DILONGYESHA 4

Mushindo wi buwa wa kubadikisha Bifundwe

Mateo 22:41-45

MU KIKOSO: Lumbuula binangu bya bantu abakuteemesha kumpala kwa kubadika kifundwe.

Uuka bwakinyi obadika kifundwe. Banga kifundwe kyoso na mayi aakaka binangu bya bantu ku mwanda ukata wi mwanka.

Tala myanda i kumpala kwa kifundwe. Lesha winyi mwakule aa mayi na winyi bafundjile wawa mukanda wa mu Bible.
Lesha shi Bible e na bukome. Nsaa ywesamba na muntu mukumiine mwi Efile Mukulu, kaka binangu byaye ku Bible, Eyi dy’Efile Mukulu, yaya nsaa olesha shi, Bible ndjo nsulo ya binangu.
Pa bantu malaka a kubadika kifundwe. Ela lukonko lwabakyebe kwaluula kwi kifundwe, temuna mwanda wabatoosha kwi kifundwe, sunga eyi dya kulonda dyabadi baleshe kalolo mu mwisambo wa mu Bible.

Tundula myanda yabadi bapwe kuuka kwi bantu abakuteemesha pabitale mwisambo oobe sunga kifundwe kyobadika. Sunga bantu mbapwe kuuka kifundwe, ekibadikishe mu mushindo wi buwa, na okwashe bantu bwabadya kunangushena dingi pa kyanka, na kutundula kintu kipya ki mwanka.