Rwiyo 133

Kudyara Mbeu yoUmambo

(Mateo 13:4-8, 19-23)

1. Huyai, imi varanda vaMwari

Makamupa mwoyo yenyu.

Huyai kubasa ramakapiwa;

Fambai munzira dzaShe.

Paradzirai mbeu dzezvokwadi

Paivhu rinobereka

Michero yerumbidzo, mukashanda

Muchigoverana mumunda.

2. Dzimwe mbeu dzingawira panzira,

“Shiri” dzaSatani dzodya;

Dzimwe dzowira parukangarabwe,

Ndokuoma nokupiswa.

Funganyo, ruchiva, minzwa yovhunga

Mbeu dzisati dzakura.

Zvisinei dzimwe mbeu dzowira

Pavhu kwaro rakanakisa.

3. Kuwira kwembeu paivhu kwaro

Kunotsamira pauri.

Neshiviro, norudo, dzinga “shiri,”

Nokuderedza dambudzo.

Nokusvinurira dzivisa minzwa,

Nounyoro noushingi.

Nomufaro tokarira kukohwa

Zvizhinji kana zvinezana.