Imeyelo kɛ mpekanto lá ntondo k’oshinga wɔ mbendo mfutama

Okokaso mba imeyelo yɛ mpekanto yɛso ngo má oshinga wɔ mbendo wɔ Yeso ndafute la ekila wɛnde. (Ɛfɛ. 1:7) Koko, Bible ntepela ante: ‘Ndjambe la ndákota kɛnde imeyɛka anto mpekanto yɛ yananghaka l’etsho wemboheta,’ ntepela ente, lá ntondo kɛ Yeso mfuta oshinga wɔ mbendo. (Ɔrɔ. 3:25, nɔtɛ) Wopo wɔkɔnge Yehova ndakoke nyimeyɛ anto mpekanto lá ntondo k’oshinga wɔ mbendo mfutama ko lá winá wɔkɔ ɔmɔ nkindjɛ nyɛnyɛ ante alekɔ Ndjambe kɛ sii?

Yehova alakaka ‘inkanola’ ingowikɛ anto wangoyala la djawo le Nde ole l’alaka wande. Le nde winá wɔ ndalake daka djɛsɔ ayalaka etengo oshinga wɔ mbendo womboshiyɛká mfutama. (Ewa. 3:15; 22:18) Ndjambe ayalaka l’eshikikelo ante Wɔnande angɔpɛyɛ oshinga wɔ mbendo l’ɛkɔpa lá winá wɔ ndashikikɛ. (Nga. 4:4; Heb. 10:7-10) Winá wɔ Yeso ndayalaka lá looko etengo ntomɔ kɛ Ndjambe, Yehova ɔpɛyɛka lowandji lɔ nyimeyɛ anto mpekanto lá ntondo kɛ nde mfuta oshinga wɔ mbendo. Yeso akokaka nyimeyɛ anto walekɔ́ la djawo mpekanto mande nde ewaki ante opapɛyɛ wɔ ndɔngɔpɛyɛ wongodjipa mpekanto yɛwɔ.​—Mat. 9:2-6.