Shimela onto akambo papoo papoo

Kɛnɛ kɛ Yeso ndananghe

VIDEO: Yeso alaka wɔna mpame wolekɔ́ l’okfudji

1. Lenda VIDEO, kana wala Marko 10:17-22. Ko tɔnɔla lá weepó w’ɛlɔnda wɛnɛ:

1. Wekeka wakɔnge wa Yeso ndɛnyi le wɔna mpame wɔnɛ?

2. Ladjikɛnge Yeso ndayale la djonyi djɛ ngandji ole l’oloko wolo djɛ ndaka wɔna mpame wɔnɛ?

Owaso olakanyelo wɔkɔnge me Yeso?

2. Djɛ nkotshɛ́ ambeki waso dj’iwɔ mfula lá nyuma, iso ladjɛ ndaakɔpa, la ndaashimela akambo papoo papoo.

Okola Yeso

3. Kotshɛ́ ombeki djɛ nde ndáwilela la nkotshɛ ekoma.

1. Kamba la etenyi “Okoma wɔ momoyawilela” wolekɔ́ lá wekelo onkfumɔ wɔ onkanda Sasanga la lowiko lotshinda lotshinda!

2. Kotshɛ́ ombeki wɔko djɛ nde nsipisoyɛ wopo w’okokande nkotshɛ ndambo ndambo ekoma wɛnde wɛ etsho wɛnɛ la wɛ etsho weyaye.

3. Edjɛ ombeki wɔko mbala la mbala ntsha anangha efulelo.

4. Nangha la wolo djɛ ndjewa enkeka wooshimba djɛ nde mfula, la kotshɛ́nde djɛ ntamba enkeka wɛkɔ.

1. Lokawopole ente:

   • ‘Ekete kɛkɔnge keshimba ombeki wɔmi djɛ nde nangha efulelo wɛ nkoma tii lá batisimo?’

   • ‘Okokami ndokotshɛ́ ngete mo?’

2. Lɔmba Yehova akɔpɛyɛ oloko wolo djɛ nshimela ombeki wɔko papoo papoo edjinge la ngandji akambo w’oyɛnde ladjɛ nangha.

5. Tshika ndjeka la onto w’opafule lá nyuma.

1. Shikikɛ ntsha ombeki wɔko wɔ Bible afula lá nyuma má ndáwopola ente:

   • ‘Nde akamba l’akambo w’ekande?’

   • ‘Ingela nsanghanyɛ la ashimela anto ankina akambo wa nsɔsɔlɔ?’

   • ‘M’ɔkɔngɔ wɔ nde ndjeka l’ilá kɛ winá ɛmɔtshi, alekɔ la mposɛ kɛ nkoma Owakɛ wɔ Yehova?’

2. Ntsha ombeki apakɔpɛ mfula lá nyuma:

   • Opolande akoshimele nkambo dj’okawoyɛ ɔkɔngɔ.

   • La balo nkfumɔ, shimelande lamo ɔkɔpɛ nyemɛ wekelo la nde.

   • Shimelande efulelo w’oyɛnde ladjɛ nangha lá ntondo kɛ wɛ nkalɔ ndeka la nde.