O le ā se Mea e Tatou te Foaʻi Atu iā Ieova?

NA FETALAI Iesu: “E sili le fiafia e maua i le foaʻi atu i lo o le talia mai.” (Galu. 20:35) O lenei upu moni e mafai ona faatatau i la tatou faiā ma Ieova. Aiseā? Talu ai e tele meaalofa ua foaʻi mai e Ieova e tatou te maua ai le fiafia, ae e sili atu lo tatou fiafia pe a tatou foaʻi atu iā Ieova se meaalofa. O le ā lenā meaalofa? O loo taʻua i le Faataoto 3:9: “Ia e āva iā Ieova i au ʻoa.” O a tatou “ʻoa” e aofia ai o tatou taimi, tomai, malosi ma a tatou meafaitino. Pe a tatou faaaogā nei mea uma e faaauiluma ai le tapuaʻiga moni, ua tatou foaʻi atu la iā Ieova se meaalofa, ma o le a tatou maua ai le tele o le fiafia.

Pe a faaaogā a tatou meafaitino, o le ā e fesoasoani iā i tatou ina ia aua neʻi galo ona foaʻi atu se meaalofa mo Ieova? Na taʻu atu e le aposetolo o Paulo i le faapotopotoga i Korinito ina ia “tuu ese se mea” e fai ai se foaʻi. (1 Kori. 16:2) O le ā e mafai ona e faia pe a e fia iloa atili auala e fai ai foaʻi tauofo i lou vaipanoa? Faamolemole tagaʻi i le pusa o loo sosoo mai.

E lē mafai ona faia foaʻi i le Initaneti i atunuu uma. Peitaʻi, e maua faamatalaga e faatatau i isi auala e faia ai foaʻi i le itulau mo foaʻi. I nisi atunuu, e maua i lenā itulau tali o fesili e masani ona lāgā e faatatau i foaʻi.