Bible dj’otondo ndekaka ntepela akambo walendana l’Onkfumi wɔ Ndjambe. Yehova angokamba l’Onkfumi wɔnde djɛ nkotshɛ ikanyi yɛnde yɛ m’ewangelo ilendana lá looko. Etawɔ Onkfumi wɔ Ndjambe nge? Wopo wɔkɔnge w’ewaso ente Onkfumi wɔkɔ wɔlɔndjɛ? Akambo wakɔnge wa yomboshiyɛ nangha? Edjinge kɛkɔnge kɛ yongonagha l’etsho weyaye? Wekelo wɔnɛ la epe wekilika wengokadjimola weepó wɛsɔ.

1. Etawɔ Onkfumi wɔ Ndjambe nge, la olekɔ́ Nkfumi na?

Onkfumi oyɛwɔ nde lowandji lɔ Yehova Ndjambe ndashikikɛ. Yeso Kristo ndeke lolekɔ́ Nkfumi k’Onkfumi wɔ Ndjambe edjinge nde alɔndjɛ l’olongo. (Mateo 4:17; Djɔanɛ 18:36) Bible ntepelaka lá nkambo djɛ Yeso ante: ‘Nde angoyala Nkfumekanga . . . lotshinda lotshinda.’ (Luka 1:32, 33) Etengo oyɛnde Nkfumi k’Onkfumi wɔ Ndjambe, Yeso angapamela onto onkfumɔ lanɛ lá looko.

2. Anto wakɔna wangɔlɔndjɛ esanga la Yeso?

Yeso apangɔlɔndjɛ nyɔmɛlɛ. Anto wimá ‘tɔkɔlɛ tonkfumɔ, etepela enkfumɔ, nkopo y’anto inkfumɔ edjinge ewila enkfumɔ . . . Wangɔlɔndjɛ looko ngete ankfumi yɛ nkanga.’ (Ndjiso 5:9, 10) Anto amangha wangɔtɔlɔndjɛ esanga la Kristo? Ntateyɛ má winá wɔ Yeso ndaye lanɛ lá looko, miliyɔ y’Akristo wakoma ambeki wande. Koko ngo anto 144 000 ndeke longotshɔ ntɔlɔndjɛ esanga la Yeso l’olongo. (Wala Ndjiso 14:1-4.) Akristo ankina welá looko wangoyala wana mbandja wa Onkfumi.—Yeembo 37:29.

3. Wopo wɔkɔnge Onkfumi wɔ Ndjambe olekawɔ enkfumi wɛ wana w’anto?

Kaanga ewandji wɛ wana w’anto onanghawɔ la wolo djɛ nangha wayi wa wɔlɔ, iwɔ wapalekɔ la wolo wɔ nangha nkambo nkfumɔ dj’ɔkɔpawɔ. Lá mbamba imɔtshi, ewandji enkina wehona ngo wɛlɔ wɛwɔ iyɔmɛlɛ edjinge wepakiyana lá nkambo dj’anto wawɔ ndaahɛnaka. Koko Yeso, Nkfumi k’Onkfumi wɔ Ndjambe apangoyala l’onto wɔngɔhɛna. Ndjambe ashikikɛka ‘Onkfumi wopakoke ntshitana lotshinda.’ (Danyɛlɛ 2:44) Yeso angɔlɔndjɛ lá looko l’onkfumɔ edjinge apangɔsɔna dongi. Nde alekɔ la ngandji, la wɔlɔ, la sii edjinge angolakanyɛ anto dj’iwɔ nanghela winawɔ akambo etengo nde onanghande, nkɔpa ntepela ente la ngandji edjinge la sii.—Wala Izaya 11:9.

4. Lowandji lɔ wolo efula lɔngɔlɔndjɛ looko l’otondo

Lowandji lɔ Yeso Kristo ndeka enkfumi enkfumɔ wɛ wana w’anto. Wala Mateo 28:18, ko kadjimola lá woopó wɔnɛ:

• Lá wopo wɔkɔnge lowandji lɔ Yeso olekawɔ ɛlɔndjɛlɔ kɛ wana w’anto wɔlɔ?

Enkfumi wɛ wana w’anto ntshikitanaka winá la winá, edjinge enkfumi wɛkɔ wɛngɔlɔndjɛke ngo l’etatshi kɛmɔtshi kɛ looko. Otepelaso mo lá nkambo dj’Onkfumi wɔ Ndjambe? Wala Danyɛlɛ 7:14, ko kadjimola lá weepó wɛnɛ:

• Lamo oyɛwɔ djoyi djekembɛ djɛ ndjewa ente Onkfumi wɔ Ndjambe “wopakoke ntshitana”?

• Ladjikɛnge oyɛwɔ wɔlɔ Onkfumi wɔ Ndjambe ndɔndjɛ looko l’otondo?

5. Enkfumi wɛ wana w’anto ladjɛ mpɛnama

Lamo Onkfumi wɔ Ndjambe oyɛwɔ ladjɛ mpɛna enkfumi wɛ wana w’anto? Lenda VIDEO, ko kadjimola lá woopó wɔ l’anse.

VIDEO: Kɛkɔnge kesakisola Onkfumi wɔ Ndjambe?—Video dj’itenyi (1:41)

• Kɛkɔnge kemboposá m’ɛlɔndjɛlɔ kɛ wana w’anto?

Wala Losanghanyɛ 8:9, ko kadjimola lá weepó wɛnɛ:

• Ngete lewɛ, alekɔ wɔlɔ djɛ Onkfumi wɔ Ndjambe mpɛna enkfumi wɛ wana w’anto? Ladjikɛnge?

6. Onkfumi wɔ Ndjambe wolekɔ la tɔlɔndjɛ totila yimba

Ladjikɛnde Nkfumi kɛso Yeso Kristo ayalaka onto edjinge intasɛka lanɛ lá looko, nde nkokaka ‘ntoka djandji lá wɛdju wɛso.’ (Hebero 4:15) Anto 144 000 wasɔnamisá me Yehova oyɛwɔnde, ampame l’amato wa nkɔmano wangotapamela esanga la Yeso wemá ‘tɔkɔlɛ t’onkfumɔ, etepela enkfumɔ, weepo w’anto ankfumɔ edjinge ewala enkfumɔ.’—Ndjiso 5:9.

• Wɛ mbaka lokembo winá w’ewɛ ente Yeso l’anto 144000 wangɔlɔndjɛ esanga lande ndjewaka kɛnɛ kɛkɔpa nsakisola mbika ngete onto? Ladjikɛnge?

7. Onkfumi wɔ Ndjambe wolekɔ l’ɛlɛmbɛ weleká wɛ wana w’anto

Enkfumi wɛ wana w’anto ndjilaka ɛlɛmbɛ w’ɛnamaka etengo wengoyala la wapɔ edjinge wengolama anto w’ɔlɔndjɛwɔ. Onkfumi wɔ Ndjambe koko wolekɔ l’ɛlɛmbɛ wekoka wana mbandja y’Onkfumi nkilika. Wala 1 Kɔrɛtɔ 6:9-11, ko kadjimola lá weepó wɛnɛ:

• Etengo lewɛ, andja wanɛ otayalawɔ ngete mo ntsha anto ankfumɔ nkilika ngo ɛlɛmbɛ wɛ Ndjambe?a

• L’ikanyi yɛko, alekɔ djoyi djɛ wɔlɔ djɛ Yehova ndɔmba wana mbandja w’Onkfumi djɛ nɛmɛyɛ ɛlɛmbɛ wɛnde? Lamo?

• Kɛkɔnge kɛnyɛ ente anto wapalɛmɛyɛ ɛlɛmbɛ wɛkɔ nkoka ntshikitana?—Lenda vɛrse 11.

LÁ YOPASƐ

Onkfumi wɔ Ndjambe oyɛwɔnde lowandji lɔ nsɔsɔlɔ lolekɔ́ l’olongo lɔngɔlɔndjɛ looko l’otondo.

Mvungo

• Anto wakɔna wangɔlɔndjɛ l’Onkfumi wɔ Ndjambe?

• Ladjikɛnge Onkfumi wɔ Ndjambe olekawɔ enkfumi enkfumɔ wɛ wana w’anto?

• Wayi amɔtshi wakɔnge wa Yehova okongande me wana mbandja w’Onkfumi?

TOKANYI TONKINA

Nshishima kɛnɛ kelakanyisá Yeso lá nkambo djelendana l’edjena kɛngɔlɔndjɛ Onkfumi.

“Onkfumi wɔ Ndjambe wolekɔ l’oloko wɔko?” (Djamba djelá jw.org)

Ladjikɛnge Ewakɛ wɛ Yehova ɔsɔnawɔ djɛ ndjalá la nkɔmano l’Onkfumi wɔ Ndjambe, koko ape l’enkfumi wɛ wana w’anto?

Wayapɛyɛka lá nkambo dj’Onkfumi wɔ Ndjambe (1:43)

Isola akambo walakanyɛ Bible lá nkambo dj’anto 144 000 wa Yehova ndasɔnɛ djɛ ntɔlɔndjɛ esanga la Yeso.

“Anto wakɔna watshɔ t’olongo?” (Djamba djelá jw.org)

Akambo wakɔnge wa omoto ɔmɔtshi woyalaki lá lokando ndawola ante ngo Ndjambe toko ndeke lokoka ndjakala sii l’andja?

‘Ndjewaka wopo wɔ nana l’akambo wa ntshamba djɛ sii’ (Wetsho!, Ngɔndɔ kɛ djomi l’ɔtɔyi 2011)

Onkfumi wɔ Ndjambe wowangaka ndɔndjɛ l’olongo l’ɔnɔnyi wɔ 1914. Má winá wɔsɔ ndeke etsho w’ekomo w’ɛlɔndjɛlɔ kɛ wana w’anto yawange. Ewaso nkambo djɛsɔ ngete mo? Tolende akambo amɔtshi wa Bible ndewoyɛ, akambo wananghemá l’andja edjinge djalelo dj’anto ntateyɛ m’ɔnɔnyi wɔ 1914.

1. Kɛkɔnge kɛnyɛ prɔfɛsi yelá Bible?

Onkanda wɔ Bible wɔ Danyɛlɛ wotepelaka djɛ Onkfumi wɔ Ndjambe wongowanga ndɔndjɛ l’ekomo k’eleko k’etawɔ ambɔ ‘deko esambele.’ (Danyɛlɛ 4:16, 17) Ɛnɔnyi nkama m’ɔkɔngɔ, Yeso etaka eleko kɛkɔ kɛmɔ ante ‘eleko kɛ yashikikɛ k’ase ewila,’ edjinge nde alakanyɛka ante eleko kɛsɔ ketakome l’ekomo. (Luka 21:24) Ngo ngete sɔngɛna, deko esambele djɛsɔ djekomaka l’ɔnɔnyi wɔ 1914.

2. Akambo wakɔnge w’ɛnaso l’andja edjinge djalelo djɛkɔnge djemboyala l’anto ntateyɛ má 1914?

Ambeki wopolaka Yeso ambɔ: ‘Ilembetelo yɛkɔnge yɛngɛnyɛ oyeelo wɔko edjinge eleko k’ekomo kɛ nkfumbo dj’akambo djɛnɛ?’ (Mateo 24:3) Lá nsakiso kɛnde, Yeso áshimelaka akambo efula wangonanghema m’ɔkɔngɔ wɔnde mbanga ndɔndjɛ l’olongo etengo Nkfumi k’Onkfumi wɔ Ndjambe. L’anteyi kɛ wayi wasɔ ndeke, ambandji, ndjala yɛ nkasa la atshikito wa looko. (Wala Mateo 24:7.) Bible ewoyɛka djɛ nanghedji djengoyala l’anto ‘wal’etsho w’ekomo,’ djengila lowiko ‘wolo nkfulumeyɛ.’ (2 Timɔte 3:1-5) Towangaka nyɛna akambo la nanghedji djɛsɔ má 1914.

3. Ladjikɛnge akambo wa nyɛtshi yomboleka mfula ntateyɛ m’ɔnɔnyi wɔ Onkfumi wɔ Ndjambe yalɔndjɛ?

M’ɔkɔngɔ wɔnde ndjalá Nkfumi l’Onkfumi wɔ Ndjambe, Yeso ananaka mbandji l’olongo nya Satana la ɛdjɛngɛ wɛnde. Satana atalonga. Bible ntepelaka ante: ‘Wɔhɔnyɔlaka lá looko, nde nya andjelo wande.’ (Ndjiso 12:9, 12) Satana alekɔ la nkɛlɛ k’efula ladjikɛnde ewa ante nde angoyakema. Djɛkondeke anto oposɛnde wayi wapɔlɔ la ndjolo lá looko l’otondo. Ɔsɔ ndeke elonga k’akambo yombetela ntshitana l’andja! Onkfumi wɔ Ndjambe wongimɛ akambo ankfumɔ wa nyɛtshi.

TSHIMOLA

4. Adatɛ welá Bible watokotshɛ́ djɛ ndjewa ente Onkfumi wɔ Ndjambe wowangaka ndɔndjɛ l’ɔnɔnyi wɔ 1914

VIDEO: Onkfumi wɔ Ndjambe wowangaka ndɔndjɛ lá 1914 (5:02)

Amboyala ilá efula, Ndjambe ɛnyɛka nkfumi Nɛbukadinezara kelá Babilɔnɛ dɔ djɛ prɔfɛsi. Dɔ djɛsɔ la nsakiso yepɛyisá Danyɛlɛ nyɛnyɛka djɛ dɔ djalendanaki la ɛlɔndjɛlɔ kɛ Nɛbukadinezara edjinge k’Onkfumi wɔ Ndjambe.—Wala Danyɛlɛ 4:17.a

Wala Danyɛlɛ 4:20-26, ko kamba la tablo djɛ nkadjimola lá weepó wel’anse:

• (A) Dɔ djɛkɔnge djɛ Nɛbukadinezara ndɛnyi?—Lenda vɛrse 20 la 21.

• (B) Kɛkɔnge keyisá ladjɛ nanghema l’otamba wɔkɔ?—Lenda vɛrse 23.

• (C) Kɛkɔnge keyisá ndonanghema l’ekomo kɛ ‘deko esambele’?—Lenda vɛrse 26.

Wopo wolendana dɔ dj’otamba la Onkfumi wɔ Ndjambe

PRƆFƐSI (Danyɛlɛ 4:20-36)

Ɛlɔndjɛlɔ

(A) Otamba w’ekekete

Ɛlɔndjɛlɔ kembokoma

(B) ‘Nyɔkɔte otamba,’ edjinge nyotshike djɛ ‘deko esambele mpeta’

Ɛlɔndjɛlɔ kembowanga lonkina

(C) ‘Onkfumi wɔko wongoyala wɔko lonkina’

Lá okotshamelo wɔ ntondo wɔ prɔfɛsi kɛnɛ . . .

• (D) Otamba wayalaki djingingi djɛ na?—Lenda vɛrse 22.

• (E) Wopo wɔkɔnge ɛlɔndjɛlɔ kɛnde yakome?—Wala Danyɛlɛ 4:29-33.

• (F) Kɛkɔnge kekomelisá Nebukadinɛzara l’ekomo kɛ ‘deko esambele?’—Wala Danyɛlɛ 4:34-36.

OKOTSHAMELO WƆ NTONDO

Ɛlɔndjɛlɔ

(D) Nebukadinɛzara, nkfumi kɛ Babilɔnɛ

Ɛlɔndjɛlɔ kembokoma

(E) M’ɔkɔngɔ wɔ 606 N.D.D., Nebukadinɛzara atataka okadji ko atayala l’akoka wa ndɔndjɛ l’ilá k’ɛnɔnyi esambele.

Ɛlɔndjɛlɔ kembowanga lonkina

(F) Olando wɔ Nebukadinezara womboshila ko ambowanga ndɔndjɛ lonkina

Lá okotshamelo w’ape wɔ prɔfɛsi kɛnɛ . . .

• (G) Otamba wayalaki djingingi djɛ na?—Wala 1 Ɛkɔndɔ 29:23.

• (H) Winá wɔkɔnge ɛlɔndjɛlɔ kɛwɔ yakome? Wopo wɔkɔnge ewaso ente ɛlɔndjɛlɔ kɛkɔ kopɛka tii winá wɔ Yeso ndayalaka lanɛ lá looko?—Wala Luka 21:24.

• (I) WWiná wɔkɔnge edjinge lampe lowandji lɔsɔ yakalɔ ndɔdjɛ?

OKOTSHAMELO W’APE

Ɛlɔndjɛlɔ

(G) Nkfumi isato y’ase Isariyɛlɛ yɛnɛ yayalaki djingingi dj’ɛlɔndjɛlɔ kɛ Ndjambe

Ɛlɔndjɛlɔ kembokoma

(H) Jerusalɛmɛ mbotshitana la ɔnɔnghɔ wɔ ankfumi yɛ Isariyɛlɛ wombopɛ́ l’ilá kɛ ɛnɔnyi 2 520

Ɛlɔndjɛlɔ kembowanga lonkina

(I) Yeso ambowanga ndɔndjɛ l’olongo etengo Nkfumi k’Onkfumi wɔ Ndjambe

5. Andja watshikitanaka ntateyɛ má 1914

Lenda VIDEO.

VIDEO: Andja watshikitanaka ntateyɛ má 1914 (1:10)

Yeso atepelaka akambo wakokisá ndonanghema l’andja m’ɔkɔngɔ wɔ nde ndjalá Nkfumi. Wala Luka 21:9-11, ko kadjimola lá woopó wɔnɛ:

• L’akambo wa Yeso ndatepela, akambo wakɔnge w’ɛnɛ la wokɛ?

Ɔpɔstɔlɔ Poolo atepelaka wopo wɔ djalelo djengoyala l’anto l’etsho w’ekomo l’ɛlɔndjɛlɔ kɛ wana w’anto. Wala 2 Timɔte 3:1-5, ko kadjimola lá woopó wɔnɛ:

• Djalelo djɛkɔnge dj’ɛnɛ le anto lɔɔko kɛnɛ?

6. Ndjewa ente Onkfumi wɔ Ndjambe wɔlɔndjɛ ladjɛ ntɔpɛyɛ lokembo

Wala Mateo 24:3, 14, ko kadjimola lá weepó wɛnɛ:

• Olemo wɔkɔnge wɔ djonyi wɛnyɛ djɛ Onkfumi wɔ Ndjambe wombowanga ndɔndjɛ?

• Wopo wɔkɔnge w’okokɛ nsuka olemo wɔsɔ?

Onkfumi wɔ Ndjambe wombowanga ndɔndjɛ l’olongo, edjinge lako ilá wɔlɔndjɛ lá looko l’otondo. Wala Hebero 10:24, 25, ko kadjimola lá woopó wɔnɛ:

• Kɛkɔnge kekoka nangha onto l’onto “winá wɛnaso ente lofu lɔsɔ lomboyala entshupa”?

LÁ YOPASƐ

Prɔfɛsi yelá Bible, adatɛ, l’akambo wananghemá l’andja wanɛ nyɛnyɛka papoo djɛ Onkfumi wɔ Ndjambe wɔlɔndjɛ. Tɔngɛnyɛke ente iso ndjawolaka nkambo djɛsɔ má mpoposanyɛ wayi walendana l’Onkfumi la má ndjingelaka nsanghanyɛ yel’otshumano.

Mvungo

• Kɛkɔnge keposisá l’ekomo kɛ deko esambele djetepela onkanda wɔ Danyɛlɛ?

• Ladjikɛnge awolɛ ente Onkfumi wɔ Ndjambe wowangaka ndɔndjɛ l’ɔnɔnyi wɔ 1914?

• Wopo wɔkɔnge w’okokɛ nyɛnyɛ djɛ ongawolake ente Onkfumi wɔ Ndjambe wɔlɔndjɛ?

TOKANYI TONKINA

Lenda akambo watepela andjewi y’ɛkɔndɔ l’anto ankina lá wopo wombotshikitana andja ntateyɛ m’ɔnɔnyi wɔ 1914.

‘Winá wowangisá ntshitana djalelo dj’anto’ (Wetshɔ!, Ngɔndɔ k’anɛyi 2007 lá Lingala)

Wala wopo wɔ prɔfɛsi kelá Mateo 24:14 yatshikitanyɛ lowiko lɔ mpame kɛmɔtshi.

‘Lákɔpaki etombo wɛ Baseball ndeka ekete kenkina kenkfumɔ!’ (Etange k’Olami No. 3 2017 lá Falase)

Wopo wɔkɔnge w’ewaso ente prɔfɛsi kɛ Danyɛlɛ shapitrɛ 4 kelendana l’Onkfumi wɔ Ndjambe?

‘Ɔnɔnyi wɔkɔnge wɔ Onkfumi wɔ Ndjambe yawange ndɔndjɛ? (Etenyi 1)’ (Etange k’Olami, Ngɔndɔ kɛ djomi 1, 2014 lá Lingala)

Kɛkɔnge kɛnyɛ ente ‘deko esambele’ dj’otepelawɔ l’onkanda wɔ Danyɛlɛ shapitrɛ 4 djekomaka lá 1914?

‘Ɔnɔnyi wɔkɔnge wowangisá Onkfumi wɔ Ndjambe ndɔndjɛ? (Etenyi 2)’ (Etange k’Olami, Ngɔndɔ kɛ djomi l’ɔtɔyi 1, 2014 lá Lingala)

Onkfumi wɔ Ndjambe wombowanga ndɔndjɛ. Lako ilá, wongoyakala etshikitano lanɛ lá looko. Tokolenda akambo amɔtshi wa wɔlɔ w’okokɛ nkongela l’oloko lukuluku l’ɛlɔndjɛlɔ kɛ Onkfumi.

1. Wopo wɔkɔnge Onkfumi wɔ Ndjambe yongoyakala vu la sii lanɛ lá looko?

Lá mbandji kɛ Armagɛdɔ, Yeso Nkfumi k’Onkfumi wɔ Ndjambe angoyaka anto wa nyɛtshi ankfumɔ la angotshita enkfumi wɛ wana w’anto enkfumɔ. (Ndjiso 16:14, 16) Lá winá wɔkɔ, daka djelá Bible djɛnɛ ngokotshama: ‘Ambotshikala ngo winá daambi, ko anto wɔ nyɛtshi wapangoyala lonkina.’ (Yeembo 37:10) Mpeyi l’Onkfumi wɔ Ndjambe, Yeso angila vu la sii lanɛ lá looko.—Wala Izaya 11:4.

2. Lowiko yongoyala ngete mo winá wɔ ɛkɔpa kɛ Ndjambe yongonanghema lá looko?

L’ɛlɔndjɛlɔ k’Onkfumi wɔ Ndjambe, ‘anto wa wɔlɔ wangokita looko, edjinge wangintasɛka l’eteyi lotshinda lotshinda.’ (Yeembo 37:29) Kokanela djɛ wɛ olowika l’andja w’anto ankfumɔ walekɔ sii, wakɔpa Yehova edjinge wakɔpana l’anteyi kɛwɔ! Lako onto wongotata olando la tongowikaka lotshinda lotshinda.

3. Kɛkɔnge kengonangha Onkfumi wɔ Ndjambe m’ɔkɔngɔ wɔ nyɔyi k’anto wa nyɛtshi?

M’ɔkɔngɔ wɔ nyɔyi k’anto wa nyɛtshi, Yeso angɔlɔndjɛ etengo Nkfumi l’ilá k’ɛnɔnyi 1 000. Lá winá wɔsɔ, Yeso l’anto 144 000 wangɔlɔndjɛ́ esanga lande wangokotshɛ́ anto wa lanɛ lá looko djɛ ndjalá djɔ. L’ekomo k’ɛnɔnyi kinunu, looko longoyala paradiso kɛ wɔlɔ efula edjinge anto wangoyala l’osasa ladjikɛnde walɛmɛyɛ ɛlɛmbɛ wɛ Yehova. L’ekomo, Yeso angokawoyɛ Onkfumi te Papa kendɛ, Yehova. Ko ‘djiina djɛ Yehova ngoyala ekina’ lá lɛdji lɔ yotayalaká kaanga lofu. (Mateo 6:9, 10) Nkambo djɛsɔ ngɛnyɛ ente Yehova alekɔ Ndɔndji kɛ wɔlɔ kewa nama anto wande. L’ekomo, Yehova angoyaka Satana, ɛdjɛngɛ, edjinge anto ankfumɔ wananyɛ lowandji lɔnde. (Ndjiso 20:7-10) Lowiko lɔ djɔ lɔ Onkfumi wɔ Ndjambe yongoyakala longotshikala lotshinda lotshinda.

TSHIMOLA

4. Onkfumi wɔ Ndjambe wongimɛ enkfumi wɛ wana w’anto

‘Onto ndjapamelaka winande onto ngo djɛ ndɔwɛnyɛ ndjolo.’ (Losanghanyɛ 8:9) Mpeyi m’Onkfumi wɔnde, Yehova angimɛ akambo ankfumɔ wa ntshamba djɛ sii.

Wala Danyɛlɛ 2:44 edjinge 2 Tesalɔnikɛ 1:6-8, ko kadjimola lá weepó wɛnɛ:

• Yehova nya Yeso yongonangha nge la enkfumi wɛ wana w’anto edjinge l’anto ankfumɔ waasuka?

• Lá nkilika akambo wa ngombeka me Yehova la Yeso, ladjikɛnge awolɛ ente akambo w’onanghawɔ walekɔ sii edjinge wɔlɔ?

5. Yeso alekɔ Nkfumi kɛ wɔlɔ efula

Etengo oyɛnde Nkfumi k’Onkfumi wɔ Ndjambe, Yeso angonanghela anto wa lanɛ lá looko akambo wa wɔlɔ efula. Lenda VIDEO djɛ nyɛna wopo wɔ Yeso ndɛnyɛ ante nde alekɔ la mposɛ kɛ nkotshɛ́ anto edjinge Ndjambe ndeke l’ɔpɛyisá wolo wɔ nangha nkambo djɛsɔ.

VIDEO: Yeso ɛnyɛka akambo wangonangha Onkfumi (1:13)

Akambo wa Yeso ndananghe lanɛ lá looko yayale ngo iwongo mfumba y’akambo wa Onkfumi wɔ Ndjambe nyonghonangha. Lá ɛtshɔkɔ wiyowalaki lanɛ, wɛkɔnge w’okombolɛ nyɛna ekotshamelo kɛwɔ? Wala avɛrse wanɛ watokotshɛ́ djɛ ndjewa wayi walendana l’ɛtshɔkɔ wɛsɔ.

6. Mpeyi l’Onkfumi wɔ Ndjambe, tongowa etsho w’eyaye wɛ wɔlɔ

VIDEO: Iwongo mfumba y’akambo wa wɔlɔ wangonanghema l’etsho w’eyaye (4:38)

Wala Yeembo 145:16, ko kadjimola lá woopó wɔnɛ:

• Wopo wɔkɔnge w’oyawokɛ má ndjewa ente Yehova angokotshɛ ‘mposɛ yɛ ekete k’enkfumɔ kewika’?

LÁ YOPASƐ

Onkfumi wɔ Ndjambe wongokotshɛ okoma wɔnde. Wongokadjimola looko lɔnɛ paradiso, edjena kengolola l’anto wa wɔlɔ wangolumɛka Yehova lotshinda lotshinda.

Mvungo

• Wopo wɔkɔnge Onkfumi wɔ Ndjambe yongila djiina djɛ Yehova ekina?

• Ladjikɛnge okokaso ndjawola ente Onkfumi wɔ Ndjambe wongokotshɛ prɔfɛsi yelá Bible?

• L’anteyi k’akambo ankfumɔ wa Onkfumi wɔ Ndjambe yongoshiyɛ, akambo wakɔnge w’okongɛ l’oloko lukuluku?

TOKANYI TONKINA

Hona djɛ ndjewa etawɔ Armagɛdɔ nge.

“Etawɔ mbandji kɛ Armagɛdɔ nge?” (Djamba djelá jw.org)

Shishima akambo wanghonanghemá wa Yeso ndete ante, ‘ndjolo kʼekekete.’—Mateo 24:21.

“Oye ndjolo k’ekekete?” (Djamba djelá jw.org)

Lenda wopo w’okoka ase nkfumbo ntɔnɔla esanga lá wopo wɔ ɛtshɔkɔ wengoyakala Onkfumi l’andja wa bango.

Yala etengo onto woyawɛna lá Paradiso (1:50)

La djamba djɛ lowiko: “Weepó efula wentshimbɛka yimba,” lenda wopo w’owisá ɔntɔmbɔki ɔmɔtshi w’ose pɔlitikɛ nsakiso lá weepó wɛnde.

“Bible ntshikitanyɛka mbiko” (Etange k’Olami, Ngɔndɔ kɛ ntondo 1, 2012 lá Falase)