Autaluga o le Aʻoga o le Faiva Faatiokarate
O fesili o loo mulimuli mai o le a talanoaina i le Aʻoga o le Faiva Faatiokarate i le vaiaso e amata iā Aokuso 25, 2014.
E faapefea ona fesoasoani le Levitiko 18:3 iā i tatou, e ʻalofia ai le mulimuli i tapulaa a le lalolagi e tusa ai o le saʻo ma le sesē? (Efe. 4:17-19) [Iulai 7, w02 2/1 itu. 29 pala. 4]
O le ā e tatou te aʻoaʻoina mai i le poloaʻiga i le Levitiko 19:2, ma aiseā e tatau ai ona tatou usitaʻia? [Iulai 7, w09 7/1 itu. 9 pala. 5]
O le ā e tatou te aʻoaʻoina mai i le mataupu silisili na faavae mai i le tulafono e aoina ai mea sa totoe mai i le seleselega? (Levi. 19:9, 10) [Iulai 7, w06 6/15 itu. 22-23 pala. 13]
Aiseā e lē lagolagoina ai e le tulafono o le sui o le “mata i le mata” le tauimasui? (Levi. 24:19, 20) [Iulai 14, w09 9/1 itu. 22 pala. 2-3]
O ā tulaga na sesē ai mo tagata Isaraelu le tāpā o ni totogi faasili, ae o le ā le taimi sa mafai ai ona tāpā se totogi faasili? (Levi. 25:35-37) [Iulai 21, w04 5/15 itu. 24 pala. 4]
Aiseā e masani ona faapea mai ai e 12 ituaiga o Isaraelu, ae o le mea moni e 13 ituaiga na iai? (Nu. 1:49, 50) [Iulai 28, w08 7/1 itu. 21]
O le ā se lesona e tatou te aʻoaʻoina mai i le faaalia o le manatu mamafa i ē matutua, mai i le ʻau sa Levī ma la latou auaunaga o loo i le Numera 8:25, 26? [Aoku. 11, w04 8/1 itu. 25 pala. 1]
O le ā na māfua ai ona muimui le nuu o Isaraelu ina ua uma ona aumaia faavavega i latou mai i Aikupito, ma o le ā le lesona e tatou te aʻoaʻoina mai ai? (Nu. 11:4-6) [Aoku. 18, w95 3/1 itu. 16 pala. 10]
O le ā tatou te aʻoaʻoina mai i le auala na tali atu ai Mose ina ua amata gaoioi Elitato ma Metato pei ni perofeta? (Nu. 11:27-29) [Aoku. 18, w04 8/1 itu. 26 pala. 4]
O le ā le mataupu silisili tāua tatou te aʻoaʻoina mai i le faatonuga na avatu iā Isaraelu, ia “suʻi ni fele i le pito i lalo o o latou ofu”? (Nu. 15:37-39) [Aoku. 25, w04 8/1 itu. 26 pala. 7]