Etepela wɛ wingelo w’Etenyi 6

Winá wɔ ase Isariyɛlɛ yingelá lá Looko lɔ Daka, tabɛrnaklɛ kekomaka edjena kɛ ɔtɛmwɛlɔ wɔ nsɔsɔlɔ. Ankfundji walakanyɛki Ɛlɛmbɛ edjinge tosushi talɔndjɛki owila. Etenyi kɛnɛ nyɛnyɛka wopo wɔ akambo la nanghedji dj’onto ɔmɔtshi, okokawɔ ntshikitanyɛ mbiko y’anto ankina. Ose Isariyɛlɛ onkfumɔ ayalaki l’odjito lá ntondo kɛ Yehova la kɛ winande onto. Ɛnyɛ ndjimbo keyalaki la Dɛbɔra, Naɔmi, Yosua, Ana, wɔna Jafɛta w’omoto ole Samwɛlɛ te anto waadjingaki. Pika nghɔmɔ ɛsɔsɔ ente kaanga anto amɔtshi wátayalá ase Isariyɛlɛ, ndjɔmbɔmba Rahaba, Oruta, Jaɛlɛ edjinge ase Ngibiyɔnɛ, wɔsaka nkano djɛ mpeta l’onkoko w’ase Isariyɛlɛ ladjikɛnde wewaki ambɔ Ndjambe ayalaki esanga nyawɔ.