Wopo wombolonghanyema otshumano w’Akristo

Yehova apalekɔ Ndjambe k’ovungusano. (1 Kɔrɛtɔ 14:33) Ndjokamaka ente enkambi wɛnde ladjɛ ndjalá anto wambolonghanyema wɔlɔ. Wopo wɔkɔnge otshumano w’Akristo yombolonghanyemá? Wopo wɔkɔnge w’okokaso nsuka djɛ akambo mpeta wɔlɔ?

1. Olekɔ́ owandji w’otshumano na?

‘Kristo ndeke owandji w’otshumano.’ (Ɛfɛsɛ 5:23) Nde ndɔndjɛka olemo w’enkambi wɛ Yehova wel’andja w’otondo m’olongo. Yeso asɔnaka ‘mfumbe kɛ nkɔmano la nkɛsɔ,’ ntepela ente iloyi yɛ tokokolo tosipisoyɛ akambo, y’etaso lonkina ente Iloyi yɛ lɔndjɛ. (Wala Mateo 24:45-47.) Ngete apɔstɔlɔ la tokokolo telá Yerusalɛmɛ yalɔndjɛka otshumano l’ɛtɛndɔ kɛ ntondo, wopo wɔk’ɔmɔ ndeke Iloyi yɛ lɔndjɛ ɔpɛyɛwɔ ɛlɔndjɛlɔ lá ntshumano djel’andja w’otondo. (Elemo 15:2) Koko ampame yɛsɔ wapalekɔ ewandji w’olonghanyelo wɔso. Iwɔ mbalaka Bible djɛ ndjewa ɛkɔpa kɛ Yehova edjinge wangokilikake ɛlɔndjɛlɔ kɛ Yeso l’ɛkɔpa kɛwɔ.

2. Odjito wɔkɔnge wolekɔ́ la tokokolo?

Tokokolo walekɔ Akristo wambotshunda lá nyuma walakanyɛ akambo wa nsɔsɔlɔ welá Bible la walama ɛnkɔkɔ wɛ Yehova má ndaakotshɛ́ edjinge má ndaakembɛ. Ampame yɛsɔ wapafutama m’olemo wɔwɔ. Koko, iwɔ nkambaka ‘l’ɛkɔpa lá ntondo kɛ Ndjambe; ape la ngandji kɛ wapɔ wɛ yopo yɛ nyɛtshi, koko l’osasalo.’ (1 Pɛtɛlɔ 5:1, 2) Enkambi wekotshɛ́ walekɔ wananyɔ wakotshɛ́ tokokolo, edjinge l’ɔkɔngɔ w’etsho, iwɔ ndokotshɛka akambo walɔmbama djɛ nkoma tokokolo.

Iloyi yɛ lɔndjɛ nsɔnaka tokokolo tɔmɔtshi djɛ nkamba etengo enami wɛ djingadjinga. Iwɔ mbembolaka ntshumano djɛ ndaakembɛ la ndaapɛyɛ ɛlɔndjɛlɔ. Iwɔ nsɔnaka tokokolo la enkambi wekotshɛ́ má nkilika tɔkfɔ telá Bible.—1 Timɔte 3:1-10, 12; Tito 1:5-9.

3. Odjito wɔkɔnge wolekɔ́ l’Owakɛ wɔ Yehova onkfumɔ?

Onto onkfumɔ wɔ l’otshumano ‘numɛka djiina djɛ Yehova’ má wopo wɔpɛyɛwɔ kɔmantɛrɛ, wɔpɛyɛwɔ wamba, wonanghawɔ asawo, wotshumbawɔ lá nsanghanyɛ yel’otshumano edjinge wopoposanyɛwɔ lá nkilika akoka wawɔ.—Wala Yeembo 148:12, 13.

TSHIMOLA

4. Yeso alekɔ owandji wɔ wɔlɔ

Yeso ateta leeta l’osasa onkfumɔ. Wala Mateo 11:28-30, ko kadjimola lá woopó wɔnɛ:

• Wopo wɔkɔnge Yeso ɔkɔpande iso ndáwoka lá nkambo dj’ɛlɔndjɛlɔ kɛnde?

VIDEO: Okotshɔ wɔ tokokolo yapɛyɛ lá Népal m’ɔkɔngɔ wɔ ntshikito djɛ looko (4:56)

Bible nyɛnyɛka papoo wopo wɔ tokokolo oyɛwɔ ladjɛ nkotshɛ odjito wɔwɔ.

Wala Izaya 32:2 edjinge 1 Pɛtɛlɔ 5:1-3, ko kadjimola lá weepó wɛnɛ:

• Wopo wɔkɔnge w’okɛ má ndjewa ente tokokolo nanghaka la wolo djɛ ntokembɛ lá nkilika ndjɔmbɔmba kɛ Yeso?

• L’akambo amɔtshi wakɔnge tokokolo okolakawɔ Yeso?

5. Tokokolo ndakanyɛka má ndjɔmbɔmba yɛwɔ

VIDEO: Tokokolo mpɛyɛka ndjɔmbɔmba! (7:39)

Yeso apɛyɛka waalɔndjɛ otshumano ndjɔmbɔmba k’iwɔ nkilika. Wala Mateo 23:8-12, ko kadjimola lá woopó wɔnɛ:

• Kɛkɔnge kekokamoyɛ lá kɛnɛ kelendana l’otshikitano wolekɔ́ l’antenyɛ tɔkfɔ telá Bible tolendana la tokokolo edjinge akambo wanangha ewandji wɛ nkɛlɛsiya enkfumɔ?

1. Tokokolo nanghaka la wolo djɛ iwɔ la nkfumbo yɛwɔ ndjala la lonyuma lɔ wolo

2. Tokokolo ndakiyanyɛka lá nkambo dj’onto onkfumɔ wɔ l’otshumano

3. Tokokolo mpoposanyɛka mbala la mbala

4. Tokokolo mpɛyɛka wamba. Iwɔ nkotshɛka l’osolelo wɔ mvulu y’onkfumi edjinge l’elemo enkina

6. Iso nkoka nkamba mpɛka la mpɛka la tokokolo

Bible ntɛnyɛ elonga kɛmɔtshi kɛ djonyi k’oyɛso ladjɛ nkamba mpɛka la mpɛka la tokokolo. Wala Hebero 13:17, ko kadjimola lá weepó wɛnɛ:

• Bible ntokembɛka djɛ nɛmɛyɛ la nsunama te anto watɔlɔndjɛ. Okanela ente ikanyi yɛsɔ ilekɔ wɔlɔ? Ladjikɛnge?

Wala Luka 16:10, ko kadjimola lá woopó wɔnɛ:

• Lamo oyɛwɔ wɔlɔ nkamba mpɛka la mpɛka la tokokolo kaanga l’akambo wɛnama etengo wapalekɔ djonyi?

LÁ YOPASƐ

Yeso ndeke owandji w’otshumano. Iso ndjalaka l’osasa wɔ nkamba esanga la tokokolo tokamba l’anse kɛ lowandji lɔnde ladjikɛnde iwɔ ntokembɛka la ntolakanyɛka má ndjɔmbɔmba yɛwɔ.

Mvungo

• Oye owandji w’otshumano na?

• Wopo wɔkɔnge tokokolo okotshɛwɔ otshumano?

• Odjito wɔkɔnge wolekɔ́ la onkambi wɔ Yehova onkfumɔ?

TOKANYI TONKINA

Lenda video djɛnyɛ wopo wɔ Iloyi yɛ lɔndjɛ la tokokolo tonkina oyakiyanyɛwɔ lá nkambo dj’Akristo lɔɔko kɛnɛ.

Wopo wɔ wananyɔ yawa lokembo winá woshimbamisá olemo wɔso (4:22)

Eka djɛ ndjewa olemo wokamba anami wa djingadjinga.

Lowiko l’onami w’edjingadjinga l’owila wɔ daambi (4:51)

Wala wayi walendana l’odjito wɔ ntshina wolekɔ́ l’amato l’otshumano.

‘Oyɛwɔ mo, Ewakɛ wɛ Yehova walekɔ l’amato walakanyɛka?’ (Etange k’Olami, Ngɔndɔ kɛ djuwa 1, 2012 lá Falase)

Hona djɛ ndjewa olemo wɔ wolo wokamba tokokolo djɛ nkembɛ winawɔ andjawodji.

‘Tokokolo walekɔ ‘winaso enkambi wakambá djɛ osasa wɔso’’ (Etange k’Olami, Ngɔndɔ kɛ ntondo 15, 2013 lá Otetela)