WEKELO 10
Wɛlɔ wɛkɔnge w’okokɛ mba má nsanghanyɛ y’Ewakɛ wɛ Yehova?
Wɛ ombingelá lofu lɔmɔtshi lá nsanghanyɛ y’Ewakɛ wɛ Yehova? Ntsha otatshu kaanga lofu, mbɔ koko wɛ nkoka ndjala la ndambo kɛ wɔma lá ntondo kɛ wɛ ndjingela. Wɛ nkoka ndawopola mbala kɛmɔtshi ente: Kɛkɔnge kenanghema la nsanghanyɛ yɛsɔ? Ladjikɛnge nsanghanyɛ yɛsɔ oyɛwɔ djonyi? Ladjikɛnge oyɛmi ladjɛ ndjingelá nsanghanyɛ? Lá wekelo wɔnɛ, wɛ ɔngɛna wopo wɔ nsanghanaka l’anto ankina nkoka ndeka nkosukanyɛ la Ndjambe edjinge nkokotshɛ́.
1. Okoma wɔkɔnge woleka ekekete wɔ Ewakɛ wɛ Yehova osanghanakawɔ?
Nyotshɔ tokolenda wopo wɔ onfunyi ɔmɔtshi wɔ Bible ndɛnyɛ okoma woleka djonyi wɔ osanghanakaso l’anto ankina. Nde atepelaka ante: ‘Lemi langolumɛka Yehova l’otshumano w’ekekete.’ (Yeembo 26:12) Wopo wɔk’ɔmɔ ndeke, Ewakɛ wɛ Yehova nsasangaka efula djɛ nsanghanaka esanga. L’andja w’otondo, iwɔ nsanghanaka lobengo lonkfumɔ djɛ numɛ Ndjambe, ndotshumbela teembo edjinge ndɔɔlɔmba. Mbala ipe kana isato l’ɔnɔnyi, iwɔ nonghanyɛka nsanghanyɛ yɛ nkekete djɛ numɛ Yehova.
2. Kɛkɔnge kɛ ngongoteka lá nsanghanyɛ yɛsɔ?
Lá nsanghanyɛ, tongekake Otepela wɔ Ndjambe, ‘tongopakisolake papo papoo edjinge ndoosipisoyɛ.’ (Wala Nɛhɛmiya 8:8.) Má ndjingelaka nsanghanyɛ, wɛ ongeka akambo efula lá nkambo djɛ Yehova edjinge djɛ wekeka wande wa wɔlɔ. Winá wɔ ngotaleke ndjewa wayi efula walendana la ngandji k’okokande, ndeke ngongotalekaká ndasukanyɛ nyande. Wɛ ongisola lonkina wopo w’okokande nkokotshɛ́ djɛ wɛ ndjala la lowiko l’osasa.—Izaya 48:17, 18.
3. Wopo wɔkɔnge anto wa ngongototana lá nsanghanyɛ okokawɔ nkokotshɛ́?
Yehova ntɔlɔmbaka djɛ ‘ndjilanaka yimba, djɛ ntshindana lá ngandji la lá elemo wɛ wɔlɔ la dj’ipa ntshika nsanghanaka esanga.’ (Hebero 10:24, 25) Lá nsanghanyɛ yɛso, wɛ ongopomana l’anto wilaná yimba nsɔsɔlɔ l’anteyi kɛwɔ, edjinge wakɔpa ndjeka akambo efula walendana lá Ndjambe ngete wɛ. La ongawoka wopo w’otepelawɔ wayi wakembɛ wemá Bible. (Wala Ɔrɔma 1:11, 12.) Wɛ ongewama lonkina me anto ankina, wambotshuka kana endjemba, welekɔ́ l’osasa kaanga opomanawɔ l’ekakasano. Ɔnɛ alekɔ ngo ndambo k’akambo wɛnyɛ kɛnɛ kɛ Yehova ɔkɔpande ante tosanghanake winá la winá.
TSHIMOLA
Tokoshishima akambo wananghemaka lá nsanghanyɛ yɛ Ewakɛ wɛ Yehova edjinge pela kɛnɛ kenanghemaka lá nsanghanyɛ y’Ewakɛ wɛ Yehova edjinge tolende lamo oyɛwɔ wɔlɔ ndjingelaka.
4. Nsanghanyɛ y’Ewakɛ wɛ Yehova
Akristo wa l’ɛtɛndɔ kɛ ntondo, wasanghanaki mbala la mbala djɛ ntɛmɔla Yehova. (Ɔrɔma 16:3-5) Wala Kɔlɔsɛ 3:16, ko kadjimola lá woopó wɔnɛ:
Wopo wɔkɔnge Akristo wa l’ɛtɛndɔ kɛ ntondo yatɛmɔlaka Yehova?
Wopo wɔk’ɔmɔ lɔɔko, Ewakɛ wɛ Yehova wangosanghanake mbala la mbala lá todjena tɔwɔ t’ɔtɛmwɛlɔ. Djɛ nyɛna wopo woheta nsanghanyɛ yɛwɔ, lenda VIDEO. M’eteyi, lenda video djɛnyɛ wopo wonanghema nsanghanyɛ, masɔ kadjimola lá weepó wɛnɛ:
Akambo wananghema lá Mvulu k’Okfumi la wa ngombowala lá Kɔlɔsɛ 3:16, yɔmbɔfɔna lá nkambo djɛkɔnge?
Lá video kana lá foto, ɔmbɛna akambo amɔtshi wananghemaká lá nsanghanyɛ wakosasangɛ?
Wala 2 Kɔrɛtɔ 9:7, ko kandjimola lá woopó wɔnɛ:
Ladjikɛnge Ewakɛ wɛ Yehova yopalɔmbaka mfalanga lá nsanghanyɛ yɛwɔ?
Esanga nya ombeki wɔko, nyoshishime kɛnɛ kɛ nyongoteka lá losanghanyɛ lokilika.
Etengo le wɛ, etenyi kɛkɔnge kɛ losanghanyɛ kengoleka nkosasangɛ kana ndeka ndjala djonyi lewɛ?
Ongewake?
Lá jw.org, wɛ ongotana djena kana winá wonanghema nsanghanyɛ l’andja w’otondo.
Nsanghanyɛ yɛso ndjalaka la wamba, wɛnyɛlɔ edjinge avideo. Nsanghanyɛ mbangaka la nkomɛka la yeembo edjinge la lɔlɔmbɔ
Lá ntenyi mɔtshi djɛ nsanghanyɛ yɛsɔ, anto nkoka mpɛyɛ wa kɔmantɛrɛ
Tongosangelake onto onkfumɔ, ayale ankfumbo, mpolo, nkokolo edjinge dangala
Nsanghanyɛ yɛso nanghe maka ofele. Ewakɛ wɛ Yehova wapakɔngɔlaka ɛkɔngɔ
5. Alɔmbama nangha la wolo djɛ ndjingelaka nsanghanyɛ
Tokolenda ndjɔmbɔmba kɛ nkfumbo kɛ Yeso. Djɛ ntosanghana lá nsanghanyɛ yenanghemaki ɔnɔnyi l’ɔnɔnyi, iwɔ wakɛndaki kilɔmɛtrɛ etengo 100 má Nazarɛtɛ tii tá Yerusalɛmɛ lá etatshi kɛ looko k’enkókó. Wala Luka 2:39-42, ko kadjimola lá weepó wɛnɛ:
Ngete le wɛ, lɔkɛndɔ lotá Yerusalɛma loyalaka wɔdju?
Iya wɛ, ladjikɛnge oye ladjɛ ndjila welo djɛ ndjingelaka nsanghanyɛ?
Okanelɛ ente mo, nkambo djɛsɔ ngoyala la djonyi le wɛ? Lamo?
Bible ntepelaka ante alekɔ djonyi efula nsanghanaka esanga djɛ ntɛmɔla Ndjambe. Wala Hebero 10:24, 25, ko kadjimola lá woopó wɔnɛ:
Ladjikɛnge oyɛso ladjɛ ndjingelaka nsanghanyɛ winá la winá?
ANTO EFULA NTEPELAKA AMBƆ: “Opalekɔ la djonyi djɛ nsanghanaka l’anto ankina. Wɛ nkoka ndjekaka Bible ngo nghɔmɛlɛ lá mvulu.”
Vɛrse kana ndjɔmbɔmba kɛkɔnge k’okokɛ nkamba la kɛkɔ kɛnyɛ kɛnɛ kɛkɔpa Yehova?
LÁ YOPASƐ
Nsanghanyɛ ingokokotshɛ́ djɛ ndjewa akambo efula walendana la Yehova, nkembɛ djokanelo djɛko nyape edjinge ndɔɔtɛmɔla esanga l’anto ankina.
Mvungo
Ladjikɛnge Yehova ɔtɔlɔmbande dj’iso nsanghanaka esanga?
Kɛkɔnge kɛ ngongoteka lá nsanghanyɛ y’Ewakɛ wɛ Yehova?
Etengo le wɛ, nsanghanyɛ nkoka nkokotshɛ́ lá akambo ankina wakɔnge?
TOKANYI TONKINA
Ya ntsha ongokake nsɔnyi kana wɔma djɛ ndjingela lá nsanganyɛ? Ntsha nghɔsɔ, lenda mpame kɛmɔtshi keyalaki la wɔma djɛ ntshɔ tá nsanghanyɛ ndaye ndɔkɔpa.
Kolenda wopo wɔ olangala ɔmɔtshi ndasasanga lombombe la nsanghanyɛ edjinge kɛnɛ kɛ ndananghe dj’ipa nde nsambaka masanghanyɛ.
Lenda wayi w’anto amɔtshi otepelawɔ lá kɛnɛ kokanelawɔ lá nkambo djɛ nsanghanyɛ.
“Ladjikɛnge ndjingela nsanganyɛ lá Mvulu k’Onkfumi?” (Djamba djelá jw.org)
Lenda wopo wɔ lowiko lɔ mpame kɛmɔtshi kɛ lopango yatshikitana m’ɔkɔngɔ wɔnde ndjingela losanghanyɛ lɔmɔtshi l’Ewakɛ wɛ Yehova.
“Ntaheetaki la ota wɔmi djena nkfumɔ” (Etange k’Olami, Ngɔndɔ k’esambele 1, 2014 lá Otetela)