Yala la bale ntshitshi

Kɛnɛ kɛ Yeso ndananghe

VIDEO: Lá bale ntshitshi nkfumɔ, Yeso akotshɛ́ ankfunɛnde Djakɔbɔ

1. Lenda VIDEO, kana wala Djɔanɛ 7:3-5 la 1 Kɔrɛtɔ 15:3, 4, 7. Ko tɔnɔla lá weepó w’ɛlɔnda wɛnɛ:

1. Wopo wɔkɔnge ankfune wa Yeso yelola ntondo lá losango lɔ ndaapoposanyɛka?

2. Kɛkɔnge kɛnyɛ ente Yeso atapekɔ ankfunɛnde Djakɔbɔ?

Owaso olakanyelo wɔkɔnge me Yeso?

2. Iso ladjɛ ndjala la bale ntshitshi mande anto amɔtshi wangɔsake winá efula lá ntondo kɛ ndjawola losango lɔ wɔlɔ.

Okola Yeso

3. Sɛsa topo totshikitanyi. Ntsha onto apawola ndjeka Bible mbala kɛkɔ kɛmɔ, totshindake la wolo. Ntsha nkokaka, kamba la avideo kana la wamba djɛ ndokotshɛ́ djɛ nde ndjewa wopo wonanghemaka wekelo wɔ Bible, la wopo w’okokande mba wapɔ.

4. Tɛdjɛke anto. Anto ankfumɔ wapalekɔ ngo wopo ɔmɔ. Ntsha ewoto kana onto wɔ ngombokalɔ ndowembola akakanda djɛ ndjeka Bible kana djɛ ndjawola olakanyelo ɔmɔtshi wɔ Bible, nangha la wolo djɛ ndjewa lamo. Elakanyelo wɛ etolo kɛmɔtshi wembokonama efula lá yimba yɛnde? Boto la ansukanyi wande wotshinda dj’ipa nde ndjawola? Pɛyɛnde winá wɔ ntɔnɔla lá kɛnɛ kɛ ngomboshimela la wɔ nde nyɛna djonyi djɛ kɛnɛ kɛ Bible otepelande.

5. Lɔmbɛla onto wɛnyɛ mposɛ. Lɔmba Yehova akokotshɛ́ djɛ wɛ ndjala l’ikanyi yɛ wɔlɔ ole la djaana. Lɔmba Yehova akɔpɛyɛ djaana djɛ ndjewa winá w’okokɛ nkɔmba mbembola onto wɔpɛnyɛ mposɛ.—1 Kɔ. 9:26.