e) O ā ni auala e ono faaosoosoina pe omia ai talavou ina ia tagofia mea e manatu tagata o ni mea lelei? (Tani. 1:8; Faata. 20:1; 2 Kori. 6:17–7:1)

   3. (i) O le ā e ao ona tatou amanaʻia e faatatau i le aʻoaʻoina o le poto faalelalolagi, ona o le tala a le Tusi Paia i talavou Eperu e toafa? (Tani. 1:20; Isa. 54:13; 1 Kori. 3:18-20)

Tala 76

Ua Faaumatia Ierusalema

1. O le ā ua tupu i Ierusalema ma tagata Isaraelu e pei ona faaalia i le ata?

2. O ai Esekielu, ma o ā mea e faateia ai na faaali atu e Ieova iā te ia?

3. O le ā le faaiʻuga na faia e Ieova ona o le le faaaloalo o tagata Isaraelu iā te ia?

4. O le ā na faia e le tupu o Nepukanesa ina ua uma ona fouvale tagata Isaraelu iā te ia?

5. Aiseā na faataga ai e Ieova lenei faaumatiaga mataʻutia e oo i tagata Isaraelu?

6. E faapefea ona tuufua le laueleele o Isaraelu, ma o le ā le umi na tuufua ai?

Fesili faaopoopo:

1. Faitau le 2 Tupu 25:1-26.

   1. (a) O ai Setekaia, o le ā na tupu iā te ia, ma na faapefea ona faataunuuina ai valoaga o le Tusi Paia? (2 Tu. 25:5-7; Eseki. 12:13-15)

   2. (e) O ai na tuuaia e Ieova i gaoioiga lē faamaoni uma a Isaraelu? (2 Tu. 25:9, 11, 12, 18, 19; 2 No. 36:14, 17)

2. Faitau le Esekielu 8:1-18.

   Ua faapefea ona faaaʻoaʻo lotu ua taʻua o Kerisiano, i tagata Isaraelu tapuai i le lā o ē na fulitua i le tapuaiga moni? (Eseki. 8:16; Isa. 5:20, 21; Ioa. 3:19-21; 2 Timo. 4:3)

Tala 77

Latou te Lē Ifo i Lalo

1. O le ā le faatonuga a Nepukanesa le tupu o Papelonia na fai atu i tagata?

2. Aiseā ua le ifo ai uo e toatolu a Tanielu i le tupua auro?

3. Ina ua tuuina atu e Nepukanesa se isi avanoa e ifo ai taulelea Eperu e toatolu, na faapefea ona faaalia lo latou faalagolago i a Ieova?

4. O le ā na poloai atu ai Nepukanesa i ana tamaloloa e faia i a Sataraka, Mesako ma Apeteniko?

5. O le ā na vaaia e Nepukanesa ina ua tagai i totonu o le ogaumu?

6. Aiseā ua viia ai e le tupu le Atua o Sataraka, Mesako ma Apeteniko, ma o le ā le faataʻitaʻiga ua latou faia mo i tatou?

Fesili faaopoopo:

1. Faitau le Tanielu 3:1-30.

   1. (a) O le ā le uiga na faaalia e taulelea Eperu e toatolu e ao ona faaaʻoaʻo i ai auauna uma a le Atua, pe a feagai ma tofotofoga o le faamaoni? (Tani. 3:17, 18; Mata. 10:28; Roma 14:7, 8)

   2. (e) O le ā le lesona tāua na aʻoaʻo atu e Ieova le Atua i a Nepukanesa? (Tani. 3:28, 29; 4:34, 35)

Tala 78

Tusilima i le Puipui

1. O le ā na tupu a o faia se faigaai e le tupu o Papelonia ma faaaogaina ipu ma pesini na aumai mai le malumalu o Ieova i Ierusalema?

2. O le ā na fai atu ai Pelesara i ona tagata popoto, ae o le ā na lē mafai ona latou faia?

3. O le ā na fai atu ai le tinā o le tupu ia faia e le tupu?

4. E tusa ma le mea na taʻu atu e Tanielu i le tupu, aiseā na auina mai ai e le Atua le lima e tusiaina upu i le puipui?

5. Na faapefea ona faamalamalama e Tanielu le uiga o upu i le puipui?

6. O le ā na tupu a o tautala Tanielu?

Fesili faaopoopo:

1. Faitau le Tanielu 5:1-31.

   1. (a) Ia faamatala le eseesega o le mataʻu faale-Atua ma le mataʻu o Pelesara ina ua ia vaaia le tusi lima i le puipui. (Tani. 5:6, 7; Sala. 19:9; Roma 8:35-39)

   2. (e) Na faapefea ona faaalia e Tanielu le loto tele a o tautala atu i a Pelesara ma ona tagata aloaʻia? (Tani. 5:17, 18, 22, 26-28; Galu. 4:29)

   3. (i) O le ā le auala ua faamatilatila ai e le mataupu e 5 o le Tanielu, le pule silisili ese a Ieova i le aoao o mea? (Tani. 4:17, 25; 5:21)

Tala 79

Tanielu i le Lua o Leona

1. O ai Tariu, ma o le ā lana vaai i a Tanielu?

2. O le ā na faia e Tariu ona o isi tamaloloa loto leaga?

3. O le ā na faia e Tanielu ina ua ia iloa le tulafono fou?

4. Aiseā ua le fiafia ai Tariu ma le mafai ai ona moe, ma o le ā na ia faia i le taeao?

5. O le ā le tali a Tanielu i a Tariu?

6. O le ā na tupu i tamaloloa leaga ia na taumafai e fasiotia Tanielu, ma o le ā na tusi atu ai Tariu i tagata o lona malo?

Fesili faaopoopo:

1. Faitau le Tanielu 6:1-28.

   1. (a) E faapefea i faufauga leaga faasaga i a Tanielu ona faamanatu mai ai i a i tatou ia taumafaiga a tagata tetee, ina ia taofia le galuega a Molimau a Ieova i aso nei? (Tani. 6:7; Sala. 94:20; Isa. 10:1; Roma 8:31)

   2. (e) E faapefea ona faaaʻoaʻo auauna a le Atua i aso nei i a Tanielu i le gauaʻi atu i “faipule silisili”? (Tani. 6:5, 10; Roma 13:1; Galu. 5:29)

   3. (i) E faapefea ona tatou mulimuli i le faaaʻoaʻoga a Tanielu i le auauna “e lē aunoa” i a Ieova? (Tani. 6:16, 20; Fili. 3:16; Faaa. 7:15)

Tala 80

Tuua e Tagata o le Atua Papelonia

1. E pei ona faaalia i le ata, o le ā ua faia e tagata Isaraelu?

2. Na faapefea ona faataunuu e Kuresa le valoaga na tulei mai ai Ieova e ala i a Isaia?

3. O le ā na fai atu ai Kuresa i tagata Isaraelu o ē na le mafai ona toe foi i Ierusalema?

4. O le ā na tuuina atu e Kuresa i tagata e ave i Ierusalema?

5. O le ā le umi o le malaga a tagata Isaraelu ona taunuu lea i Ierusalema?

6. E fia tausaga talu ona leai ma se tasi na i ai i le laueleele?

Fesili faaopoopo:

1. Faitau le Isaia 44:28 ma le 45:1-4.

   1. (a) Na faapefea ona faamatilatila e Ieova le mautinoa ona faataunuu o le valoaga e faatatau i a Kuresa? (Isa. 55:10, 11; Roma 4:17)

   2. (e) O le ā ua faaalia e le valoaga a Isaia i a Kuresa e faatatau i le mafai e le Atua ona valoia le lumanaʻi? (Isa. 42:9; 45:21; 46:10, 11; 2 Pete. 1:20)

2. Faitau le Esera 1:1-11.

   I le mulimuli i le faaaʻoaʻoga a ē na le mafai ona toe foi i Ierusalema, e mafai faapefea i a i tatou i aso nei ona “fesoasoani” i ē ua mafai ona auai i le auaunaga faataimi atoa? (Esera 1:4, 6; Roma 12:13; Kolo. 4:12)

Tala 81

Faalagolago i le Fesoasoani a le Atua

1. E toafia tagata na auai i le malaga umi mai Papelonia i Ierusalema, ae o le ā na latou mauaina ina ua taunuu i ina?

2. O le ā na amata ona fausia e tagata Isaraelu ina ua taunuu, ae o le ā na faia e o latou fili?

3. O ai Hakai ma Sakaria, ma o le ā na la taʻuina atu i tagata?

4. Aiseā na auina atu ai e Tatenai le tusi i Papelonia, ma o le ā le tali na ia mauaina?

5. O le ā na faia e Esera ina ua ia iloa le manaoga ia faamatagofie le malumalu o le Atua?

6. O le ā o loo tatalo i ai Esera e pei ona vaaia i le ata, ma na faapefea ona taliina lana tatalo, ma o le ā ua tatou aʻoaʻoina mai lenei mea?

Fesili faaopoopo:

1. Faitau le Esera 3:1-13.

   Afai tatou te nonofo i se vaipanoa e le o iai se faapotopotoga o tagata o le Atua, o le ā e ao ona faaauau ona tatou faia? (Esera 3:3, 6; Galu. 17:16, 17; Epe. 13:15)

2. Faitau le Esera 4:1-7.

   O le ā le faaaʻoaʻoga na faia e Serupapelu mo tagata o le Atua e faatatau i le faifaimea faatasi ma isi tapuaiga? (Eso. 34:12; 1 Kori. 15:33; 2 Kori. 6:14-17)

3. Faitau le Esera 5:1-5, 17 ma le 6:1-22.

   1. (a) Aiseā na le mafai ai e tagata tetee ona vaoia le galuega o le fausiaina o le malumalu? (Esera 5:5; Isa. 54:17)

   2. (e) E faapefea e gaoioiga a toeaina o Iuta ona faamalosiau i toeaina Kerisiano, e saili i le taʻitaʻiga a Ieova pe a feagai ma tagata tetee? (Esera 6:14; Sala. 32:8; Roma 8:31; Iako. 1:5)

4. Faitau le Esera 8:21-23, 28-36.

   A o tatou lei amata ona gaoioi e faia se fuafuaga, o le ā le faaaʻoaʻoga a Esera e lelei ona tatou mulimuli i ai? (Esera 8:23; Sala. 127:1; Faata. 10:22; Iako. 4:13-15)

Tala 82

Moretekai ma Eseta

1. O ai Moretekai ma Eseta?

2. Aiseā na manao ai le tupu o Asueru i sana masiofo fou, ma o ai na ia filifilia?

3. O ai Hamanu, ma aiseā na ita tele ai o ia?

4. O le ā le tulafono na faia, ma o le ā na faia e Eseta ina ua ia mauaina se feau mai i a Moretekai?

5. O le ā na tupu i a Hamanu, ae o le ā na tupu i a Moretekai?

6. Na faapefea ona faasaoina tagata Isaraelu mai o latou fili?

Fesili faaopoopo:

1. Faitau le Eseta 2:12-18.

   Na faapefea ona faaalia e Eseta le tāua o le atiina aʻe “o le loto agamalu ma le filemu”? (Eseta 2:15; 1 Pete. 3:1-5)

2. Faitau le Eseta 4:1-17.

   E pei ona maua e Eseta le avanoa e gaoioi ai mo le tapuaiga moni, o le ā le avanoa ua tatou maua i aso nei e faailoa ai lo tatou tapuai ma le faamaoni i a Ieova? (Eseta 4:13, 14; Mata. 5:14-16; 24:14)

3. Faitau le Eseta 7:1-6.

   E faapefea e le toatele o tagata o le Atua i aso nei ona tuu i latou lava i se tulaga semanū e sauāina ai, e pei lava o Eseta? (Eseta 7:4; Mata. 10:16-22; 1 Pete. 2:12)

Tala 83

Pā o Ierusalema

1. O ā ni faalogona o tagata Isaraelu talu ai e lei iai se pa e siʻo ai lo latou aai o Ierusalema?

2. O ai Neemia?

3. O le ā le galuega a Neemia, ma aiseā e tāua ai?

4. O le ā le tala na faanoanoa tele ai Neemia, ma o le ā na ia faia?

5. Na faapefea ona agalelei atu le tupu o Aretaseta i a Neemia?

6. Na faapefea ona fuafuaina e Neemia le galuega ina ia le mafai ona taofia e fili o Isaraelu?

Fesili faaopoopo:

1. Faitau le Neemia 1:4-6 ma le 2:1-20.

   Na faapefea ona sailia e Neemia le taʻitaʻiga a Ieova? (Nee. 2:4, 5; Roma 12:12; 1 Pete. 4:7)

2. Faitau le Neemia 3:3-5.

   O le ā e mafai ona aʻoaʻoina e toeaina ma auauna o le faiva i le eseesega o tagata o Tikoa ma o latou “alii”? (Nee. 3:5, 27; 2 Tesa. 3:7-10; 1 Pete. 5:5)

3. Faitau le Neemia 4:1-23.

   1. (a) O le ā na uunaʻia tagata Isaraelu ina ia faaauau pea ona faia le galuega e ui i teteega ogaoga? (Nee. 4:6, 8, 9; Sala. 50:15; Isa. 65:13, 14)

   2. (e) E faapefea ona faalaeiauina i tatou i aso nei ona o le faaaʻoaʻoga a tagata Isaraelu?

4. Faitau le Neemia 6:15.

   O le ā ua faaalia e faatatau i le malosi o le faatuatua i le mea moni e faapea, na māeʻa le fauina o pa o Ierusalema a o lei atoa masina e lua? (Sala. 56:3, 4; Mata. 17:20; 19:26)

Tala 84

Asiasi se Agelu iā Maria

1. O ai le fafine o loo i le ata?

2. O le ā le tala a Kaperielu iā Maria?

3. Na faapefea ona faamalamalama e Kaperielu i a Maria o le a i ai sana pepe e ui e leai sana tane?

4. O le ā na tupu ina ua asiasi atu Maria i a Elisapeta?

5. O le ā le manatu o Iosefa ina ua ia iloa o le a fanau se pepe a Maria, ae aiseā na suia ai lona manatu?

Fesili faaopoopo:

1. Faitau le Luka 1:26-56.

   1. (a) O le ā ua faailoa mai e le Luka 1:35 e faatatau i so o se tulaga lē lelei atoatoa mai i a Atamu na iai i le fuāsela o Maria, ina ua tuuina mai le soifua o le Alo o le Atua mai le lagi? (Ha. 2:11-13; Ioa. 6:69; Epe. 7:26; 10:5)

   2. (e) Na faapefea ona faamamaluina Iesu e oo lava i le taimi e lei soifua mai ai? (Luka 1:41-43)

   3. (i) O le ā le faaaʻoaʻoga lelei ua saunia e Maria mo Kerisiano i aso nei o ē mauaina ni faaeaga faapitoa i le auaunaga? (Luka 1:38, 46-49; 17:10; Faata. 11:2)

2. Faitau le Mataio 1:18-25.

   E ui lava e lei faasuafaina Iesu i a Emanuelu, ae na faapefea i lana matafaioi o se tagata ona faataunuuina le uiga o lena suafa? (Mata. 1:22, 23; Ioa. 14:8-10; Epe. 1:1-3)

Tala 85

Fanau Iesu i le Fale o Manu

1. O ai le pepe o loo i le ata, ma o fea o loo faataatia ai o ia e Maria?

2. Aiseā ua fanau ai Iesu i le fale o manu?

3. O ai tamaloloa ua o mai i le fale o manu e pei ona vaaia i le ata, ma o le ā na fai atu ai se agelu i a i latou?

4. Aiseā ua faapitoa ai Iesu?

5. Aiseā e mafai ai ona taʻua Iesu o le Alo o le Atua?

Fesili faaopoopo:

1. Faitau le Luka 2:1-20.

   1. (a) O le ā le vaega na faia e Kaisara Aokuso i le faataunuuga o le valoaga i le soifua mai o Iesu? (Luka 2:1-4; Mika 5:2)

   2. (e) E faapefea ona faaaofia se tasi i ē ua taʻuina o “tagata ua alofagia”? (Luka 2:14; Mata. 16:24; Ioa. 17:3; Galu. 3:19; Epe. 11:6)

   3. (i) Na olioli leoleo mamoe lotomaulalo o Iuta i le soifua mai o le Faaola, ae o le ā le māfuaaga e sili atu ua olioli ai auauna a le Atua i aso nei? (Luka 2:10, 11; Efe. 3:8, 9; Faaa. 11:15; 14:6)

Tala 86

Tamāloloa Taʻitaʻia e se Fetu

1. O ai tamaloloa o i le ata, ma aiseā o loo faasino atu ai se tasi o i latou i le fetu pupula?

2. Aiseā na le fiafia ai le tupu o Herota, ma o le ā na ia faia?

3. O fea na taʻitaʻia ai e le fetu pupula ia tamaloloa, ae aiseā na latou foi atu ai i lo latou atunuu i se isi auala?

4. O le ā le poloaiga na tuu atu e Herota, ma aiseā?

5. O le ā na fetalai atu ai Ieova i a Iosefa e fai?

6. O ai na faasusuluina le fetu fou, ma aiseā?

Se fesili faaopoopo:

1. Faitau le Mataio 2:1-23.

   E fia tausaga o Iesu ma o fea na nofo ai ina ua asiasi atu tagata suʻesuʻe i fetu iā te ia? (Mata. 2:1, 11, 16)

Tala 87

Talavou o Iesu i le Malumalu

1. E fia tausaga o Iesu i le ata, ma o fea o i ai o ia?

2. O le ā e faia e Iosefa faatasi ma lona aiga i tausaga uma?

3. I le iʻuga o le aso a o malaga atu i le fale, aiseā na toe foi ai Iosefa ma Maria i Ierusalema?

4. O fea na maua ai e Iosefa ma Maria ia Iesu, ma aiseā ua ofo uma ai tagata?

5. O le ā na fai atu ai Iesu i lona tinā o Maria?

6. E faapefea ona tatou pei o Iesu i le aʻoaʻoina o mea e faatatau i le Atua?

Fesili faaopoopo:

1. Faitau le Luka 2:41-52.

   1. (a) E ui lava na faatonuina e le Tulafono e na o tane e auai i tausamiga faaletausaga, ae o le ā le faaaʻoaʻoga lelei na faia e Iosefa ma Maria mo mātua i aso nei? (Luka 2:41; Teu. 16:16; 31:12; Faata. 22:6)

   2. (e) Na faapefea ona faia e Iesu se faaaʻoaʻoga lelei mo fanau i aso nei i le usiusitai i o latou mātua? (Luka 2:51; Teu. 5:16; Faata. 23:22; Kolo. 3:20)

2. Faitau le Mataio 13:53-56.

   O ai uso moni e toafa o Iesu o loo taʻua o latou igoa i le Tusi Paia, ma na faapefea ona faaaoga mulimuli ane ona uso e toalua i le faapotopotoga Kerisiano? (Mata. 13:55; Galu. 12:17; 15:6, 13; 21:18; Kala. 1:19; Iako. 1:1; Iuta 1)

Tala 88

Papatiso e Ioane Iesu

1. O ai tamaloloa e toalua o loo i le ata?

2. O le ā le auala e papatisoina ai se tagata?

3. O ai e masani lava ona papatisoina e Ioane?

4. O le ā le māfuaaga faapitoa na talosaga atu ai Iesu i a Ioane e papatisoina o ia?

5. Na faapefea ona faaalia e Ieova Lona fiafia i le papatisoga o Iesu?

6. O le ā na tupu ina ua alu atu Iesu i se nofoaga tuufua mo aso e 40?

7. O ai nisi o uluai soo o Iesu, ma o le ā le vavega muamua a Iesu?

Fesili faaopoopo:

1. Faitau le Mataio 3:13-17.

   O le ā le faaaʻoaʻoga na faataatia e Iesu mo le papatisoga o ona soo? (Sala. 40:7, 8; Mata. 28:19, 20; Luka 3:21, 22)

2. Faitau le Mataio 4:1-11.

   E faapefea i le faaaoga lelei e Iesu o le Tusi Paia ona faalaeiauina ai i tatou ina ia suʻesuʻe e lē aunoa i le Tusi Paia? (Mata. 4:5-7; 2 Pete. 3:17, 18; 1 Ioa. 4:1)

3. Faitau le Ioane 1:29-51.

   O ai na faasino i ai e Ioane le Papatiso ona soo, ma e faapefea ona tatou faataʻitaʻi iā te ia i aso nei? (Ioa. 1:29, 35, 36; 3:30; Mata. 23:10)

4. Faitau le Ioane 2:1-12.

   E faapefea i le uluai vavega a Iesu ona faaalia ai e lē taofia e Ieova se mea lelei mai Ana auauna? (Ioa. 2:9, 10; Sala. 84:11; Iako. 1:17)

Tala 89

Faamamā e Iesu le Malumalu

1. Aiseā ua faatau atu ai mea ola i le malumalu?

2. Aiseā na ita ai Iesu?

3. E pei ona e vaaia i le ata, o le ā na faia e Iesu, ma o le ā lana faatonuga i le au faatau lupe?

4. Ina ua vaaia e ona soo le mea ua faia e Iesu, o le ā na latou manatuaina?

5. O le ā le itumalo sa ui atu i ai Iesu ina ua toe foi i Kalilaia?

Se fesili faaopoopo:

1. Faitau le Ioane 2:13-25.

   Pe a tomānatu i le toʻatamaʻi o Iesu i fefaatauaʻiga na faia i le malumalu, o le ā le vaaiga saʻo i faiga faapisinisi e faia i le Maota o le Malo? (Ioa. 2:15, 16; 1 Kori. 10:24, 31-33)

Tala 90

Ma se Fafine i le Vaieli

1. Aiseā ua malolo ai Iesu i se vaieli i Samaria, ma o le ā ua fai atu ai i se fafine i ina?

2. Aiseā ua tei ai le fafine, ma o le ā na faapea atu ai Iesu iā te ia, ma aiseā?

3. Ua manatu le fafine o loo tautala Iesu i le ā le ituaiga o vai, ae o le ā le vai o loo uiga i ai Iesu?

4. Aiseā ua ofo ai le fafine i mea na iloa e Iesu e faatatau iā te ia, ma o ai na tuuina atu i a Iesu na faamatalaga?

5. O ā lesona ua tatou aʻoaʻoina mai le tala i le fafine i le vaieli?

Fesili faaopoopo:

1. Faitau le Ioane 4:5-43.

   1. (a) I le faaaʻoaʻo atu i a Iesu, o le ā la tatou vaaiga e ao ona iai e faatatau i tagata e ese o latou atunuu po o latou tulaga? (Ioa. 4:9; 1 Kori. 9:22; 1 Timo. 2:3, 4; Tito 2:11)

   2. (e) O ā aogā faaleagaga e maua e se tagata ua avea ma soo o Iesu? (Ioa. 4:14; Isa. 58:11; 2 Kori. 4:16)

   3. (i) E faapefea ona tatou faaalia le talisapaia e pei o le fafine Samaria, o lē na naunau e talanoa atu i isi e faatatau i mea na ia aʻoaʻoina? (Ioa. 4:7, 28; Mata. 6:33; Luka 10:40-42)

Tala 91

Aʻoaʻo Iesu i Luga o le Mauga

1. O fea o loo aʻoaʻo atu ai Iesu i le ata, ma o ai o loo nonofo latalata ane iā te ia?

2. O ai igoa o aposetolo e toʻa 12?

3. O le ā le malo na talaʻia e Iesu?

4. O ā mea na aʻoaʻo atu e Iesu i tagata e ao ona tatalo i ai?

5. O le ā na fetalai i ai Iesu i le auala e feagai ai le tasi tagata ma le isi?

Fesili faaopoopo:

1. Faitau le Mataio 5:1-12.

   O ā auala e mafai ona faaalia ai lo tatou manatu mamafa i o tatou manaoga faaleagaga? (Mata. 5:3; Roma 10:13-15; 1 Timo. 4:13, 15, 16)

2. Faitau le Mataio 5:21-26.

   E faapefea ona faamatilatila e le Mataio 5:23, 24 o a tatou faiā ma o tatou uso e aafia ai la tatou faiā ma Ieova? (Mata. 6:14, 15; Sala. 133:1; Kolo. 3:13; 1 Ioa. 4:20)

3. Faitau le Mataio 6:1-8.

   O ā ni gaoioiga faafiaamiotonu e tatau ona teena e Kerisiano? (Luka 18:11, 12; 1 Kori. 4:6, 7; 2 Kori. 9:7)

4. Faitau le Mataio 6:25-34.

   O le ā na aʻoaʻoina atu e Iesu e faatatau i le manaʻomia ona faatuatua i a Ieova mo le saunia o o tatou manaoga faaletino? (Eso. 16:4; Sala. 37:25; Fili. 4:6)

5. Faitau le Mataio 7:1-11.

   O le ā ua tatou aʻoaʻoina mai le talafaatusa manino o i le Mataio 7:5? (Faata. 26:12; Roma 2:1; 14:10; Iako. 4:11, 12)

Tala 92

Faatū e Iesu Ē ua Oti

1. O ai le tamā o le teine itiiti o loo i le ata, ma aiseā na popole tele ai i laua ma lana avā?

2. O le ā na faia e Iairo ina ua ia mauaina Iesu?

3. O le ā na tupu a o agai atu Iesu i le fale o Iairo, ma o le ā le feau na maua e Iairo?

4. Aiseā na ula ai tagata i le fale o Iairo i a Iesu?

5. Ina ua uma ona ia aveina aposetolo e toatolu ma matua o le teine itiiti i lona potu, o le ā na faia e Iesu?

6. O ai isi tagata na faatuina e Iesu mai le oti, ma o le ā ua faaalia e lenei mea?

Fesili faaopoopo:

1. Faitau le Luka 8:40-56.

   Na faapefea ona faaalia e Iesu lona alofa mutimutivale ma le magafagafa i ana feutagaʻiga ma le fafine na maua i le puna toto, ma o le ā e mafai ona aʻoaʻoina mai ai e toeaina Kerisiano? (Luka 8:43, 44, 47, 48; Levi. 15:25-27; Mata. 9:12, 13; Kolo. 3:12-14)

2. Faitau le Luka 7:11-17.

   Aiseā e mafai ai ona matuā faamāfanafanaina i latou ua maliliu ē e pele i a i latou, i le tali atu a Iesu i le fafine ua oti lana tane i Naina? (Luka 7:13; 2 Kori. 1:3, 4; Epe. 4:15)

3. Faitau le Ioane 11:17-44.

   E faapefea ona faaalia e Iesu o se faalogona masani le faavauvau i le maliu o sē e pele? (Ioa. 11:33-36, 38; 2 Samu. 18:33; 19:1-4)

Tala 93

Fafaga e Iesu Tagata e To‘atele

1. O le ā le mea mataʻutia ua tupu i a Ioane le papatiso, ma o ā ni faalogona o Iesu ona o lena mea?

2. Na faapefea ona fafagaina e Iesu le motu o tagata o ē na mulimuli iā te ia, ma o le ā le tele o mea na totoe?

3. Aiseā na fefefe ai le au soo i le po, ma o le ā na tupu i a Peteru?

4. Na faapefea ona fafagaina e Iesu le faitau afe o tagata i le taimi lona lua?

5. Aiseā o se taimi manaia ai pe a pulea le lalolagi e Iesu o se tupu a le Atua?

Fesili faaopoopo:

1. Faitau le Mataio 14:1-32.

   1. (a) O le ā ua tatou iloa e faatatau i uiga o Peteru mai le tala o loo i le Mataio 14:23-32?

   2. (e) E faapefea ona faaalia e le Tusi Paia na mulimuli ane avea Peteru o se tane taʻumatuaina ma aveesea ai ona uiga osovale? (Mata. 14:27-30; Ioa. 18:10; 21:7; Galu. 2:14, 37-40; 1 Pete. 5:6, 10)

2. Faitau le Mataio 15:29-38.

   Na faapefea ona faaalia e Iesu na ia faatāuaina sauniuniga faaletino mai lona Tamā? (Mata. 15:37; Ioa. 6:12; Kolo. 3:15)

3. Faitau le Ioane 6:1-21.

   E faapefea ona mulimuli Kerisiano i aso nei i le faaaʻoaʻoga a Iesu agai i le pulega a le malo? (Ioa. 6:15; Mata. 22:21; Roma 12:2; 13:1-4)

Tala 94

E Alofa o Ia i Tamaiti Lāiti

1. O le ā na finau ai le au aposetolo i le auala mai se malaga umi?

2. Aiseā na valaau ai e Iesu se tama itiiti ma faatu o ia i luma o le au aposetolo?

3. O le ā le auala e tatau ai i le au aposetolo ona aʻoaʻo ia pei o tamaiti?

4. I ni nai masina mulimuli ane, e faapefea ona faaalia e Iesu lona alofa mo tamaiti?

Fesili faaopoopo:

1. Faitau le Mataio 18:1-4.

   Aiseā na faaaoga ai e Iesu faataoto po o talafaatusa a o aʻoaʻo atu? (Mata. 13:34, 36; Mare. 4:33, 34)

2. Faitau le Mataio 19:13-15.

   O ā uiga o tamaiti e tatau ona tatou faaaʻoaʻo i ai pe afai tatou te fia tofo i faamanuiaga o le Malo? (Sala. 25:9; 138:6; 1 Kori. 14:20)

3. Faitau le Mareko 9:33-37.

   O le ā na aʻoaʻo atu e Iesu i ona soo e faatatau i le mananao i ni tulaga maualuluga? (Mare. 9:35; Mata. 20:25, 26; Kala. 6:3; Fili. 2:5-8)

4. Faitau le Mareko 10:13-16.

   Pe faamata na faigofie ona talanoa atu tagata i a Iesu, ma o le ā e aʻoaʻoina e toeaina Kerisiano mai lana faataʻitaʻiga? (Mare. 6:30-34; Fili. 2:1-4; 1 Timo. 4:12)

Tala 95

Le Auala e Aʻoaʻo ai Iesu

1. O le ā le fesili na fai atu e se tamaloa i a Iesu, ma aiseā?

2. O le ā e faia e Iesu i nisi taimi a o aʻoaʻo atu, ma o le ā ua uma ona tatou aʻoaʻoina e faatatau i tagata Iutaia ma Samaria?

3. I le tala a Iesu, o le ā na tupu i se tagata Iutaia a o alu ifo i le auala i Ieriko?

4. O le ā na tupu ina ua ui ane se faitaulaga Iutaia ma se sa Levi i le auala?

5. E pei ona vaaia i le ata, o ai o loo fesoasoani i le tagata Iutaia ua faamanuʻalia?

6. Ina ua uma le tala a Iesu, o le ā lana fesili ma o le ā le tali a le tamaloa?

Fesili faaopoopo:

1. Faitau le Luka 10:25-37.

   1. (a) Na i lo le avatu saʻo i ai o le tali, na faapefea ona fesoasoani Iesu i se tamaloa e poto i le Tulafono, ina ia mafaufau i le mataupu? (Luka 10:26; Mata. 16:13-16)

   2. (e) Na faapefea ona faaaoga e Iesu talafaatusa e foʻia ai le faailoga tagata o lana ʻaufaalogologo? (Luka 10:36, 37; 18:9-14; Tito 1:9)

Tala 96

Faamālōlō e Iesu Ē Mamaʻi

1. O le ā na faia e Iesu a o malaga i le nuu?

2. O le ā na taʻu atu e Iesu i ona aposetolo pe tusa ua tolu tausaga talu ona papatisoina o ia?

3. O ai tagata o loo i le ata, ma o le ā na faia e Iesu mo le fafine?

4. Aiseā na mama ai taʻitaʻi lotu i le tali atu a Iesu i o latou manatu tetee?

5. Ina ua latalata Iesu ma ona aposetolo i Ieriko, o le ā na faia e Iesu mo tagata tauaso e toalua?

6. Aiseā na faia ai e Iesu vavega?

Fesili faaopoopo:

1. Faitau le Mataio 15:30, 31.

   O ā faaaliga matagofie o le mana o Ieova na faaalia e ala i a Iesu, ma e faapefea ona aafia ai lo tatou malamalamaga e faatatau i folafolaga a Ieova mo le lalolagi fou? (Sala. 37:29; Isa. 33:24)

2. Faitau le Luka 13:10-17.

   E faapefea i le mea moni e faapea na faia e Iesu nisi o ana vavega e sili ona mataʻina i le Sapati, ona faaalia ai le mapusaga o le a ia aumaia mo tagata a o faagasolo lana pulega i le Afe Tausaga? (Luka 13:10-13; Sala. 46:9; Mata. 12:8; Kolo. 2:16, 17; Faaa. 21:1-4)

3. Faitau le Mataio 20:29-34.

   E faapefea ona faaalia i lenei tala na fesoasoani atu Iesu i tagata e ui i le tele o ana mea na fai, ma o le ā ua tatou aʻoaʻoina mai lenei mea? (Teu. 15:7; Iako. 2:15, 16; 1 Ioa. 3:17)

Tala 97

Sau Iesu o se Tupu

1. Ina ua oo mai Iesu i se nuu laitiiti i tafatafa o Ierusalema, o le ā na ia fai atu ai i ona soo e fai?

2. I le ata, o le ā na tupu ina ua latalata atu Iesu i le aai o Ierusalema?

3. O le ā na faia e tamaiti ina ua latou vaai o faamaloloina e Iesu tagata tauaso ma pipili?

4. O le ā na fai atu ai Iesu i le au faitaulaga na feitai?

5. E mafai faapefea ona pei i tatou o tamaiti na vivii i a Iesu?

6. O le ā na fia iloa e soo?

Fesili faaopoopo:

1. Faitau le Mataio 21:1-17.

   1. (a) Na faapefea i le ulu atu o Iesu i Ierusalema o se Tupu, ona eseese mai taʻitaʻiʻau na manumalo i aso o Roma? (Mata. 21:4, 5; Saka. 9:9; Fili. 2:5-8; Kolo. 2:15)

   2. (e) O le ā le lesona e mafai ona aʻoaʻoina e fanau mai tama Isaraelu, o ē na sii maia le Salamo 118 a o ulufale atu Iesu i le malumalu? (Mata. 21:9, 15; Sala. 118:25, 26; 2 Timo. 3:15; 2 Pete. 3:18)

2. Faitau le Ioane 12:12-16.

   O le ā ua faaatagia e le faaaogaina o lau o pama e tagata o ē na alalaga e faatatau i a Iesu? (Ioa. 12:13; Fili. 2:10; Faaa. 7:9, 10)

Tala 98

I Luga o le Mauga o Olive

1. Vaai foi i le ata, o lē fea o tamaloloa nei o Iesu, ma o ai o loo latou faatasi?

2. O le ā na taumafai le au faitaulaga e fai i a Iesu i le malumalu, ma o le ā na taʻu atu e Iesu i a i latou?

3. O le ā le fesili a le au aposetolo i a Iesu?

4. Aiseā na taʻu atu ai e Iesu i ona aposetolo nisi o mea o le a tutupu i le lalolagi, pe a pule o ia o se Tupu i le lagi?

5. O le ā na taʻua e Iesu o le a tupu a o lei ia aumaia le iʻuga i mea leaga uma i le lalolagi?

Fesili faaopoopo:

1. Faitau le Mataio 23:1-39.

   1. (a) E ui ua faailoa mai e le Tusi Paia e ono talafeagai ona faaaoga taʻu faalemalo, ae o le ā ua faaalia i upu a Iesu i le Mataio 23:8-11 e faatatau i le faaaogaina o taʻu e faaviivii ai i totonu o le faapotopotoga Kerisiano? (Galu. 26:25; Roma 13:7; 1 Pete. 2:13, 14)

   2. (e) O ā gaoioiga na faia e le ʻau Faresaio i a latou taumafaiga e taofia ai tagata mai le avea o ni Kerisiano, ma e faapefea ona faia faapena e taʻitaʻi lotu i aso nei? (Mata. 23:13; Luka 11:52; Ioa. 9:22; 12:42; 1 Tesa. 2:16)

2. Faitau le Mataio 24:1-14.

   1. (a) E faapefea ona faamatilatila e le Mataio 24:13 le tāua o le tumau?

   2. (e) O le ā le uiga o le faaupuga “le gataaga” o loo i le Mataio 24:13? (Mata. 16:27; Roma 14:10-12; 2 Kori. 5:10)

3. Faitau le Mareko 13:3-10.

   O le ā le faaupuga o loo i le Mareko 13:10 e faaalia ai le faanatinati o le talaʻia o le tala lelei, ma o le ā e ao ona tatou faia e tusa ma fetalaiga a Iesu? (Roma 13:11, 12; 1 Kori. 7:29-31; 2 Timo. 4:2)

Tala 99

I Totonu o se Potu Pito i Luga

1. E pei ona vaaia i le ata, aiseā ua potopoto ai Iesu ma ona aposetolo e 12 i le potu tele o le falealuga?

2. O ai le tamaloa o loo ulufafo atu i le faitotoa, ma aiseā?

3. O le ā le talisuaga faapitoa na amataina e Iesu ina ua uma le talisuaga o le Paseka?

4. O le ā na manatua e tagata Isaraelu ona o le Paseka, ma o le ā ua manatuaina e soo o Iesu ona o lenei talisuaga faapitoa?

5. Ina ua mavae le Talisuaga Afiafi a le Alii, o le ā na taʻu atu e Iesu i ona soo, ma o le ā na latou faia?

Fesili faaopoopo:

1. Faitau le Mataio 26:14-30.

   1. (a) E faapefea ona faaalia e le Mataio 26:15 o le faalataina e Iuta o Iesu o se gaoioiga na ia faia ma lona loto i ai?

   2. (e) O ā fuafuaga e lua na faataunuuina e le toto maligi o Iesu? (Mata. 26:27, 28; Iere. 31:31-33; Efe. 1:7; Epe. 9:19, 20)

2. Faitau le Luka 22:1-39.

   O le ā le uiga o le uluitino o Satani i a Iuta? (Luka 22:3; Ioa. 13:2; Galu. 1:24, 25)

3. Faitau le Ioane 13:1-20.

   1. (a) Pe a fua i upu o loo i le Ioane 13:2, pe e mafai ona tuuaʻia Iuta i le mea na ia faia, ma o le ā le lesona e aʻoaʻoina e auauna a le Atua mai lenei mea? (Kene. 4:7; 2 Kori. 2:11; Kala. 6:1; Iako. 1:13, 14)

   2. (e) O le ā le lesona tāua na saunia e Iesu? (Ioa. 13:15; Mata. 23:11; 1 Pete. 2:21)

4. Faitau le Ioane 17:1-26.

   O le ā le uiga o le tatalo a Iesu “ina ia tasi” ona soo? (Ioa. 17:11, 21-23; Roma 13:8; 14:19; Kolo. 3:14)

Tala 100

Iesu i le Faato‘aga

1. O fea na o i ai Iesu ma ona aposetolo ina ua o ese mai le potualuga, ma o le ā na fai atu ai Iesu e latou te faia?

2. O le ā na maua mai e Iesu o faia e aposetolo ina ua toe foi mai, ma e faafia ona tupu lenei mea?

3. O ai na o atu i le faatoaga, ma o le ā na faia e Iuta le Sekara e pei ona vaaia i le ata?

4. Aiseā na sogi atu ai Iuta i a Iesu, ma o le ā na faia e Peteru?

5. O le ā na fai atu ai Iesu i a Peteru, ma aiseā e lei fai atu ai Iesu i le Atua ina ia auina mai ni agelu?

Fesili faaopoopo:

1. Faitau le Mataio 26:36-56.

   1. (a) E faapefea i le auala na avatu ai e Iesu fautuaga i ona soo ona fai ma faataʻitaʻiga lelei mo toeaina Kerisiano i aso nei? (Mata. 20:25-28; 26:40, 41; Kala. 5:17; Efe. 4:29, 31, 32)

   2. (e) O le ā le silafaga a Iesu i le faaaogaina o auupega ina ia faamanuʻalia ai se isi tagata? (Mata. 26:52; Luka 6:27, 28; Ioa. 18:36)

2. Faitau le Luka 22:39-53.

   Ina ua sau se agelu i a Iesu i le faatoaga o Ketesemane e faamalosiau iā te ia, po o lona uiga ea ua tau vaivai le faatuatua o Iesu? Ia faamatala. (Luka 22:41-43; Isa. 49:8; Mata. 4:10, 11; Epe. 5:7)

3. Faitau le Ioane 18:1-12.

   Na faapefea ona puipuia e Iesu ona soo mai ē tetee, ma o le ā ua tatou aʻoaʻoina mai lenei faaaʻoaʻoga? (Ioa. 10:11, 12; 18:1, 6-9; Epe. 13:6; Iako. 2:25)

Tala 101

Ua Fasiotia Iesu

1. O ai na mafua ai ona maliu Iesu?

2. O le ā na faia e aposetolo ina ua aveina Iesu e taʻitaʻi lotu?

3. O le ā na tupu i le fale o Kaiafa, le ositaulaga sili?

4. Aiseā na alu ese ai Peteru ma tagi o ia?

5. Ina ua toe auina atu Iesu i a Pilato, o le ā na alalaga atu ai ositaulaga sili?

6. O le ā na tupu i a Iesu i le afiafi o le Aso Faraile, ma o le ā na ia tautino atu i se pagota na tautau i ona autafa?

7. O fea o le iai le Parataiso na fetalai ai Iesu?

Fesili faaopoopo:

1. Faitau le Mataio 26:57-75.

   Na faapefea ona faaalia e sui o le faamasinoga maualuga a Iutaia le leaga o o latou loto? (Mata. 26:59, 67, 68)

2. Faitau le Mataio 27:1-50.

   Aiseā e mafai ona tatou faapea atu ai e lei salamō moni Iuta? (Mata. 27:3, 4; Mare. 3:29; 14:21; 2 Kori. 7:10, 11)

3. Faitau le Luka 22:54-71.

   O le ā le lesona tatou te aʻoaʻoina mai le faafitia e Peteru o Iesu i le po na faalata ma puʻeina ai o ia? (Luka 22:60-62; Mata. 26:31-35; 1 Kori. 10:12)

4. Faitau le Luka 23:1-49.

   O le ā le tali atu a Iesu i faiga lē tonu na faia iā te ia, ma o le ā le lesona tatou te aʻoaʻoina mai lenei mea? (Luka 23:33, 34; Roma 12:17-19; 1 Pete. 2:23)

5. Faitau le Ioane 18:12-40.

   O le ā ua faaalia i le mea moni e faapea e ui ina faalētonu Peteru mo sina taimi ona o le fefe i tagata, ae na toe lelei ma avea o ia o se aposetolo mataʻina? (Ioa. 18:25-27; 1 Kori. 4:2; 1 Pete. 3:14, 15; 5:8, 9)

6. Faitau le Ioane 19:1-30.

   1. (a) O le ā le vaaiga paleni na i a Iesu e faatatau i meafaitino? (Ioa. 2:1, 2, 9, 10; 19:23, 24; Mata. 6:31, 32; 8:20)

   2. (e) E faapefea ona avea toe upu a Iesu ma taʻutinoga o le manumalo e faapea na ia faaeaina le pule silisili ese a Ieova? (Ioa. 16:33; 19:30; 2 Pete. 3:14; 1 Ioa. 5:4)

Tala 102

Ua Toe Soifua Iesu

1. O ai le fafine ma tamaloloa e toalua o i le ata, ma o fea o loo i ai i latou?

2. Aiseā na fai atu ai Pilato i le au ositaulaga e aauina atu ni fitafita e leoleo le tuugamau o Iesu?

3. O le ā na faia e se agelu i le taeao po o le aso lona tolu talu ona maliu Iesu, ae o le ā na faia e ositaulaga?

4. Aiseā ua tetei ai nisi fafine ina ua asiasi atu i le tuugamau o Iesu?

5. Aiseā na tamomoe atu ai Peteru ma Ioane i le tuugamau o Iesu, ma o le ā na la mauaina?

6. O le ā na tupu i le tino o Iesu, ae o le ā na ia faia e faaali atu ai i ona soo ua toe ola mai o ia?

Fesili faaopoopo:

1. Faitau le Mataio 27:62-66 ma le 28:1-15.

   Ina ua toetū mai Iesu, na faapefea ona agasala i le agaga paia le ʻauositaulaga sili, le ʻau Faresaio ma le ʻautoeaina? (Mata. 12:24, 31, 32; 28:11-15)

2. Faitau le Luka 24:1-12.

   E faapefea i le tala o le toetū o Iesu ona faaalia ai e silasila Ieova i fafine o ni molimau maufaatuatuaina? (Luka 24:4, 9, 10; Mata. 28:1-7)

3. Faitau le Ioane 20:1-12.

   E faapefea ona fesoasoani le Ioane 20:8, 9, ina ia tatou iloa ai le manaʻoga ia onosai pe a tatou lē malamalama atoatoa i le faataunuuga o se valoaga o le Tusi Paia? (Faata. 4:18; Mata. 17:22, 23; Luka 24:5-8; Ioa. 16:12)

Tala 103

I Totonu o se Potu na Loka

1. O le ā na fai atu ai Maria i se tamaloa na ia manatu o se fai togalaau, ae o le ā na ia iloa ai o Iesu le tamaloa lea?

2. O le ā na tupu a o savavali soo e toalua i le nuu o Emau?

3. O le ā le mea ofoofogia na tupu a o faamatala atu e soo e toalua i aposetolo e faapea na la vaai i a Iesu?

4. E faafia ona faaali atu Iesu i ona soo?

5. O le ā na fai atu ai Toma ina ua ia faalogo na vaai le au soo i le Alii, ae o le ā na tupu i aso e valu mulimuli ane ai?

Fesili faaopoopo:

1. Faitau le Ioane 20:11-29.

   Po o le uiga o fetalaiga a Iesu i le Ioane 20:23 e iai i tagata le pule e faamagalo ai agasala? Ia faamatala. (Sala. 49:2, 7; Isa. 55:7; 1 Timo. 2:5, 6; 1 Ioa. 2:1, 2)

2. Faitau le Luka 24:13-43.

   E faapefea ona tatou saunia o tatou loto ina ia taliaina upu moni o le Tusi Paia? (Luka 24:32, 33; Esera 7:10; Galu. 16:14; Epe. 5:11-14)

Tala 104

Toe Fo‘i Iesu i le Lagi

1. E toa fia soo na vaai i a Iesu i se tasi aso, ma o le ā na ia talanoa ai iā i latou?

2. O le ā le Malo o le Atua, ma e faapeʻī le olaga i le lalolagi pe a pule Iesu o se Tupu mo le afe tausaga?

3. E fia aso na faaali atu ai Iesu i ona soo, ma ua oo nei i le taimi mo Iesu e faia le ā?

4. A o lei tuua ona soo, o le ā na faapea atu ai Iesu ia latou faia?

5. O le ā o loo tupu i le ata, ma e faapefea ona ufitia Iesu ma le toe iloa atu o ia?

Fesili faaopoopo:

1. Faitau le 1 Korinito 15:3-8.

   Aiseā na mafai ai e le aposetolo o Paulo ona talanoa ma le mautinoa i le toetū o Iesu, ma o ā mea e mafai ona talanoa ma le mautinoa i ai Kerisiano i aso nei? (1 Kori. 15:4, 7, 8; Isa. 2:2, 3; Mata. 24:14; 2 Timo. 3:1-5)

2. Faitau le Galuega 1:1-11.

   O le ā le mamao na salalau atu ai le galuega talaʻi e pei ona valoia i le Galuega 1:8? (Galu. 6:7; 9:31; 11:19-21; Kolo. 1:23)

Tala 105

Faatalitali i Ierusalema

1. E pei ona faaalia i le ata, o le ā na tupu i soo o Iesu na faatalitali i Ierusalema?

2. O le ā se vaaiga na ofo ai mālo na asiasi atu i Ierusalema?

3. O le ā na faamatala atu e Peteru i tagata?

4. O ā faalogona o tagata ina ua uma ona latou faalogologo i a Peteru, ma o le ā na ia fai atu i a i latou e fai?

5. E toa fia tagata na papatiso i le Penetekoso e 33 T.A.?

Fesili faaopoopo:

1. Faitau le Galuega 2:1-47.

   1. (a) Na faapefea ona faaalia e upu a Peteru i le Galuega 2:23, 36, e tuuaʻia le nuu atoa o Iuta i le maliu o Iesu? (1 Tesa. 2:14, 15)

   2. (e) Na faapefea ona faia e Peteru se faataʻitaʻiga lelei i le faaaogaina lelei o le Tusi Paia? (Galu. 2:16, 17, 29, 31, 36, 39; Kolo. 4:6)

   3. (i) Na faapefea ona faaaoga e Peteru le uluai “ki o le malo o le lagi” lea na folafola atu e Iesu e avatu iā te ia? (Galu. 2:14, 22-24, 37, 38; Mata. 16:19)

Tala 106

Faasa‘oloto Mai le Falepuipui

1. O le ā na tupu a o o atu Peteru ma Ioane i le malumalu i le isi afiafi?

2. O le ā le tala a Peteru i se tamaloa pipili, ma o le ā na avatu e Peteru iā te ia lea e sili atu i tupe?

3. Aiseā ua feitai ai le au taʻitaʻi lotu, ma o le ā na latou faia i a Peteru ma Ioane?

4. O le ā na faapea atu ai Peteru i le au taʻitaʻi lotu, ma o le ā na faasa ona faia e le au aposetolo?

5. Aiseā ua loto leaga ai le au taʻitaʻi lotu, ma o le ā na tupu i le taimi lona lua na fale puipui ai le au aposetolo?

6. O le ā le tali a aposetolo ina ua avatu i latou i le fale o le au taupulega?

Fesili faaopoopo:

1. Faitau le Galuega 3:1-10.

   E ui ua lē toe tuuina mai ia i tatou le mana e faia ai vavega i aso nei, ae e faapefea ona fesoasoani upu a Peteru i le Galuega 3:6 ina ia tatou talisapaia le tāua o le feau o le Malo? (Ioa. 17:3; 2 Kori. 5:18-20; Fili. 3:8)

2. Faitau le Galuega 4:1-31.

   Pe a tatou feagai ma teteega i le faiva, o le ā le auala tatou te faaaʻoaʻo atu ai i o tatou uso Kerisiano i le uluai senituri? (Galu. 4:29, 31; Efe. 6:18-20; 1 Tesa. 2:2)

3. Faitau le Galuega 5:17-42.

   E faapefea i nisi tagata e lē o ni Molimau i aso ua teʻa ma i le taimi nei, ona latou faaalia le magafagafa i le galuega talaʻi? (Galu. 5:34-39)

Tala 107

Fetogi Setefano i Maa

1. O ai Setefano, ma o le ā na fesoasoani le Atua iā te ia e fai?

2. O le ā le tala a Setefano na atili ai ona feitai le au taʻitaʻi lotu?

3. Ina ua tosoina e tagata ia Setefano i tua o le aai, o le ā na latou faia iā te ia?

4. O ai le tamaloa o loo tu i tafatafa o ofu talaloa i totonu o le ata?

5. O le ā na tatalo atu ai Setefano i a Ieova a o lei oti o ia?

6. I le faaaʻoaʻo atu i a Setefano, o le ā e ao ona tatou faia pe a faia e se tasi se mea leaga i a i tatou?

Fesili faaopoopo:

1. Faitau le Galuega 6:8-15.

   O ā faiga taufaaʻoleʻole ua faaaoga e taʻitaʻi lotu ina ia taumafai e taofia ai le galuega talaʻi a Molimau a Ieova? (Galu. 6:9, 11, 13)

2. Faitau le Galuega 7:1-60.

   1. (a) O le ā na fesoasoani i a Setefano e molimau atu ai ma le uigā i le tala lelei i luma o le au taupulega, ma o le ā ua tatou aʻoaʻoina mai lana faaaʻoaʻoga? (Galu. 7:51-53; Roma 15:4; 2 Timo. 3:14-17; 1 Pete. 3:15)

   2. (e) O le ā le vaaiga e ao ona i a i tatou e faatatau i ē e tetee i la tatou galuega? (Galu. 7:58-60; Mata. 5:44; Luka 23:33, 34)

Tala 108

I Luga o le Ala i Tamaseko

1. O le ā na faia e Saulo ina ua mavae le fasiotia o Setefano?

2. A o alu atu Saulo i Tamaseko, o le ā le mea ofoofogia na tupu?

3. O le ā na taʻu atu e Iesu i a Saulo e fai?

4. O le ā le faatonuga a Iesu i a Anania, ma na faapefea ona toe vaai Saulo?

5. O le ā le igoa na iloa ai Saulo, ma na faapefea ona faaaogaina o ia?

Fesili faaopoopo:

1. Faitau le Galuega 8:1-4.

   Na faapefea ona salalau atu le faatuatuaga faa-Kerisiano ona o sauāga na oo i le faapotopotoga Kerisiano lea na faatoʻā faavaeina, ma o le ā se mea faapena ua tupu i aso nei? (Galu. 8:4; Isa. 54:17)

2. Faitau le Galuega 9:1-20.

   O le ā le tofiga vala tolu na faailoa atu e Iesu i a Saulo? (Galu. 9:15; 13:5; 26:1; 27:24; Roma 11:13)

3. Faitau le Galuega 22:6-16.

   E faapefea ona pei i tatou o Anania, ma aiseā e tāua ai? (Galu. 22:12; 1 Timo. 3:7; 1 Pete. 1:14-16; 2:12)

4. Faitau le Galuega 26:8-20.

   E faapefea i le liulotu o Saulo i le faa-Kerisiano ona avea ma faalaeiauga mo ē e lē talitonu a latou paaga i aso nei? (Galu. 26:11; 1 Timo. 1:14-16; 2 Timo. 4:2; 1 Pete. 3:1-3)

Tala 109

Asiasi Peteru iā Konelio

1. O ai le tamaloa o loo tootuli ma ifo e pei ona vaaia i le ata?

2. O le ā na faapea atu ai le agelu i a Konelio?

3. O le ā na faaali atu e le Atua i a Peteru a o iai i luga o le fale o Simona i Iopa?

4. Aiseā na fai atu ai Peteru i a Konelio e aua le ifo ma tapuai atu iā te ia?

5. Aiseā sa ofo tele ai le au soo Iutaia na o mai ma Peteru?

6. O le ā le lesona tāua e ao ona tatou aʻoaʻoina mai le asiasiga a Peteru i a Konelio?

Fesili faaopoopo:

1. Faitau le Galuega 10:1-48.

   O le ā ua faaalia e upu a Peteru i le Galuega 10:42 e faatatau i le galuega o le talaʻia o le tala lelei o le Malo? (Mata. 28:19; Mare. 13:10; Galu. 1:8)

2. Faitau le Galuega 11:1-18.

   O le ā le manatu o Peteru ina ua manino faatonuga a Ieova e faatatau i tagata o Nuu Ese, ma e mafai faapefea ona tatou mulimuli i lana faataʻitaʻiga? (Galu. 11:17, 18; 2 Kori. 10:5; Efe. 5:17)

Tala 110

Timoteo—Fesoasoani Fou a Paulo

1. O ai le tama talavou o loo i le ata, o fea e nofo ai, ma o ai igoa o lona tinā ma le tinā o lona tinā?

2. O le ā le tala a Timoteo ina ua fesili i ai Paulo pe e manao e latou te ō faatasi ma Sila e talaʻi i tagata i nuu mamao?

3. O fea na taʻua muamua ai lava soo o Iesu o Kerisiano?

4. O ā isi aai na asiasi i ai Paulo, Sila, ma Timoteo ina ua latou tuua Lusa?

5. Na faapefea ona fesoasoani Timoteo i a Paulo, ma o le ā le fesili e ao i talavou i aso nei ona fesili ifo iā i latou lava?

Fesili faaopoopo:

1. Faitau le Galuega 9:19-30.

   Na faapefea ona faaalia e le aposetolo o Paulo le faautauta ina ua fetaiaʻi ma teteega i le tala lelei? (Galu. 9:22-25, 29, 30; Mata. 10:16)

2. Faitau le Galuega 11:19-26.

   E faapefea ona faaalia e le tala i le Galuega 11:19-21, 26, o loo faatonutonuina e le agaga o Ieova le galuega talaʻi?

3. Faitau le Galuega 13:13-16, 42-52.

   E faapefea ona faaalia i le Galuega 13:51, 52 e lei faavaivai le ʻausoo ona o teteega? (Mata. 10:14; Galu. 18:6; 1 Pete. 4:14)

4. Faitau le Galuega 14:1-6, 19-28.

   E faapefea ona fesoasoani le faaupuga “ona la tuuina atu lea o i latou i le Alii” e aveesea ai le soona popole a o tatou fesoasoani atu i tagata fou? (Galu. 14:21-23; 20:32; Ioa. 6:44)

5. Faitau le Galuega 16:1-5.

   E faapefea i le lotomalie o Timoteo e peritomeina o ia ona faamatilatila ai le tāua o le faia o mea uma lava “ona o le tala lelei”? (Galu. 16:3; 1 Kori. 9:23; 1 Tesa. 2:8)

6. Faitau le Galuega 18:1-11, 18-22.

   O le ā ua faaalia e le Galuega 18:9, 10 e faatatau i le vaega o faia e Iesu i le faatonutonuina o le galuega talaʻi, ma o le ā ua tatou mautinoa ai ona o lena mea? (Mata. 28:20)

Tala 111

O se Tama na Moe

1. O ai le tama lena e i le palapala e pei ona vaaia i le ata, ma o le ā na tupu iā te ia?

2. O le ā na faia e Paulo ina ua iloa ua oti le tama?

3. O fea o loo agaʻi atu i ai Paulo, Timoteo ma ē o loo latou malaga faatasi, ma o le ā na tupu ina ua latou tutū i Meleto?

4. O le ā na lapatai atu ai le perofeta o Akapo i a Paulo, ma e faapefea ona tupu e pei lava ona taʻua e le perofeta?

Fesili faaopoopo:

1. Faitau le Galuega 20:7-38.

   1. (a) E faapefea ona tatou ‘mamā i le toto o tagata uma,’ e tusa ai ma upu a Paulo o loo tusia i le Galuega 20:26, 27? (Eseki. 33:8; Galu. 18:6, 7)

   2. (e) Aiseā e ao ai i toeaina ona “taofi mau i le upu moni” a o aʻoaʻo atu? (Galu. 20:17, 29, 30; Tito 1:7-9; 2 Timo. 1:13)

2. Faitau le Galuega 26:24-32.

   Na faapefea ona faaaoga e Paulo lona tulaga o se tagata Roma e faataunuu ai le tofiga o le talaʻiga lea na maua mai i a Iesu? (Galu. 9:15; 16:37, 38; 25:11, 12; 26:32; Luka 21:12, 13)

Tala 112

Ua Tuʻia le Vaa i se Motu

1. O le ā na tupu i le vaa na iai Paulo a o ui ane i le motu o Kereta?

2. O le ā na fai atu ai Paulo i ē na i luga o le vaa?

3. Na faapefea ona tuʻia le vaa?

4. O le ā na fai atu ai le taʻitaʻi au, ma e toafia tagata na taunuu ma le manuia i le matafaga?

5. O le ā le igoa o le motu na taunuu i ai, ma o le ā na tupu i a Paulo ina ua lelei le tau?

Fesili faaopoopo:

1. Faitau le Galuega 27:1-44.

   E faapefea ona faamalosia lo latou mautinoa i le saʻo aʻiaʻi o faamaumauga o le Tusi Paia pe a tatou faitau i le tala o le folauga a Paulo i Roma? (Galu. 27:16-19, 27-32; Luka 1:3; 2 Timo. 3:16, 17)

2. Faitau le Galuega 28:1-14.

   Pe afai na “maʻeu lava le alolofa” o tagata faapaupau o Melita i le aposetolo o Paulo ma ē na latou afātia faatasi, o le ā la e ao ona faaalia e Kerisiano ma i le ā le auala e faaalia ai? (Galu. 28:1, 2; Epe. 13:1, 2; 1 Pete. 4:9)

Tala 113

Paulo i Roma

1. O ai na talaʻi i ai Paulo a o avea o se pagota i Roma?

2. O ai le tagata asiasi lena e tusitusi e pei ona vaaia i le ata, ma o le ā ua ia faia mo Paulo?

3. O ai Epaferoti, ma o le ā na alu ma ave ina ua toe foi i Filipi?

4. Aiseā na tusia ai e Paulo se tusi i lana uo mamae o Filemoni?

5. O le ā na faia e Paulo ina ua saoloto o ia, ma o le ā na tupu mulimuli ane iā te ia?

6. O ai na faaaoga e Ieova e tusia tusi mulimuli o le Tusi Paia, ma o le ā o loo faamatalaina e le tusi o Faaaliga?

Fesili faaopoopo:

1. Faitau le Galuega 28:16-31 ma le Filipi 1:13.

   Na faapea ona faaaoga e Paulo lona taimi a o saisaitia i Roma, ma o le ā le aafiaga o lona faatuatua malosi i le faapotopotoga Kerisiano? (Galu. 28:23, 30; Fili. 1:14)

2. Faitau le Filipi 2:19-30.

   O ā faaupuga talisapaia na faia e Paulo e faatatau i a Timoteo ma Epaferoti, ma e faapefea ona tatou mulimuli i le faaaʻoaʻoga a Paulo? (Fili. 2:20, 22, 25, 29, 30; 1 Kori. 16:18; 1 Tesa. 5:12, 13)

3. Faitau le Filemoni 1-25.

   1. (a) Na ʻaiʻoi atu Paulo i a Filemoni ina ia fai le mea tonu ona o le ā, ma e faapefea ona avea lenei mea ma taʻiala mo toeaina i aso nei? (File. 9; 2 Kori. 8:8; Kala. 5:13)

   2. (e) E faapefea i upu a Paulo i le Filemoni 13, 14 ona faaalia ai lona manatu mamafa i lotofuatiaifo o isi i le faapotopotoga? (1 Kori. 8:7, 13; 10:31-33)

4. Faitau le 2 Timoteo 4:7-9.

   I le pei o le aposetolo o Paulo, e faapefea ona tatou mautinoa o le a tauia i tatou e Ieova pe a tatou tumau ma le faamaoni seʻia oo i le iʻuga? (Mata. 24:13; Epe. 6:10)

Tala 114

Iʻuga o Mea Leaga Uma

1. Aiseā o loo tautala ai le Tusi Paia i solofanua i le lagi?

2. O le ā le taʻu o le taua a le Atua e tau ai ma tagata leaga i le lalolagi, ma o le ā le fuafuaga o lenei taua?

3. Vaai i le ata, o ai Lē o loo taʻitaʻia le taua, aiseā ua pale ai o ia i se pale, ma o le ā le uiga o lana pelu?

4. Pe a toe vaai i le Tala 10, 15 ma le 33, aiseā tatou te le tetei ai i le manatu o le a faaumatia e le Atua tagata leaga?

5. E faapefea ona faaalia e le Tala 36 ma le 76 o le a faaumatia e le Atua tagata leaga tusa lava pe fai mai e tapuai iā te ia?

Fesili faaopoopo:

1. Faitau le Faaaliga 19:11-16.

   1. (a) E faapefea ona faamanino mai e le Tusi Paia, o Iesu Keriso o lē o loo tietie i le solofanua sinasina? (Faaa. 1:5; 3:14; 19:11; Isa. 11:4)

   2. (e) E faapefea i le toto lea ua fufui ai le ofu o Iesu ona fai ma faamautinoaga e faapea e matuā tāua ma atoatoa lona manumalo? (Faaa. 14:18-20; 19:13)

   3. (i) O ai e lē taumatea o le a aofia ai i ʻautau e mulimuli atu i a Iesu i lana solofanua sinasina? (Faaa. 12:7; 19:14; Mata. 25:31, 32)

Tala 115

Parataiso Fou i le Lalolagi

1. O ā tulaga ua faailoa mai e le Tusi Paia o le a tatou olioli ai i le Parataiso i le lalolagi?

2. O le ā le folafolaga a le Tusi Paia mo i latou o le a ola i le Parataiso?

3. O ā fea o le a aumai ai e Iesu lenei suiga matagofie?

4. A o i ai Iesu i le lalolagi, o le ā na ia faia e faaalia ai mea o le a ia faia pe a avea o ia ma Tupu o le Malo o le Atua?

5. O le ā o le a faamautinoaina e Iesu ma ē pule faatasi ma ia i le lagi, pe a latou pulea le lalolagi mai le lagi?

Fesili faaopoopo:

1. Faitau le Faaaliga 5:9, 10.

   Aiseā e mafai ai ona tatou mautinoa o ē o le a puleaina le lalolagi i le Pulega o le Afe Tausaga o le a avea ma tupu ma ositaulaga e tigāalofa ma alofa mutimutivale? (Efe. 4:20-24; 1 Pete. 1:7; 3:8; 5:6-10)

2. Faitau le Faaaliga 14:1-3.

   O le ā ua faaalia i le mea moni e faapea ua tusia le suafa o le Tamā ma le Tamaʻi Mamoe i muaulu o le 144,000? (1 Kori. 3:23; 2 Timo. 2:19; Faaa. 3:12)

Tala 116

Faapefea Ona Tatou Ola e Faavavau

1. O le ā e manaomia ona tatou iloa ina ia maua ai le ola e faavavau?

2. E faapefea ona tatou aʻoaʻoina e uiga i a Ieova ma Iesu, e pei ona faaalia e le teine itiiti ma ana uo o loo i le ata?

3. O le ā le isi tusi lenā o loo e vaaia i le ata, ma aiseā e ao ai ona tatou faitauina e le aunoa lena tusi?

4. O le ā le isi mea e manaomia e maua ai le ola e faavavau e faaopoopo atu i le iloaina o Ieova ma Iesu?

5. O le ā le lesona tatou te aʻoaʻoina mai le Tala e 69?

6. O le ā ua faaalia e le faaaʻoaʻoga lelei i le Tala e 55 a o tama itiiti Samuelu?

7. E faapefea ona tatou mulimuli i le faataʻitaʻiga a Iesu Keriso, ma afai tatou te mulimuli i ai, o le ā e mafai ona tatou faia i le lumanaʻi?

Fesili faaopoopo:

1. Faitau le Ioane 17:3.

   E faapefea ona faaalia e le Tusi Paia o le iloaina o Ieova le Atua ma Iesu Keriso e lē na o le tau lava ina aʻo faatauloto ni faamatalaga? (Mata. 7:21; Iako. 2:18-20; 1 Ioa. 2:17)

2. Faitau le Salamo 145:1-21.

   1. (a) O ā ni māfuaaga tatou te viia ai Ieova? (Sala. 145:8-11; Faaa. 4:11)

   2. (e) E faapefea ona “agalelei mai Ieova i mea uma,” ma e faapefea ona tatou vavalalata atili ai iā te ia ona o lena mea? (Sala. 145:9; Mata. 5:43-45)

   3. (i) Afai e pele Ieova i a i tatou, o le ā o le a uunaia i tatou e fai? (Sala. 119:171, 172, 175; 145:11, 12, 21)