DILONGYESHA 20

Kufudiisha mwisambo kalolo

Mulungudi 12:13, 14

MU KIKOSO: Mu mayi obe a nfudiilo, okwashe bantu bwabadya kukumiina na kutumikila myanda ibabalongo.

Mayi oobe a nfudiilo epushene na mwisambo oobe. Ambuula sunga kuteemuna dingi myaku ikata na mutwe wa mwanda.
Takula bantu mu kukita kintu kampanda. Lesha bantu kyabadya kukita, na webaleshe bwakinyi abitungu bekikite. Akula mu mushindo aulesha shi okumiina myanda ywakula na shi i na muulo.
Akula mayi a nfudiilo apelepele mu kikoso. Twakulanga myanda ipya. Akula mayi apeela, kita bya shi mayi a nfudiilo akwashe bantu bwa kutumikila myanda ibabalongo.

Twakulanga mayi a nfudiilo lubilolubilo, na twendanga na kwisha eyi bisumanga. Akula myaku ya nfudiilo na kishima akilesha shi bofudiisha.