Manatuaina o Mau

Pe na iai se taimi na e fiu ai e mafaufau se mau o le Tusi Paia na e fiafia i ai? Atonu o se mau na faamāfanafanaina ai oe, fesoasoani e faasaʻo ai mafaufauga sesē, pe na e manaʻo foʻi e faasoa atu i se isi. (Sala. 119:​11, 111) Ia mātau nisi o fautuaga e fesoasoani iā te oe e manatua ai mau.

• Faaaogā le tag o loo i le polokalame o le JW Library^®. Ia fai se tag ma faaigoa “Mau Ou te Fiafia Ai,” ona sefe lea i lenā vaega o so o se mau e te manaʻo e manatua.a

• Faapipii le mau i se mea e faigofie ona e iloa atu. Ia tusi i se fasi pepa le mau o loo e manaʻo e manatua, ma tuu i se vaega e faigofie ona e iloa atu. O nisi e latou te faapipiiina i luma o a latou faata, po o luma foʻi o le pusa aisa. A o isi e latou te puʻeina se ata o se mau e fiafia i ai, ma sefe i a latou komepiuta po o telefoni feaveaʻi e fai ma screen saver.

• Ia tusi i ni tamaʻi cards. E mafai ona e faia ni cards po o ni tamaʻi pepa malō, lea e tusi ai i le isi itu le mau ae tusi i le isi itu faaupuga o le mau. Pe a uma, e mafai ona e tilotilo i le pito o loo iai le mau ma e taumafai e mafaufau po o ā faaupuga o le mau, pe e te vaai foʻi i le pito o loo iai faaupuga o le mau, ona taumafai lea e mafaufau po o fea le tusi o le Tusi Paia e maua ai.