Faatomuaga o le Vaega 2

Aiseā na aumaia ai e Ieova se lolo na faaumatia ai tagata i lenā taimi? I le amataga lava o le talafaasolopito o tagata, na amata ai se feteenaʻiga i le va o le lelei ma le leaga. Na filifilia e nisi e pei o Atamu, Eva, ma la laʻua tama o Kaino le leaga. Ae e toʻaitiiti na filifilia le lelei, e pei o Apelu ma Noa. E toetoe o tagata uma na matuā leaga, o lea na faaumatia ai e Ieova na tagata amioleaga. O le a fesoasoani lenei vaega iā i tatou e aʻoaʻoina ai o loo silasila mai Ieova po o lē fea itu e tatou te filifilia, ma e na te lē faatagaina le leaga e faatoʻilaloina le lelei.