Lakanyɛ lá wopo wɔ wɔdju

Kɛnɛ kɛ Yeso ndananghe

VIDEO: Yeso ɛnyɛ má ndjɔmbɔmba wopo wɔ Papa kɛnde otilakande yimba

1. Lenda VIDEO, kana wala Mateo 6:25-27. Ko tɔnɔla lá weepó w’ɛlɔnda wɛnɛ:

1. Yeso ndapɛyɛ ndjɔmbɔmba kɛkɔnge djɛ nyɛnyɛ ente Papa kɛnde ntilaka yimba?

2. Kaanga Yeso ndewaka nkete efula lá nkambo djɛ amfulu, lá nkambo djɛkɔnge djɛ wɔdju ndasepe ikanyi y’anto? Ladjikɛnge nangha nghɔsɔ yayale wopo wɔ wɔlɔ efula wɔ ndakanyɛ?

Owaso olakanyelo wɔkɔnge me Yeso?

2. Ntsha tombolakanyɛ lá wopo wɔ wɔdju, anto wangokota la wapangovungɛ akambo wa sombotepela, ko tongovunda eloko wɛwɔ.

Okola Yeso

3. Totepelake efula. L’edjena kɛ nkɔndɔla nkete nkfumɔ djewɛ lá ɔtɛ wɔ djoyi w’olakanyɛ, tepela ngo akambo walekɔ́ lá onkanda w’ekanyo. M’ɔkɔngɔ wɔ wɛ ndjopola woopó, konga la bale ntshitshi nkfumɔ djɛ ombeki wɔko nkadjimola. Ntsha apewe ndjɔndɔ kana ambotepela nkambo djepokana la elakanyelo wɛ Bible, opolande weepó enkina djɛ ndokotshɛ́ djɛ nde ntɔnɔla wɔlɔ lá nkambo djɛkɔ. Ntsha ombeki wɔko amboka ikanyi ilekɔ́ djonyi, heta tá itenyi inkina.

4. Kotshɛ́ ombeki wɔko djɛ nde nyɛna djokanelo dekɔ l’anteyi kɛ elakanyelo wɛ bango la kɛnɛ kewande ntondo. Ndjɔmbɔmba, lá ntondo kɛ ntateyɛ la wekelo w’olendana l’ekfundwelo, okoka mvungola lá yopasɛ akambo amɔtshi wa ombeki wɔko ndombeka walendana lá kɛnɛ kenanghemaka winá w’ovɔ onto.

5. Pɛyɛ ndjɔmbɔmba yɛ wɔlɔ la yɛ wɔdju. Lá ntondo kɛ mpɛyɛ ndjɔmbɔmba, lokawopole ente:

1. ‘Ndjɔmbɔmba kɛsɔ kelekɔ wɔdju?’

2. ‘Ombeki wɔmi angoka mbala kɛkɔ kɛmɔ?’

3. ‘Kengokotshɛ́ ombeki wɔmi djɛ mvungɔ ikanyi ilekɔ́ djonyi—ndo koko ndongovungɔ ngo ndjɔmbɔmba?’