Mwanda wa 11
Nkongolo a kumpala
OUKU kintu kya kumpala kibakitshine Nowa kunyima kwaye kutuuka mu bwato na kifuko kyaye su? Batwadile mulambu sunga kya buntu kwi Efile Mukulu. Kifwatulo akilesha mushindo wa kwete kulambula. Nowa balambwile uno mulambu wa nyema bwa kutumbula Efile Mukulu mwanda bapaasha kifuko kyaye ku mpeshi a kabutu.
Opwandikisha shi Efile Mukulu baadi mukumiine wawa mulambu su? Oolo, bakuminyine. Na aye nkulaa Nowa shi takabutula dingi nsenga ku mpeshi nya.
Mu kapindji kapeela nsenga ibaadi yume, Nowa na kifuko kyaaye ababangile nshalelo mupya abo abatuuku mu bwato. Efile Mukulu bebelele mwabi aye nkwibalungula shi: ‘Etandeeneyi. Fiimayi pa nsenga mpa na abiuulu bantu mu nsenga ishima.’
Kadi kumongo, bantu pabamono mpeshi mukata, abekala na moo shi mpeshi e bu yawa a kabutu akyebe kufika dimo. Ndjo Efile Mukulu nkwibapa kintu kya kwibatentekyesha mulayilo waye wa kupela kubutula dingi nsenga ku mpeshi. Ouku kintu kibebapeele bwa kwibatentekyesha su? Bebapeele nkongolo.
Misango ibungi atumonaa nkongolo mwiyilu nsaa ayitembe kanya aye mpeshi bakatuka mu kukila. Nkongolo mulombeene kwikala na malangi ebuwa e bungi. Tobo mumwene su? Bomono uno e mu kifwatulo su?
Efile Mukulu bakwile shi: ‘Nenulaa shi tankayipaa dingi bantu na nyema ku mpenshi nya. Natuulu nkongolo ande mu makumbi. Su nkongolo batuuku, na kamumono na kutentekyesha mulayilo wande.’
Byabya, su bomono nkongolo otentekyesha kinyi? Oolo, Efile Mukulu balayile shi takabutula dingi nsenga ku mpeshi nya.