Ramangwana Riri Mumaoko Ako

Makore 3 500 apfuura, Mwari akaudza vanamati vake zvavaifanira kuita kuti vave neramangwana rakanaka. Akati: “Ndaisa upenyu nerufu pamberi pako, uye chikomborero nekutukwa; saka unofanira kusarudza upenyu kuti urarame, iwe nevana vako.”—Dheuteronomi 30:19.

Kuti vave neramangwana rakanaka, vanhu ivavo vaitofanira kuita zvisarudzo zvakanaka. Ndizvo zvatinofanirawo kuita mazuva ano. Bhaibheri rinotiudza kuti tinosarudza sei ramangwana rakanaka. Rinoti: ‘Ida Jehovha Mwari wako, uye teerera inzwi rake.’—Dheuteronomi 30:20.

TINOSVIKA SEI PAKUDA JEHOVHA UYE TINOTEERERA SEI INZWI RAKE?

DZIDZA BHAIBHERI: Kuti usvike pakuda Jehovha unofanira kutanga wadzidza nezvake kubva muBhaibheri. Paunodaro, uchaona kuti ndiMwari ane rudo uye anoda kuti zvikufambire zvakanaka. Anoda kuti unyengetere kwaari, ‘nekuti ane hanya newe.’ (1 Petro 5:7) Bhaibheri rinotivimbisa kuti kana ukashanda nesimba kuti uswedere pedyo naye, ‘achaswederawo pedyo newe.’—Jakobho 4:8.

SHANDISA ZVAUNODZIDZA: Tinoteerera Mwari patinotevedzera mazano ake ari muBhaibheri. Paunodaro, “zvinhu zvichakufambira zvakanaka, uye uchava akachenjera.”—Joshua 1:8.