Misangano Yebasa yaJanuary
Vhiki Rinotanga naJanuary 3
5 min: Zviziviso zvomunzvimbomo. Simbisai nokupfupikisa mapfundo ari mumagazini.
15 min: “Unorangarira Sei Horo Yenyu yoUmambo?” Kurangarirwa nemibvunzo nemhinduro kwendima 1-17. Itai kushandiswa kwomunzvimbomo kwamashoko acho. Kana ungano yenyu iri kuronga kuvaka, simbisai kudikanwa kwokusvika Dare Rokuvaka Romunharaunda pamavambo pamene pegadziriro dzenyu. Simbisai mitoo youbati ushe hwaMwari yokuwana nayo mari yokuvaka. (Onai wedzero yaJanuary 1994, ndima 13 ne 14.)
10 min: Mukuru kana kuti mubatiri anoshumira (uyo akaita upiona hwebetsero munguva yakapfuura) achapa hurukuro pfupi inokurudzira vaparidzi kufunga zvakanaka nezvokuita upiona hwebetsero mumwedzi waApril. Ipapo bvunzurudzai hama nehanzvadzi dzinoverengeka dzakaita upiona hwebetsero muna 1993.
15 min: “Kubetsera Vamwe Kunzwisisa Ukoshi Hwezvinyorwa Zvedu.” Kurukurai nyaya yacho neungano. Ivai nemienzaniso mipfupi pashure pendima 3 ne 4. Zivisai vaparidzi nezvezvinyorwa zvamapeji 192 ungano inazvo mudura. Kana ungano isina mabhuku ekare, enzanisirai kushandiswa kwebhuku raRugare Rwechokwadi Nokuchengeteka, pashure pekurukurirano yendima 5.
Rwiyo 116 nomunyengetero wokugumisa.
Vhiki Rinotanga naJanuary 10
10 min: Zviziviso zvomunzvimbomo neZviziviso zvakafanira zvomuHushumiri Hwedu hwoUmambo.
15 min: Wakagadzirira Here Kutarisana Nomugariro Wokurapwa Unodenha Kutenda? Hurukuro inonyandura inokurukurwa nomukuru anokwanisa yokubetsera hama kunzwisisa ukoshi hunodzivirira hwekadhi reAdvance Medical Directive/Release. Kwakashumwa nenzira yakarurama kuti makadhi akawanda eAdvance Medical Directive/Release anotakurwa navaparidzi navamwe vakuru navabatiri vanoshumira haana kusainwa zvakafanira, haana kupupurirwa uye haasati achiwirirana nomusi. Itai kuti makadhi matsva aparadzirwe kuvaparidzi vakabhapatidzwa bedzi, ipapo rangarirai tsamba yenhungamiro pakuzadza makadhi acho yaJanuary 1, 1991. Zivisai hama KUSAZADZA makadhi ipapo chaipo asi kuenda nawo kumusha, kurangarira nokunyengetera kudikanwa kwawo, ipapo kuazadza. Asi MUSASAINA kadhi racho ipapo. Unzai kadhi rakazadzwa kuFundo yeBhuku yeUngano inotevera, uko vakuru vachabatsira mukuona kuti makadhi anosainwa, anopupurirwa, uye anoiswa musi. Muitisi weFundo yeBhuku yeUngano achashandisa ndaza inowirirana nomusi kuti ave nechokwadi chokuti vose vari muboka rake vanopupurirwa. (Vabereki vakabhapatidzwa vanogona kuyamurwa mukuzadza maIdentity Card avana vavo.) Munhu upi noupi anopotsa fundo yebhuku iyoyo anogona kungobatsirwa navaitisi/vakuru paMusangano Webasa unotevera kutozosvikira vaparidzi vose vakabhapatidzwa vaita kuti makadhi avo azadzwe zvakafanira ndokusainwa. Vakuru vanofanira kuva nendaza yavapi navapi vanosara ndokuedza kupedza makadhi ose nokukurumidza sezvinobvira.
20 min: “Kudzokera Kundovaka Nzwisiso.” Kurukurirano navateereri. Kana vaparidzi vari kushandisa zvinyorwa zvekare, enzanisirai kuti shanyo yedzokerero ingaitwa sei pamunhu akagamuchira rimwe ramabhuku iwawo. Kana zvisina kudaro, enzanisirai shanyo yedzokerero pamumwe munhu akagamuchira bhuku raRugare Rwechokwadi Nokuchengeteka, muchishandisa zvikarakadzo zviri mundima 5.
Rwiyo 154 nomunyengetero wokugumisa.
Vhiki Rinotanga naJanuary 17
10 min: Zviziviso zvomunzvimbomo nomushumo weakaunzi. Batanidzai kubvumwa kwokugamuchirwa kwemipiro. Taurai kuonga tsigiro yezvemari yavaparidzi yemibato yeSosaiti pamwe chete neiyo yeungano. Yeuchidzai vapi navapi vachigere kuzadza kadhi ravo reAdvance Medical Directive/Release kuita izvozvo ipapo chaipo kupfurikidza nokusvika muitisi wavo weFundo yeBhuku yeUngano kana kuti mumwe wavamwe vakuru.
20 min: “Kushanda Ndima Inowanzofukidzwa.” Kufukidzwa nemibvunzo nemhinduro kunotungamirirwa nomutariri webasa. Muungano dzine ndima inowanzofukidzwa, ratidzirai muenzaniso weimwe yesumo dzebhuku raKurangarira dzinonongedzerwa kwadziri mundima 4 ne 5 pamwe chete neimwe sumo yakafanira inotorwa mundima 6 ne 7 kana kuti zvimwe inogadzirirwa zvikurukuru nokuda kwendima yomunzvimbomo. Muungano dzisingawanzofukidza ndima yadzo, dzimwe sumo dzakakodzera dzinobva mubhuku raKurangarira dzinofanira kuratidzirwa mumienzaniso yacho.
15 min: “Unorangarira Sei Horo Yenyu yoUmambo?” Kurukurirano yemibvunzo nemhinduro yendima 18-36. Simbisai kudikanwa kwebatira pamwe kana Horo yoUmambo yenyu ichishandiswa neungano dzinopfuura imwe. Kurukurai pfundo pamusoro pokuti nguva dzemisangano dzinosarudzwa sei.
Rwiyo 176 nomunyengetero wokugumisa.
Vhiki Rinotanga naJanuary 24
5 min: Zviziviso zvomunzvimbomo. Kurudzirai vose kuva negoverano mubasa romumunda vhiki rino. Zivisai gadziriro dzeungano dzebasa romumunda.
10 min: Bhokisi Remibvunzo. Hurukuro, nokutora rutivi kwavateereri. Betserai vose kunzwisisa chikonzero nei zvinhu zvichifanira kutarisirwa sezvarongwa mundima nhatu dzokutanga. Panhambo nenhambo Sosaiti inogamuchira runhare netsamba zvinobva kuvanasaimba vakatsamwa vanotaura kuti vakaraidza Zvapupu zvaJehovha panhambo dzinoverengeka kusashanyira masuo avo, bva zvinoramba zvichishanya. Naizvozvo, pakupinda mubasa rapaimba neimba, tinofanira kuva nechokwadi chokunzvera emvuropo yendima ndokucherechedza misha uko takakumbirwa kusashanya.
15 min: “Ungaparadzira Runyerekupe Here?” Nharireyomurindi, February 15, 1985, mapeji 20-23. Hurukuro yakasanogadzirirwa inofanira kukurukurwa ichibva muaya mashoko. Kana kuti zvinodikanwa zvomunzvimbomo.
15 min: Mubato Womumunda weUngano. Mutariri webasa nomumwe mukuru vanohwirudzura mubato weungano wemwedzi mina yapfuura. Chikamu chimwe chezvitatu chegore rebasa chapfuura (September-December). Ungano iri kuita sei? Ipai rumbidzo yapachokwadi munharaunda umo ungano iri kuita zvakanaka. Dudzaiwo nharaunda umo ungano ingagona kuvandudza, uye ipai zvikarakadzo zvinoshanda. Batanidzai chinoitika chimwe kana kuti zviviri zvipfupi zvinokurudzira zvomumunda zvinobva mumwedzi mina yokutanga yegore rebasa. Gumisai nomurangariro wakanaka, unovaka. Mufaro waJesu wakabva mukuita ushumiri hwake. Isuwo tichawana mufaro mukuru mukuramba takabatikana mubasa iro Jehovha akatipa.—Johane 4:34; 1 VaK. 15:58.
Rwiyo 179 nomunyengetero wokugumisa.
Vhiki Rinotanga naJanuary 31
5 min: Zviziviso zvomunzvimbomo. Kurudzirai vose kukurumidza kutanga mubasa romumunda kupfurikidza nokutora rutivi kupera kuno kwevhiki. Mungapa zvikarakadzo zvinoshanda zvokugovera magazini azvino.
10 min: Goverai Iwe Unogona Kurarama Nokusingaperi muParadhiso Pasi pano Paimba Neimba. Hurukuro pfupi ine mbavarira paukoshi hwakabvumikiswa hwebhuku racho mukubetsera vanhu kuziva ndokunamata Jehovha. Enzanisirai kuti muparidzi angashandisa sei zvikarakadzo zviri muichi chinyorwa choHushumiri Hwedu hwoUmambo kugadzirira kushandisa iri bhuku mubasa romumunda.
20 min: “Kupinda Misangano—Mutoro Wakakomba.” Kufukidza nemibvunzo nemhinduro. Pamusoro pendima 2, bvunzurudzai vaparidzi vakakurira mhinganidzo kuti vapinde misangano pahwaro hwenguva dzose.
10 min: Hurukuro inokurukurwa nomukuru paunoti “Iva Nomurangariro Wakarurama Wengoni dzaMwari,” yakavakirwa paNharireyomurindi, October 1, 1993, mapeji 22-5.
Rwiyo 188 nomunyengetero wokugumisa.