Anton Petrus/Moment via Getty Images
NYOWADJƐKE
Mbandji kel’andja w’otondo kɛkɔpa nanghema?—Kɛkɔnge kɛ Bible otepelande?
Lá mvula 30 yembohetá, anto efula wambɛna ambɔ djokanelo djɛ wɔlɔ djayalaki l’antenyɛ ewila efula edjinge nkambo djɛ ndjoka ma djetayalaki. Ntshende, akambo wananghema lɔɔko kɛnɛ l’andja wɛnyɛ ente akambo wa ndjoka wɔma walekɔ.
“Winá wɔ anto okawɔ wɔma ambɔ mbandji kɛ Gaza kengotshanghana l’ewila ɛmɔtshi, owila w’Issariyɛlɛ edjinge Hezbollah kembowanga nkandana eta la ngando kɛ Liban.”—Reuters, Ngɔndɔ kɛ ntondo 6, 2024.
“Win’ɔsɔ owila wɔ Iran wɔlɔngɔsɔla eta wɛ nkekete wɛ nikleɛrɛ la wasuka esanga l’ewila enkina djɛ naná ambandji, kɛsɔ kɛpɛyɛ ewila efula welá Occident wɔma, lonkina, mbala kɛnɛ Chine nya Russie walekɔ la wedji wɔnde.”—The New York Times, Ngɔndɔ kɛ ntondo 7, 2024.
“Ase Russie wakindjɛ ngo náná l’ase Ukraine.”—UN News, Ngɔndɔ kɛ ntondo 11, 2024.
“Okfudji wɔ ase Chine watafule ngo mfula, ase Taïwan wakindjɛ naná djɛ lotshungɔ lɔkɔ, Chine nya États-Unis wapokana wakindjɛ ngo nkakatana, kenkfumɔ kɛsɔ kɛnyɛ ente evungusano w’oposa lako ilá.”—The Japan Times, Ngɔndɔ kɛ ntondo 9, 2024.
Bible otepelande nge lá akambo wawɔma waheta l’andja? Nkambo djɛsɔ djengoposɛ mbandji kel’andja w’otondo?
Bible djewoyɛka akambo wangonanghema l’andja
Bible djetewoyɛ kɔɔ mbandji kɛmɔ kel’anteyi kɛ ambandji yenanghema lɔɔko kɛnɛ lá looko. Koko, yatepela nde wopo w’ambandji yongoyala efula l’etsho w’ɛso edjinge ingonangha djɛ ‘vu nyima’ má looko.—Ndjiso 6:4.
Onkanda wɔ Danyɛlɛ wewoyɛka ante ‘l’etsho w’ekomo,’ ewila wɛ nkfulu ‘wengo tshindana’ kana wengohona ndjapamela winande. Ewala wɛkɔ wangohona la wengotshula esanga l’ewila enkina eta w’ambandji wɛ nkekete edjinge mposɛ ‘nkete djɛ ntshó’ kana mfanga efula djɛ nsomba eta.—Danyɛlɛ 11:40, 42, 43.
Mbandji kɛkɔnge k’okongaso?
Bible ɛnyɛ papoo ante akambo wangotshitana efula lá ntondo kɛ looko mbɔnga. Yeso ewoyɛka ante ‘ndjolo [onanyelo] k’ekekete kɛmɔtshi kengoyala lá wopo yotananghemaka ntondo ntateyɛ má andja yombowanga.’ (Mateo 24:21) ‘Ndjolo k’ekekete’ kɛkɔ kɛngɔtɔla tá mbandji k’etawɔ ambɔ Armagɛdɔ, k’otepelawɔ ete ngo ‘mbandji kɛ lofu l’ekekete lɔ Ndjambe Kanga-Nkfulu-Inkfumɔ.’—Ndjiso 16:14, 16.
Koko, Armagɛdɔ yongowikɛnde anto, koko ape ndatshita. Mpeyi la mbandji kɛkɔ, Ndjambe angokomɛ enkfumi wɛ wana w’anto wel’andja, wamboyaka anto wapewama mbala l’ambandji. Djɛ ndjisola wopo wɔ Armagɛdɔ yɔngɔpɛyɛ anto vu djɛ lotshinda, wala wamba wanɛ: