Nangha la wolo djɛ nkfumba anto ambeki

Kɛnɛ kɛ Yeso ndananghe

VIDEO: Yeso alakanyɛ Nikodɛmɛ

1. Lenda VIDEO, kana wala Djɔanɛ 3:1, 2. Ko tɔnɔla lá weepó w’ɛlɔnda wɛnɛ:

1. Ladjikɛnge Nikodɛmɛ ndakɔpɛ ntshɔ ntosawola la Yeso ngo la lotsho?—Lenda Djɔanɛ 12:42, 43.

2. Má mpomana la Nikodɛmɛ la lotsho, wopo wɔkɔnge Yeso ndɛnyɛ ante ambɔsa nkano djɛ nangha la wolo djɛ nkfumba anto ambeki?

Owaso olakanyelo wɔkɔnge me Yeso?

2. Tɔnghɛnyɛ ente tɔkɔpa anto má ndɔsa nkano djɛ nangha kenkfumɔ k’oyɛso ladjɛ nangha djɛ nkotshɛ́ anto dj’iwɔ nkoma ambeki.

Okola Yeso

3. Eka la ombeki wɔko lá winá la edjena k’ɔkɔpande. Ntsha nkokaka, nangha la wolo djɛ ndjeka la nde lá winá la lofu kɔɔ lɔkɔpande. Angɔkɔpa ndjeka lá idjena yɛnde y’olemo, lá kande, kana l’idjena inkina? Ntsha angokoka, nangha nonghanyi kɛko lá nkilika winá welekɔ́ wɔlɔ le nde.

4. Nyeke mbala la mbala. Ntsha opangoyala, topake nonghanyi kɛ wekelo. L’edjena kɛ ndotshika ngo nghokonyi, okoka ndáwopola ente:

1. Nkoka ndeeka la nde winá kana lofu lonkina lobengo lɔkɔ?

2. Nkoka ndjeka la nde má telefɔnɛ kana má zumɛ?

3. Nkoka ndɔmba nsakodji kenkina djɛ ndjeka la nde?

5. Lɔmba djɛ wɛ ndjala l’ekanedji kɛ wɔlɔ. Kaanga ntsha ombeki wɔko apalekɔ la winá wɔ ndjeka mbala la mbala kana apakambe l’akambo w’ekanyo, lɔmba Yehova akokotshɛ́ djɛ ndɔsa nkano djɛ nkindjɛ ndjeka la nde. (Flp. 2:13) Lonkina, ombeki wɔko alekɔ la wekeka efula wa wɔlɔ, lɔmba Yehova akokotshɛ́ djɛ mpika wiso lá wekeka w’ombeki wɔko.