Yala l’okitshakitshɛ

Ikfɔ: ‘L’okitshakitshɛ onkfumɔ, nyɔshi djɛ anto ankina nyoleka.’—Flp. 2:3.

Kɛnɛ kɛ Poolo ndananghe

Ongala ambokowa Poolo mulɔlɔ, winá w’otepelande la dilɛmɛlɔ nkfumɔ lá ntondo kɛ Nkfumi Agripa, Nguvɛrnɛrɛ Fɛstus, la Bɛrnisɛ.

VIDEO: Poolo atepela lá ntondo kɛ Nkfumi Agripa

1. Lenda VIDEO, kana wala Elemo 26:2, 3. Ko tɔnɔla lá weepó w’ɛlɔnda wɛnɛ:

Lamo okokaso ntepela ente Poolo ayalaka l’okitshakitshɛ winá wɔ ndasawolaka nya Agripa?
Kɛkɔnge kɛnyɛ ente Poolo asepaka ikanyi y’anto le Yehova la l’Otepela wɔnde, koko ape le nde nyɔmɛlɛ?—Lenda Elemo 26:22.

Owaso olakanyelo wɔkɔnge me Poolo?

2. Anto wangoleka ndjekameyɛ losango lɔso ntsha totepela l’okitshakitshɛ ole la dilɛmɛlɔ.

Okola Poolo

3. Tepela la dilɛmɛlɔ. Tɛnyɛke ente wɛ ndjewaka ekete kenkfumɔ la ente anto ankina wapewe kaanga ekete. Tepela la dilɛmɛlɔ.

4. Ɛnyɛ papoo ente kɛnɛ k’olakanyɛ yɔmbɔsama nde má Bible. Bible djefunamaka má wolo wɔ nyuma kɛ Ndjambe, la dekɔ la nkfulu kɛ mvunda eloko w’anto. Winá w’opakisolaso anto akambo wa Bible, takotshɛ́ dj’iwɔ ndjala la djawo djɛ wolo.

5. Yala la ndákota. Tilake ekaka ente ngo wɛ ndeke lɔlekɔ́ l’elonga. Okitshakitshɛ wongokokotshɛ́ djɛ mvumba vu la djɛ ndjewa winá w’okokɛ ndjopa ntshawo. (Woo. 17:14; Tito 3:2) Ntsha omboyala la ndákota, onto nkoka ndjawola djɛ ndosawola la wɛ mbala k’ɔkɔngɔ.

LENDA LONKINA

Ɔrɔ. 12:16-18; 1 Kɔ. 8:1; 2 Kɔ. 3:5