Yeso ambingela la mpongo lá Jerusalɛmɛ lá djiko djɛ mpunda

Prɔfɛsi yelendana la Mesiya nyɛnyɛka nsɔsɔlɔ ente Yeso áyalaki Mesiya?

Nsakiso kɛ Bible

Ee. Winá wɔ ndayalaka lanɛ lá looko, Yeso akotshɛka prɔfɛsi efula yelendana la ‘Mesiya ilɔndjɛ,’ kanga loyalisá ‘Ombiki w’andja.’ (Danyɛlɛ 9:25; 1 Djɔanɛ 4:14) Kaanga m’ɔkɔngɔ wɔ nyɔyi kɛnde, Yeso akindjɛka nkotshɛ prɔfɛsi imɔtshi yelendana la Mesiya.—Yeembo 110:1; Elemo 2:34-36.

Mesiya” osakisolande nge?

Itepela yemá Hebero Ma·shiʹach (Mesiya) la itepela inkina yɛ wopo wɔk’ɔmɔ yeyɛ má Grɛkɛ Khri·stos (Kristo) yape kɛkɔ nsakisolaka “Onkfutami w’avuta.” Djɛkondeke, “Yeso Kristo” nsakisolaka “Yeso onkfutami w’avuta,” kana “Yeso Mesiya.”

Lá etsho w’efunamaki Bible, mbala efula wasɔnaki onto má ndovutela avuta l’ɔtɛ winá w’ɔsɔnawɔ lá ekopo kɛmɔtshi k’etshikitanyi. (Ase Lewi 8:12; 1 Samwɛlɛ 16:13) Yeso asɔnamaka me Ndjambe djɛ nde ndjala Mesiya—ekopo kelekɔ la lowadji l’ekekete efula. (Elemo 2:36) Koko, l’edjena kɛ nsɔna Yeso má ndokfuta avuta, Ndjambe ɔsɔnaka la nyuma kɛnde k’ekina.—Mateo 3:16.

Onto ɔmɔtshi nkoka ndokotshɛ prɔfɛsi yelendana la Mesiya?

Lako. Just as a fingerprint identifies just one person, ekotshamelo yɛ Prɔfɛsi yɛ Bible nyɛnyɛ ngo onto ɔmɔ Mesiya, kana Kristo. Koko, Bible ewoyɛ ante ‘Kristo y’engolo la aprɔfɛtɛ y’engolo ingoposa ko wangonangha tolembetelo tɔ nkekete la akambo wa nkamɔ djɛ ndjimbola kaanga ansɔnami ntsha nkokaka.’—Mateo 24:24.

Mesiya nkoka ndoposa l’etsho w’eyaye?

Lako. Bible atepelaka ntondo ante Mesiya ndongoyala nde inkanola yɛ Nkfumi Davidɛ kɛ Isariyɛlɛ. (Yeembo 89:3, 4) Koko, enkanda w’etepela djɛ ɔkɔnndɔ wɔ ase Juda tii le Davidɛ wembotshɔ, nkoka ndjala wetshitanaka winá wɔ ase Ɔrɔma yalonge Jerusalɛmɛ lá 70 D.D.a Ntateyɛ má winá wɔkɔ wɔsɔ, ambokomá djoyi djɛ wolo djɛ onto nyɛnyɛ ante nde alekɔ ose nkfumbo kɛ Nkfumi Davidɛ. L’onkoko onkina, kaanga enkanda wɛsɔ yayalaka l’etsho wɛ Yeso, kaanga antonyi wande watɔtɔndɔla la wopo wɔ ndatepelaka ante alekɔ inkanola yɛ Davidɛ.—Mateo 22:41-46.

Prɔfɛsi imangha yelendana la Mesiya yelekɔ lá Bible?

Alekɔ nkambo djɛ wolo efula ndjewa lofulo lɔ prɔfɛsi inkfumɔ yelendana la Mesiya. Ndjɔmbɔmba, ofunelo wɔ prɔfɛsi yɛsɔ nkoka ntshikitana kaanga lá avɛrse w’otepelawɔ ngo nkambo djɛ Mesiya. Avɛrse wa Izaya 53:2-7 ntepelaka djɛ prɔfɛsi efula yelendana la Mesiya lá etsho w’eyaye. Anto amɔtshi nkoka mbala avɛrse wasɔ etengo prɔsɛsi kɛmɔ toko, koko ankina nkoka nyɛna vɛrse la vɛrse etengo prɔfɛsi ketshikitanyi.

Prɔfɛsi imɔtshi yelendana la Mesiya yekotshamisá me Yeso

Prɔfɛsi	Found at	Ekotshamelo
Inkanola yɛ Abrahama	Ewangelo 22:17, 18	Mateo 1:1
Inkanola yɛ Isakɛ yɛ wɔna Abrahama	Ewangelo 17:19	Mateo 1:2
Awotshɔka lá ikɔlɛ yɛ Juda lá Isariyɛlɛ	Ewangelo 49:10	Mateo 1:1, 3
Má ɔlɔndji wɔ ankfumi yɛ me Nkfumi Davidɛ	Izaya 9:7	Mateo 1:1
Awotshɔka me Oseka w’otopɛ oyɛ	Izaya 7:14	Mateo 1:18, 22, 23
Awotshɔka lá Betɛlɛhɛmɛ	Mika 5:2	Mateo 2:1, 5, 6
Etamaka Emanuɛlɛb	Izaya 7:14	Mateo 1:21-23
Okitshakitshɛ ngo má ewangelo	Izaya 53:2	Luka 2:7
Wana wa dɛngɛ wayakemaka m’ɔkɔnɔ wɔ botshɔ djɛ nde	Jɛrɛmi 31:15	Mateo 2:16-18
Etamaka má Edjipito	Ozeya 11:1	Mateo 2:13-15
Etamaka ose Nazaratɛc	Izaya 11:1	Mateo 2:23
Iwɛmbi nsango ahetaka lá ntondo kɛnde	Malaki 3:1	Mateo 11:7-10
Akfutamaka avuta etengo Mesiya lá 29 D.D.d	Danyɛlɛ 9:25	Mateo 3:13-17
Ndjambe owewaka ante oyɛnde nde Wɔnande	Yeembo 2:7	Elemo 13:33, 34
Ayalaka l’osasalo tá mvulu kɛ Ndjambe	Yeembo 69:9	Djɔanɛ 2:13-17
Onsakodji wɔ losango lɔ wɔlɔ	Izaya 61:1	Luka 4:16-21
Olemo welá ntshandjawala lá Galile osasa w’ekekete	Izaya 9:1, 2	Mateo 4:13-16
Olemo wɔ nkamɔ etengo wɔ Mɔsɛ	Mvungo k’ɛlɛmbɛ 18:15	Elemo 2:22
Etengo Mɔsɛ, nde atepelaki djɛ tokanyi tɔ Ndjambe	Mvungo k’ɛlɛmbɛ 18:18, 19	Djɔanɛ 12:49
Asadjɛka anto efula	Izaya 53:4	Mateo 8:16, 17
Atasepa tokanyi t’anto le nde nyɔmɛlɛ	Izaya 42:2	Mateo 12:17, 19
Akaka anto wɛna ndjolo nkɛtshi	Izaya 42:3	Mateo 12:9-20; Marko 6:34
Sii kɛ Ndjambe kengewama	Izaya 42:1, 4	Mateo 12:17-20
Ndaki kɛ wɔlɔ efula	Izaya 9:6, 7	Djɔanɛ 6:68
Apoposanyɛka djiina djɛ Yehova	Yeembo 22:22	Djɔanɛ 17:6
Atepelaki má ndjɔmbɔmba	Yeembo 78:2	Mateo 13:34, 35
Ilɔndjɛ	Danyɛlɛ 9:25	Mateo 23:10
Anto efula wapongoyala la djawo te nde	Izaya 53:1	Djɔanɛ 12:37, 38
Otamba wɔ ntakanyɛ	Izaya 8:14, 15	Mateo 21:42-44
Atonamaka me anto	Yeembo 118:22, 23	Elemo 4:10, 11
Wokfupaka ipa la nkambo	Yeembo 69:4	Djɔanɛ 15:24, 25
Ingelaka la mpongo lá Jerusalɛmɛ ambapema lá mpunda	Zakari 9:9	Mateo 21:4-9
Alumamaka me dɛngɛ	Yeembo 8:2	Mateo 21:15, 16
Ayɛka lá djiina djɛ Yehova	Yeembo 118:26	Djɔanɛ 12:12, 13
Afungamaka me ilongo yɛ ndilelaka oloko	Yeembo 41:9	Djɔanɛ 13:18
Asadjemaka la mfalanga 30 yɛ mboloe	Zakari 11:12, 13	Mateo 26:14-16; 27:3-10
Tolongo tɔnde wokadjɛka	Zakari 13:7	Mateo 26:31, 56
Ewakɛ w’engolo wawakanyɛka djɛ ndowanda lowo	Yeembo 35:11	Mateo 26:59-61
Avumbaka la ntondo kɛ anto w’ofunisá	Izaya 53:7	Mateo 27:12-14
Wotshunyɛka ansonyi	Izaya 50:6	Mateo 26:67; 27:27, 30
W’odjupolaka nkete l’ɔtɛ	Mika 5:1	Marko 15:19
W’odjupolaka ewambo	Izaya 50:6	Djɔanɛ 19:1
Atashimbashimba la ntondo kɛ anto w’okfusaki	Izaya 50:6	Djɔanɛ 18:22, 23
Ewandji wɛ guvɛrnɛma w’otshelaka djiinga	Yeembo 2:2	Luka 23:10-12
W’owakaka l’otamba má ndɔkɔkɔmɛ asɛti l’ɛwɔ lá l’ekolo	Yeembo 22:16	Mateo 27:35; Djɔanɛ 20:25
Anto watɛɛlaka ntshendja djɛnde akasa	Yeembo 22:18	Djɔanɛ 19:23, 24
Awalemaka l’anteyi kɛ ananghi w’evunga	Izaya 53:12	Mateo 27:38
atolamaka	Yeembo 22:7, 8	Mateo 27:39-43
Ɛnɛlaka ananghi wa mpekanto ndjolo	Izaya 53:5, 6	1 Pɛtɛlɔ 2:23-25
Ayawɛnaka ngo ngete Ndjambe ambokadjɛ	Yeembo 22:1	Marko 15:34
W’ɔpɛyɛka lɔlɛngɔ la waná w’okayi	Yeembo 69:21	Mateo 27:34
Okaka mposɛ kɛ washi la ntondo kɛ nde mvɔ	Yeembo 22:15	Djɔanɛ 19:28, 29
Ayawɛkɛka tá nyuma kɛ Ndjambe	Yeembo 31:5	Luka 23:46
Akadjɛka lowiko lɔnde	Izaya 53:12	Marko 15:37
Afutaka oshinga wɔ mbendo djɛ nyimɛ mpekanto	Izaya 53:12	Mateo 20:28
Weka wetawɛnga	Yeembo 34:20	Djɔanɛ 19:31-33, 36
W’owokaka	Zakari 12:10	Djɔanɛ 19:33-35, 37
Akfundjɛmaka l’esanga l’ewandji	Izaya 53:9	Mateo 27:57-60
Akfundɔka má nyɔyi	Yeembo 16:10	Elemo 2:29-31
Kaanga l’ofungisá ahɛnghanyɛmaka	Yeembo 109:8	Elemo 1:15-20
Intasɛka lá lɔwɔ lo wome lɔ Ndjambe	Yeembo 110:1	Elemo 2:34-36

a Cyclopédia wɛ McClintock et Strong ntepelaka ante: “Ndambo k’ehamo nkoka ndjala la kɛnɛ kelendana l’enkanda wɛ ɔkɔndɔ wɔ tɔkɔlɛ l’ankfumbo yɛ Juda winá wɔ otshitanelo wɔ Jerusalɛmɛ, koko ape ntondo.”

b Djiina djeyɛ má Hebero Emanuɛlɛ, nsakisolaka “Ndjambe alekɔ laso,” djɛkɔndɔla olemo wɔ Yeso wɔ etengo Mesiya. Wopo wɔ ndaye lanɛ lá looko la akambo wa ndananghe nyɛnyɛka ente Ndjambe alekɔ esanga lá enkambi Wɛnde.—Luka 2:27-32; 7:12-16.

c Itepela “ose Nazarɛtɛ” mbala imɔtshi oyɛwɔ nde má itepela yemá Hebero yɛnɛ neʹtser, yesakisola “lokonyɔ.”

d Djɛ ndjewa akambo efula welendana la ɔkɔndɔ wɔ Bible w’ɔlɔndjɛ tii lá 29 D.D. l’ɛnɔnyi wɛ Mesiya ndokamaka, lenda djamba “Prɔfɛsiya ka Danyɛlɛ kakatewoyisha oyelo wa Mɛsiya.”

e Prɔfɛsi kɛnɛ kelekɔ l’onkanda wɔ Zakari, omfunyi wɔ Bible Mateo atepelaka ante ‘kɛsɔ ketepelamaka má lotshimbo lɔ ɔprɔfɛtɛ Jɛrɛmi.’ (Mateo 27:9) Kɛsɔ kɛnama ente winá ɛmɔtshi onkanda wɔ Jɛrɛmi woyalaki ntondo ntondo la etenyi kɛ Afunelo kɛ yetaka “Ɛprɔfɛtɛ.” (Luka 24:44) Nyɛnamaka ente winá wɔ Mateo ndakambe la “Jɛrɛmi” ndakɔpɛ ntepela nde djɛ iloyi yɛ enkanda, ndjila edjinge Zakari.