Zviziviso
◼ Mabhuku anogoverwa nokuda kwaJanuary: Rugare Rwechokwadi Nokuchengeteka kana kuti bhuku ripi neripi ramapeji 192 nokuda kwe$5,50. Bhuku ripi neripi ramapeji 192 rakatsikirirwa papepa rinobva ruvara rinogona kugoverwa nokuda kwomutengo wakaderedzwa we$3,00. (Ikoku kunoshanda kuvose vari vaviri vaparidzi namapiona.) Ungano dzingakumbira kubvisirwa chikwereti chaaya mabhuku paS-20 yadzo pamugumo waJanuary. February: Iwe Unogona Kurarama Nokusingaperi muParadhiso Pasi pano nokuda kwe$16,50 (chinyorwa chiduku: $8,30). March: Mibvunzo Inobvunza Vechiduku—Mhinduro Dzinoshanda nokuda kwe$8,30 kana kuti Zvakazarurwa—Mugumo Wazvo Une Mbiri Wava Pedyo! nokuda kwe$16,50. April naMay: Kuzvinyoresa kuNharireyomurindi nokuda kwe$27,50 nokuda kwegore rimwe kana kuti $13,75 nokuda kwemwedzi mitanhatu.
◼ Ungano dzinofanira kuita gadziriro dzakakodzera dzeChirangaridzo, icho chichachengetwa gore rino paChitanhatu, March 26, pashure pokuvira kwezuva. Nepo kuchidikanwa kuti ungano imwe neimwe ive nokuchengeta kwayo imene kweChirangaridzo, ikoku kungasava kunobvira nguva dzose. Uko chiverengero chakati cheungano kazhinji kazhinji chinoshandisa Horo yoUmambo imwe cheteyo, kungava kwakanakisisa kuti ungano imwe kana kuti dzinopfuura dzishandise imwe nzvimbo nokuda kwamadekwana iwayo. Chirangaridzo hachifaniri kunonoka zvikuru kutanga zvokuti vanhu vachangobva kufarira vanokuona kusina kukodzera kupinda. Uyezve, rudungwe harufaniri kuva rwakaoma kwazvo zvokuti hapana nguva pamberi kana kuti pashure pokuchengeta yokukwazisa vashanyi, yokuita gadziriro dzorubatsiro rwomudzimu runopfuuridzirwa nokuda kwavakati kuti, kana kuti yetsinhano yenguva dzose yekurudziro pakati pavose varipo. Pashure pokusanorangarira zvinhu zvose, vakuru vanofanira kusarudza kuti igadziriroi dzichabetsera zvakanakisisa vose vanopinda Chirangaridzo kuti vabetserwe zvizere nenhambo yacho.
◼ Kutanga muna February, uye pasati pari pashure paMarch 6, hurukuro yavose itsva yavatariri vamatunhu ichava “Kugomera Kwechisiko Chohunhu—Kuchaguma Rini?”
◼ Hurukuro chaiyo yavose yenhambo yeChirangaridzo cha 1994 ichakurukurwa munyika yose paSvondo, April 10. Musoro wehurukuro yacho uchava “Rudzidziso Rwuri Kukundikanisa Chaunga Chavanhu Here?” Ndaza ichagoverwa. Ungano dziye dzine shanyo yomutariri wedunhu, gungano redunhu, kana kuti zuva chairo regungano kupera ikoko kwevhiki dzichava nehurukuro chaiyo vhiki rinotevera racho. Hapana ungano inofanira kuva nehurukuro chaiyo pamberi paApril 10.
◼ CHIZIVISO CHAICHO: Chitanhatu, April 2, 1994 richava ZUVA CHAIRO RAMAGAZINI muungano dzose namapoka ari oga muZimbabwe. Zvino ndiyo nguva yokutanga kuita gadziriro dzokutsigira zvizere uyu mubato. Odhai zvino kana muchizoda magazini omuraudzo. Panguva nenguva, zivisai iri zuva chairo kuungano yenyu. Mutariri webasa, netsigiro uye batira pamwe yavabatiri vose, achaita gadziriro dzokukurumidza nokuda kweiyi nhambo. Zvinhu zvakawanda, kubatanidza ndima yakakwana, zvichafanira kurongwa.
◼ Ruramiso: Vhiki rimwe rakasvetukwa mufundo yebhuku yevhiki rokutanga raNovember naizvozvo ungano dzose dzakanga dziri pamberi nevhiki rimwe kana dzakaitisa uyu musangano vhiki nevhiki. Kutsiva vhiki rakapotswa, tatanga mwedzi waJanuary nevhiki rokupedzisira raDecember. Kana ungano yenyu yakanga ichiva nomusangano nguva dzose ikoku kunofanira kukuwiriranisai nomusi. Tine urombo nokuda kweiyi mhosho.
◼ Kopi imwe yapachena yeYearbook 1994 (vanogona kurava chiNgezi) uye imwe yaKunzvera Magwaro ichapiwa mapiona ose enguva dzose, mapiona chaiwo, vatariri vanofambira, uye mitezo yeBheteri kana vave vari mubasa renguva yakazara kweinenge mwedzi mitanhatu panosvika January 1.
◼ Zviri mudura zvakare muZimbabwe: ChiNgezi: Jehovah’s Witnesses—Proclaimers of God’s Kingdom, $44,00—(mugove muduku uchasvika. Kana ungano yenyu ichida zvimwe, tapota odhai paS-14 yakaparadzana. Tichavavarira kuagovera zvakanakisisa sezvatinogona). Shona: Kuita Kuti Upenyu Hwenyu Hwemhuri Hufadze. Ungano dzichada kuita odha dzadzo zvino sezvo tichava tichifunda iri bhuku pafundo yebhuku yeungano nokukurumidza.
◼ Zvinhu zvitsva zviri mudura: ChiNgezi: Makaseti eVhidhiyo: The Bible—Accurate History, Reliable Prophecy—(muparidzi: $88,00; piona: $66,00).