Ba Temwe ba Yehowa abafubeyaa mufubo wa bu misionere?

Oolo. Mbalo yooso yatudi bashale, Temwe a Yehowa ooso etatshishaa bwa kwikala na binangu bya bu misionere, pa kulungulanga bantu batufumankana nabo bi lukumiino lwetu.​—Mateo 28:19, 20.

Na dingi, bangi ba Temwe abendaa sunga nkashaala mu ma mbalo a mwiumbo dyabo mwi bantu be na lukalo lwa kupusha mukandu wibuwa wa mu Bible. Bangi ba Temwe abendaa mu mawumbo abene bwa kutamisha mudimo wabo wa bulungudi. Be na muloo wa kulungula mukandu wi buwa bwa kulombasha buno butemuki bwa Yesu abwamba shi: “Anukekala tumonyi twande . . . Mpaa na kufudiile nsenga.”​—Bikitshiino 1:8.

Mu 1943, tubatushishe kalasa ka kutuusha malongyesha e bungi bwa kulongyesha bangi ba misionere betu. Kubanga mu aa mafuku, ba Temwe bakile pa 8 000 mbatwele mu kano kalasa, katwitanyinaa bu kalasa ka Gileade akalongyesha myanda ya mu Bible.