Lokawile l’edjena k’anto

Kɛnɛ kɛ Yeso ndananghe

VIDEO: Yeso amboka oloyi w’anto djandji

1. Lenda VIDEO, kana wala Marko 6:30-34. Ko tɔnɔla lá weepó w’ɛlɔnda wɛnɛ:

1. Ladjikɛnge Yeso l’ambeki wande yakɔpɛ ‘ndjala yɔmɛlɛ’?

2. Kɛkɔnge ketshindisá Yeso djɛ ndakanyɛ anto?

Owaso olakanyelo wɔkɔnge me Yeso?

2. Djandji ntotshindaka djɛ ndáwila l’edjena k’anto la ndakotshɛ́, koko ape ngo djɛ ndapoposanyɛ losango lɔ wɔlɔ.

Okola Yeso

3. Ekameyɛ la nkɔmɛ nkfumɔ. Tshika onto atepele kɛnɛ kelekɔ́ l’oloko wɔnde. Towopake otepela edjinge ila yimba lá wopo wokande, lá ekiyano wɛnde kana lá ehamo welekɔ́ la nde. Má ndowekameyɛ lá nkɔmɛ nkfumɔ, ɔngɛnyɛ ente olawila lá edjena kɛnde.

4. Kanela onto wɛnyisá mposɛ. Winá w’okanelɛ djamba djɛ ngambe la onto wɔkɔ, lokawopole ente:

1. ‘Ladjikɛnge oyɛnde la djonyi djɛ ndjoka akambo wa nsɔsɔlɔ?’

2. ‘Wopo wɔkɔnge ndjeka Bible okokawɔ ndɔngɔsɔla lowiko lɔnde lɔ lofu la lofu la etsho wɛnde weyaye?’

5. Shimelande akambo wakoka ndookotshɛ́. Ɛnyɛnde ngo má bango wopo wɔ wekelo wɔ Bible okokawɔ nkadjimola lá weepó wɛnde la okokawɔ ndokotshɛ́ lá topo tonkina tɛnama kɔɔ.