Ikanyi yɛ Ndjambe lá nkambo djɛ looko yewɔ mo?

1. Ndjambe nyotonge looko la nke?

Yehova apɛyɛka anto looko. Ewɔ nde mbandja y’isoko. Ndjambe atatongá Adama l’Eva, anto ape wa ntondo, djɛ iwɔ ndjalá l’olongo, nkambo Ndjambe asiyɛka ntonga andjelo ntondo djɛ iwɔ ndjalá l’olongo. (Djɔbɔ 38:4, 7) Ndjambe nyotshike onto wɛ ntondo nde lá paradiso k’osasa ɛnɛ yetaká amɔ ewolo kɛ Edene. (Ewangelo 2:15-17) Yehova apɛyɛka Adama la wana wɛ ndeko mbamba kɛ iwɔ ndjalá la lowiko l’itshinda lá looko.​—Tangá Yeembo 37:29; 115:16.

Ma bangobango, ngo ewolo ke Edene nde loyalaki paradiso. Ndjambe asimelaka mpame la womoto wɛ ntondo ante walodjɛ looko la wana w’iwɔko. Ma mbisa, wayalaka la djɛ ndjapamela la nkadjimola looko l’otondo paradiso. (Ewangelo 1:28) Lako onto wongopitá looko lofu ɔmɔtshi; longotshikala itshinditshinda mbandja y’anto.​—Tangá Yeembo 104:5.

Lenda video Ndjambe nyotonge looko la nke?

2. Looko yopakɔ paradiso lɔko kɛnɛ la nke?

Adama l’Eva watokelá Ndjambe, ko Yehova aposɛka m’Edene. Ko Paradiso yombotshɔ. Ma wíná ɔkɔ, lako onto lombokoká nkaloyɛ Paradiso kankina. Bible ante: “Wambotshiká looko l’ewɔ w’anto wa losele.”​—Djɔbɔ 9:24.​—Tangá Ewangelo 3:23, 24.

Yehova nyombopeká nde nkotshɛ ikanyi yɛ ndeko yɛ bangobango lá nkambo dj’anto? Lako! Nde alekɔ nkanga nkfulu inkfumɔ. Apakoke mpeka ekete. (Izaya 45:18) Angokaloyɛ anto lá eyalelo kɛ nyaakanelá ma bangobango.​—Tangá Yeembo 37:11, 34.

3. Paradiso yongokalɔ wopo ɔkɔ nke?

Paradiso engokalɔ kankina lá looko lá wíná wɔ Yeso, Nkfumi ke Ndjambe nyɔmbɔsɔná, nyongapamela looko. Lá mbandji kɛ Armagɛdɔne, Yeso angɔlɔndjɛ andjelo wa Ndjambe dje ntshɔ toyaka anto ankfumɔ wanɛ watoná ndjokela Ndjambe. Ko Yeso angokowa Satana lokando deko 1 000. Ankambi wɛ Ndjambe wangopanda lá mbandji ɛkɔ, nkambo Yeso angaalɔndjɛ la angalama. Wangowika itshinditshinda lá Paradiso lá looko.​—Tangá Ndjiso 20:1-3; 21:3, 4.

4. Ndjolo yongosila wíná ɔkɔ nke?

Ndjambe nyongokomɛ akambo apɔlɔ lá looko wíná ɔkɔ nke? Yeso apɛyɛka “ilembetelo” imɔtshi inanghɛnyɛ ante ekomo emboyɛ imama. Akambo wanɛ wananghemá l’andja lɔko kɛnɛ wonawɔ nde nsiyɛ anto l’andja w’otondo, la wɛnyɛwɔ nde amɔ tomboyɛ lá “ekomelo k’akambo w’ɛlekɔ kɛnɛ.”​—Tangá Mateo 24:3, 7-14, 21, 22.

Lá wíná wɔ Yeso nyongapamela looko deko 1 000 m’olongo, angosiyɛ ndjolo inkfumɔ. (Izaya 9:6, 7; 11:9) Angoyala Nkfumi; angoyala kankina ko Nkfumbi k’ekekete, ko angimɛ mpekanto y’anto wanɛ wakɔpá Ndjambe. Ɛɛ, me Yeso nde Ndjambe nyongimɛ elando, lotshundo la nyoyi.​—Tangá Izaya 25:8; 33:24.

5. Ongoyala lá Paradiso keyayé na?

Anto wanɛ wokelá Ndjambe wangoyala lá Paradiso. (1 Djɔanɛ 2:17) Yeso atomaka ambeki wɛ nd’eko tona anto w’okitshakitshɛ la t’awekɛ wopo we nyɛnama wɔlɔ le Ndjambe. Lɔkɔ kɛnɛ, Yehova alonghanyɛ amiliyɔ la miliyɔ y’anto djɛ iwɔ ndjɛ yoyala lá Paradiso kɛnɛ keyayé lá looko. (Sefania 2:3) L’amvulu yɛ nsanghanyɛ y’Atemwe ye Yehova inɛ yetakawɔ amɔ Amvulu y’Onkfumi, anto wekake wopo wɛ ndjewa ndjalá wome la wapapa yɛ wɔlɔ, wádji la wanyɔ ye wɔlɔ. Eyale wana, eyale ambotshi, yankfumɔ wapɛyɛke Ndjambe esanga esanga; kankina ko wekake djɛ ndjewa wopo ɔkɔ nke nsango yɛ wɔlɔ ikokawɔ ndjaakotshɛ.​—Tangá Mika 4:1-4.