Nkongi mɔtshi dekɔ l’ɔnɔnyi wɔ 2024?​—Kɛkɔnge kɛ Bible otepelande?

Le anto efula, nkando kepangowama lá ekakasano w’ɛnawɔ l’andja l’ɔnɔnyi wɔ 2024. Ntshende, tokoka mba nkongi djɛ l’etsho weyaye. Mampe?

Nkongi djɛ Bible ɔtɔpɛyɛnde

Bible ntewoyɛka ante Ndjambe angimɛ akambo wanɛ ankfumɔ wananghaka dj’iso nyimɛ yimba má nkongi. Lako ilá, Ndjambe ‘angodjola wisɔyi ankfumɔ má wiso [waso], ko nyɔyi kepangoyala lonkina, ntshaka lako, tɛɛndjɛ lako, olando koko wopangoyala lonkina.’—Ndjiso 21:4.

• Djɛ ndjewa akambo amɔtshi walendana la alaka wa Bible lá nkambo dj’etsho weyaye, wala djamba: “Une espérance réelle pour des jours meilleurs.”

Ya Bible okokande nkokotshɛ lɔɔko ngete mo

Bible djetolaka nkongi djɛ l’etsho weyaye djekoka nkokotshɛ djɛ nanyɛ tokanyi tokotshimbɛ yimba djɛ wɛ nkoma la ikanyi yɛ wɔlɔ. (Ɔrɔma 15:13) Alako wemá Bible nkoka nkokotshɛ winá w’opomanɛ la ekakasano w’ete ngo ɔmvɔ, ntshamba djɛ sii edjinge elando.

• Hona djɛ ndjewa wopo wɔ nkongi djɛ Bible yakotshɛ mpame kɛmɔtshi djɛnde mba vu edjinge osasa kaanga ndafula lá lowiko lɔmɔtshi l’ɔmvɔ. Lenda video Juan Pablo Zermeño : Jéhovah m’a donné une vie pleine de sens.

• Isola wopo wɔ Bible okokande nkokotshɛ winá w’oyapɛyɛ ɛkɔmɔ, w’oyalɛ yɛnyi, w’otshimbɛ yimba, edjinge winá wɔ onto ɔmɔtshi w’ɔkɔpakɛ ambovɔ. Wala djamba: “La Bible peut-elle m’apporter du réconfort ?”

• Lenda wopo wɔ Bible yakotshɛ́ omoto ɔmɔtshi woyalaki ongala la woyawetisá ante “onto w’onkonda la wopalekɔ́ la ndjandji” awa nkongi. Lenda video Ntshikaka nkota ota.

Nangha djɛ 2024 ndjala ɔnɔnyi wɔ wɔlɔ le wɛ la le nkfumbo kɛko. Hona djɛ ndjewa wopo wɔ Bible okokande nkokotshɛ́. Kɔɔ sɛsá wekelo wɔso wɔ Bible. Hona djɛ ndjewa la wopo Ndjambe okokande nkɔpɛyɛ ‘tokanyi tɔ vu’ win’ɔsɔ ko ‘lowiko lɔ wɔlɔ lá etsho weyaye edjinge nkongi.’​—Jɛrɛmi 29:11.