Faaleleia o o Tatou Tomai i le Faiva​—Molimau Atu i se Tasi e Tautala i se Isi Gagana

Māfuaaga e Tāua Ai: E naunau Ieova i le tulaga faaleagaga o tagata “i nuu uma lava.” (Galu. 10:34, 35) O lea, na faailoa mai e Iesu o le a talaʻiina le tala lelei “i le lalolagi atoa” ma “atunuu uma.” (Mata. 24:14) Sa valoia e Sakaria o tagata o “gagana uma a atunuu eseese” o le a tali mai. (Saka. 8:23) E tusa ai ma le vaaiga a le aposetolo o Ioane, o i latou e faasaoina mai i le puapuaga tele, e aofia ai ē e mai “i atunuu uma, ma ituaiga, ma nuu, ma gagana.” (Faaa. 7:9, 13, 14) E tusa ai la ma nei manatu, pe a tatou feiloaʻi i le oganuu i se tagata e ese le gagana e tautala ai, ia taumafai e molimau atu iā te ia.