WEKELO 48
Ewa nsɔna tolongo la balo nkfumɔ
Nsɔna tolongo tɔ wɔlɔ mfudjɛka osasa wɔso lá winá wɛ wɔlɔ edjinge iwɔ ntokɛmbɛka winá w’oyɛso l’ekakasano. Bible ntokembɛka ante apalekɔ onto onkfumɔ ndeke lolekɔ́ ilongo yɛ wɔlɔ. Wopo wɔkɔnge w’okokaso nsɔna tolongo tɔ wɔlɔ? Tolende weepó wel’anse.
1. Tolongo okokawɔ nkonangha nsɔsɔlɔ nge?
Iso ndjalaka l’ekfumbo kɛ ndjokola ndjalelo dj’anto wahetshɛ winá esanga laso. Djoyi djɛsɔ nkoka ndjala wɔlɔ kana nyɛtshi, edjinge nkambo djɛsɔ ndekɔ nsɔsɔlɔ ayal kaanga osawolaso nde lá wa rɛzo sosio kana lako. Bible ntepelaka ante: ‘Onto woheeta esanga nya kanga balo angoyala kanga balo, koko onto wolekɔ́ la djokanelo l’ase nkesa [anto wapoke Yehova ngandji] angotshɔ tá nyɛtshi.’ (Woongo 13:20) Tolongo tɔkɔpa Yehova la tɔɔtɛmɔla nkoka nkokotshɛ́ djɛ wɛ ndjalá entshupa nya Yehova la ndɔsa akano wa wɔlɔ. Koko tolongo topoke Yehova ngandji nkoka ntowangoyɛ lande. Djɛkondeke Bible otokembɛnde djɛ ndjewa nsɔna tolongo la balo nkfumɔ! Winá wɔ tolongo tɔso ɔkɔpawɔ Ndjambe, isankfumɔ mbaka wapɔ. Tolekɔ la mbamba yɛ ‘[nkindjɛ] nkembɛnaka onto nya winande edjinge nkotshana onto la winande.’—1 Tesalɔnikɛ 5:11.
2. Yehova ndokaka ngete mo winá w’ɔsɔnaso tolongo?
Yehova apasɔnɛ onto ngo onto djɛ ndjalá ilongo yɛnde. ‘Nde nkɔpɛka ilongo yɛ ma ma l’anto wa sii.’ (Woongo 3:32) Yehova ndokaka mo ntsha tɔmbɔsɔna tolongo topowoke ngandji? Nde angokiyana efula! (Wala Djakɔbɔ 4:4.) Lá lɛdji lonkina, Yehova angoyala l’osasa la angawola iso ndjalá tolongo tɔnde ntsha iso ndjalá entshupa lande, ntona anto wapowoke ngandji ko nkɔpa anto wowoka ngandji.—Yeembo 15:1-4.
TSHIMOLA
Lenda ladjikɛnge ɔsɔnwɛlɔ wɔ tolongo tɔ wɔlɔ oyɛwɔ djonyi, edjinge wapɔ wɔ ngongowa má nsɔna tolongo tɔ wɔlɔ.
3. Wadjɛ dj’ipa nsɔna tolongo tɔ nyɛtshi
Anto wapakɔpɛ Yehova la ɛlɛmbɛ wɛnde walekɔ tolongo tɔ nyɛtshi. Lenda VIDEO, ko kadjimola lá woopó wɔl’anse.
Wopo wɔkɔnge w’okokaso ndjalá la tolongo tɔ nyɛtshi ipa la ndjewa?
Wala 1 Kɔrɛtɔ 15:33, ko kadjimola lá weepó wɛnɛ:
Anto wa ngete nge wakoka ndjalá tolongo tɔ nyɛtshi leso? Ladjikɛnge?
Wala Yeembo 119:63, ko kadjimola lá woopó wɔnɛ:
Akambo wakɔnge wangokokotshɛ́ djɛ ndjewa ente onto wɔnɛ alekɔ ilongo yɛ wɔlɔ?
Ilongo yɛ nyɛtshi nkoka ntoyakala ekakasano?
4. Anto w’otshikitanaso lawɔ nkoka ndjalá tolongo tɔso
Bible ntepela nkambo djɛ Davidɛ nya Jɔnata, mpame ipe yel’Isariyɛlɛ yel’etsho wɛ ntondo. Iwɔ wayalaki l’ɛnɔnyi edjinge la mbiko yetshikitana, koko wayalaka tolongo tɔ nsɔsɔlɔ. Wala 1 Samwɛlɛ 18:1, ko kadjimola lá woopó wɔnɛ:
Ladjikɛnge isopakoke nkɔpɛ ilongo ngo l’onto wolekɔ́ lá lɔsɔkɛ lɔso kana l’onto wolekɔ la lowiko lɔ wop’ɔmɔ laso?
Wala Ɔrɔma 1:11, 12, ko kadjimola lá woopó wɔl’anse:
Wopo wɔkɔnge tolongo toka Yehova ngandji oyakembɛkawɔ?
Lá video djɛnɛ, lenda wopo w’olangala ɔmɔtshi ndawa tolongo lá todjɛna tɔ ndotakanelaká. Lenda VIDEO, ko kadjimola lá weepó wel’anse.
Lá video djɛnɛ, lamo ambotshi wa Akil yakiyanaka lá nkambo djɛ tolongo tɔnde telá nkalasa?
Ladjikɛnge ndasɔnɛ tolongo tɔkɔ?
Kɛkɔnge k’okotshisá dj’ipa nde ndjoka olengedji?
5. Wopo wɔ ndjala la tolongo tɔ wɔlɔ
Lenda wopo w’okokɛ mba tolongo tɔ wɔlɔ, edjinge wopo w’okokɛ ndjalá ilongo yɛ wɔlɔ. Lenda VIDEO.
Wala Woongo 18:24 edjinge 27:17, ko kadjimola lá weepó wɛnɛ:
Wopo wɔkɔnge tolongo tɔ nsɔsɔlɔ okotshanakawɔ l’anteyi kɛwɔ?
Olekɔ la tolongo tɔ wɔlɔ tɔ nghɔsɔ? Ntsha lako, wopo wɔkɔnge w’okokɛ ndaawa?
Wala Filipɛ 2:4, ko kadjimola lá woopó wɔnɛ:
Djɛ mba tolongo tɔ wɔlɔ, ngo wɛ ladjɛ ndjala ilongo yɛ wɔlɔ. Wopo wɔkɔnge w’okokɛ nangha nkambo djɛsɔ?
Djɛ mba tolongo tɔ wɔlɔ, wɛ ladjɛ ndjala ilongo yɛ wɔlɔ
ANTO EFULA NTEPELAKA AMBƆ: “Ndeka wɔlɔ ndjala ilongo la onto onkfumɔ l’edjena kɛ wɛ nsamba ndjala l’ilongo.”
Okokɛ nkadjimola ente mo?
LÁ YOPASƐ
Winá w’ɔsɔnaso tolongo tɔso la balo, tongosasangɛ Yehova edjinge tongowa wapɔ.
Mvungo
Ladjikɛnge ɔsɔnwɛlɔ wɔso wɔ tolongo oyɛwɔ djonyi efula lá wiso wa Yehova?
Tolongo tɔ ngete nge tokokaso ntona?
Wopo wɔkɔnge w’okokɛ nkembɛ djokanelo djɛko nya anto wa wɔlɔ?
TOKANYI TONKINA
Lenda wopo wɔ tolongo tɔ wɔlɔ okokawɔ ntokotshɛ́ lá winá w’oyɛso l’ekakasano.
Lenda wina wa wɔlɔ w’okokɛ ntapola djɛ mba tolongo tɔ wɔlɔ.
Kɛkɔnge k’okokaso ndjewa lá nkambo djɛ tolongo telá ɛntɛrnɛtɛ?
L’ɔkɔndɔ wotepela ante, “Lahonaki djɛ ndjala la Papa,” lenda kɛnɛ ketshindisá mpame kɛmɔtshi djɛ ntɔnɔla wopo wɔ nsɔna tolongo tonkina.
‘Bible ntshikitanyɛka mbiko’ (Etange k’Olami, Ngɔndɔ k’anɛyi 1, 2012 lá Otetela)